ફિલ્મ પઠાણના વિરોધના સંદર્ભમાં સિનેમા હોલની બહાર આર્મી જવાનો ગોઠવાઈ ગયા હોવાના દાવા સાથે ભ્રામક તસ્વીર વાયરલ

શાહરૂખખાનની બહુચર્ચિત પઠાણ ભારે વિરોધ બાદ પણ આખરે રિલીઝ થઈ ગઈ છે. સોશ્યલ મીડિયા પર અનેક મતભેદો ચાલી રહ્યા છે. આ ક્રમમાં સિનેમા હોલની બહાર આર્મી જવાનો ગોઠવાઈ ગયા હોવાના દાવા સાથે પઠાણ ફિલ્મનું એક પોસ્ટર શેર કરવામાં આવી રહી છે. તસ્વીરમાં સિનેમા હોલની બહાર ફિલ્મ પઠાણનું પોસ્ટર જોવા મળે છે, જયારે બિજી તરફ પોલીસ અને આર્મી જવાનો સુરક્ષામાં ઉભેલા જોવા મળે છે.

ફેસબુક પર “હવે ભવિષ્ય માં અહિંસક/શાંતિપૂર્વક ના વિરોધ પ્રદર્શનો પણ કદાચ નહિ કરી શકાય. અને તમારે તો પઠાણ નો #Boycott કરી એનો વિરોધ કરવાનો છે જેને ગૃહમંત્રી સુરક્ષા આપી release કરાવે છે” ટાઇટલ સાથે તસ્વીર શેર કરવામાં આવી રહી છે. દાવો કરવામાં આવ્યો છે કે IPC 188 હવે કોગ્નિઝીબલ ગણાશે જેના કારણે ભવિષ્યમાં શાંતિપૂર્વકના વિરોધ પ્રદર્શનો પણ કદાચ નહિ કરી શકાય.

આ પણ વાંચો : પાકિસ્તાનની આર્થિક સ્થિતિ વર્ણવતી ભ્રામક તસ્વીરનું સત્ય

Fact Check / Verification

ફિલ્મ પઠાણના વિરોધના સંદર્ભમાં સિનેમા હોલની બહાર આર્મી જવાનો ગોઠવાઈ ગયા હોવાના દાવા સાથે વાયરલ થયેલા પોસ્ટર અંગે ગુગલ રિવર્સ ઇમેજ સર્ચ કરતા thehindubusinessline દ્વારા જાન્યુઆરી 2018ના પ્રકાશિત કરવામાં આવેલ અહેવાલ જોવા મળે છે. અહીંયા જોવા મળતી માહિતી મુજબ, દિલ્હી ખાતે ફિલ્મ પદમાવતના વિરોધને રોકવા ડેલાઇટ સિનેમાની બહાર પેરા મિલિટરી ફોર્સ ગોઠવવાની ફરજ પડી હતી.

અહેવાલ સાથે વાયરલ તસ્વીર પણ જોઈ શકાય છે, જ્યાં ફિલ્મ પઠાણના બદલે પદ્માવતનું પોસ્ટર જોઈ શકાય છે. ઉપરાંત, ન્યુઝ સંસ્થાન ઇન્ડિયન એક્સપ્રેસના એક અહેવાલ સાથે પણ વાયરલ તસ્વીર જોઈ શકાય છે. જેમાં ફિલ્મ પદ્માવતનું પોસ્ટર જોઈ શકાય છે.

Conclusion

ફિલ્મ પઠાણના વિરોધના સંદર્ભમાં સિનેમા હોલની બહાર આર્મી જવાનો ગોઠવાઈ ગયા હોવાના દાવા સાથે વાયરલ થયેલા પોસ્ટરને એડિટિંગ મારફતે લગાવવામાં આવેલ છે. વર્ષ 2018માં ફિલ્મ પદ્માવતના વિરોધ સમયે દિલ્હીના ડેલાઇટ સિનેમાની બહાર પેરા મિલિટરી ફોર્સ ગોઠવવાની ફરજ પડી હતી.

Result : Altered Image

કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044