Fact Check – સુરતના ઝાંપાબજારની 1923ની વાઇરલ તસવીર ખરેખર AI જનરેટેડ છે

સોશિયલ મીડિયામાં સુરતના વિસ્તારની એક તસવીર વાઇરલ થઈ છે. સોશિયલ મીડિયા યુઝર તસવીર શેર કરતા દાવો કરે છે કે, “સુરતના ઝાંપા બજારનો 1923નો ફોટો.”

તસવીરમાં વિસ્તારના બજારમાં આવેલી દુકાન પણ જોવા મળે છે. તેમાં ગુજરાતીમાં બોર્ડ મારેલા છે.

જોકે, ન્યૂઝચેકર અનુસાર તસવીર ખરેખર અસલી નથી. આ એક આર્ટિફિશિયલ તસવીર છે. AI દ્વારા તેને જનરેટ કરવામાં આવી છે.

સોશિયલ મીડિયા પોસ્ટનું આર્કાઇવ વર્ઝન અહીં, અહીં જુઓ.

Fact Check/Verification

સૌપ્રથમ દાવાની તપાસ માટે અમે વાઇરલ તસવીરને ગૂગલ રિવર્ઝ ઇમેજ સર્ચની મદદથી સ્કૅન કરી. જોકે, અમને તેમાં કોઈ સત્તાવાર સમાચાર અહેવાલ કે કોઈ માહિતી પ્રાપ્ત ન થઈ.

આથી અમે તસવીરમાં દેખાતી કોલ્ડડ્રિંકની બ્રાન્ડ વિશે તપાસ કરી. ખરેખર સોસિયો સુરતની એક જાણીતી કોલ્ડડ્રિંક બ્રાન્ડ છે.

આ વિશે સર્ચ કરતા અમને 1 માર્ચ-2009ના રોજ ટાઇમ્સ ઑફ ઇન્ડિયા દ્વારા પ્રકાશિત અહેવાલ પ્રાપ્ત થયો.

અહેવાલમાં જણાવાયું છે કે, “સોસિયો કોલ્ડડ્રિંગ બ્રાન્ડનો જન્મ ખરેખર 1927માં થયો હતો. એ પહેલા તે ‘વ્હિસ્કી નો’ના નામથી માર્કેટ કરવામાં આવતી હતી અને તે પહેલા મોહસીન હજૂરીએ જેઓ યુકેની વિમટો કોલ્ડડ્રિંકને માર્કેટ કરતા તેમણે તેની સામે ‘વ્હિસ્કી નો’ના નામે બ્રાન્ડ બજારમાં ઉતારી હતી. મહાત્મા ગાંધીએ આપેલા સ્વદેશીના નારાને ચરિતાર્થ કરવા માટે તેમણે આ પગલું લીધું હતું.”

જેનો અર્થ કે 1923માં સોસિયો બ્રાન્ડનું અસ્તિત્વ નહોતું. ત્યારે એક અલગ બ્રાન્ડ વેચાતી હતી. આથી તસવીર મામલે શંકા ઊભી થઈ.

જેથી અમે AI ડિટેક્શન ટૂલ ઑથેન્ટા પર તસવીરને અપલોટ કરી ચકાસણી કરી. જેમાં અમને પરિણામ મળ્યું કે, તસવીર ખરેખર 100 ટકા એઆઈ જનરેટેડ છે.

તસવીરને અમે એક વધુ AI ડિટેક્શન ટૂલ પર અપલોડ કરીને ચકાસણી કરી. અમે detect ai ટૂલ થકી ચકાસણી કરતા અમને પરિણામ મળ્યું કે તસવીર ખરેખર 90 ટકા એઆઈ જનરેટેડ છે.

આમ, ઉપરોક્ત તમામ બાબતો દર્શાવે છે કે, તસવીર ખરેખર AI જનરેટેડ છે.

Read Also : Fact Check : મુકેશ અંબાણી-નાણામંત્રી નિર્મલા સીતારામણનો ઇન્વેસ્ટમેન્ટ ટૂલ લૉન્ચિંગનો વીડિયો AI નિર્મિત અને ડીપફેક છે

Conclusion

અમારી તપાસમાં નિષ્કર્ષ નીકળે છે કે, તસવીર ખરેખર એઆઈ જનરેટેડ છે. તે સુરતના ઝાંપા બજાર વિસ્તારની તસવીર નથી.

Sources
News Report by Times of India, dated, 1 March,2009
Athenta AI Detection Tool
Detect AI Tool