Thursday, June 13, 2024
Thursday, June 13, 2024

HomeFact Checkکیا یہِ ویڈیو چھا فیفا ورلڈکپ 2022 ہس دوران نفرن ہندِ اسلام...

کیا یہِ ویڈیو چھا فیفا ورلڈکپ 2022 ہس دوران نفرن ہندِ اسلام قبول کرنکُ؟

قطرس منز فیفا ورلڈکپ 2022 کسِ سلسلس منز ڈاکٹر ذاکر نائک سنزِ موجودگی پتہ چُھ اسلام تہ مسلمانن معتلق سیٹھا مواد وائرل گژھان۔

سوشل میڈیاہس پیٹھ چُھ اکھ ویڈیو وائرل گژھان۔ ویڈیوس منز چھِ کینہہ نفر اکسِ مولوی سنزِ موجودگی منز اسلام قبول کران۔ تہ اتھ ویڈیوس متعلق چُھ یوان وننہ زہِ یہ چُھ فیفا ورلڈکپ 2022 تقریب دوران کینہہ نفر اسلام قبل کران۔

اکہِ ٹویٹر صارِفن چُھ دعویٰ کورمتُ زہِ ‘فیفا ورلڈ کپ بنیو دنیاہُک سارِوی کھوتہ بوڈ دعوتی اجتماع۔ کثیر تعدادس منزچُھ لوکھ پران کلمہِ شہادت۔ یہِ چُھ بآرشِ ہُند گودنیوک قطرہ۔ ونیوکُ تام چُھ 1000 کھوتہ زیادہ اسلام قبول کورمتُ۔ حالانکہ وُنہ چُھونہ ایونٹ شروع گومتُ کینہہ۔ از چُھ گوڈنیوکُ میچ’۔

ٹوئٹرس پیٹھ وائرل ویڈیو لنک ہکیو توہیِ یتیتھ، یتیتھ تہ یتیتھ وچتھِ۔

امہ علاؤ چُھ یہ ویڈیو فیس بکُ صارِفو تہِ شیئر کورمتُ۔ تمو تہ چُھ یہوے ویڈیو متعلق دعویٰ کورمتُ زہِ یہ چُھ فیفا ورلڈکپ 2022 دوران عیسائی نفر اسلام قبول کران۔

فیس بُک پوسٹن ہُند لنک ہیکیو توہیِ یتیتھ، یتیتھ تہ یتیتھ وچتھِ۔

Fact Check/ Verification

نیوز چیکرن کور اتھ سلسلس منز تحقیقات زہِ کیا یہ چھا واقعی یمِ شخص فیفا ورلڈکپ 2022 ہس دوران اسلام قبول کران۔ تحقیقات خطرء کور اسہِ یہِ وائرل ویڈیو اِنوڈ سافٹوئر کہِ مدد ساتِ کیفیرمن منز تقسیم، تہ یمو منز کرِ کینہہ کیفریم گوگل منز ریورس امیج سرچ۔

سرچ دوران آؤ اسہِ فیفا ورلڈکپ 2022 ہُک وننہ یوان یہِ ویڈیو حیات الایمان مائیشا یاکمینی نامی یوٹیوب چنلِ پیٹھ لبنہ۔ یُس 4 مارچ  2018 ہس منز چُھ آمتُ اپلوڈ کرنہ۔

ویڈیوس ساتِ دینہ آمتِ ڈسکرپشن مطابق چُھ یہ فلپائنس منز 60 عسیائی نفر اسلام قبول کران۔

تحقیقاتس دوران آؤ اَسہِ فیفا ورلڈکپ 2022 ہُک وننہ یوان یہِ ویڈیو بویسا کبیکے نامی یوٹیوب چینلِ پیٹھ لبنہ۔ تہ اتھ چینلِ پیٹھ چُھ آمتُ یہ ویڈیو 11 اپریل 2018 ہس منز اپلوڈ کرنہ۔

امہِ علاؤ آو اسہِ یہ وائرل ویڈیو موائدھا بائے سکینکے نامی یوٹیوب چینلِ پیٹھ تہِ لبنہ۔

فیفا ورلڈکپ 2022
Screengrab from Youtube/Mawaidha by Sekenke

ویڈیو کسِ ڈسکرپشنس منز چُھ آمتُ وننہ وہِ 60 فلپائن شہری گئیِ اسلامس منز داخل۔

ہرگاہ اسہِ یہ واضع گو نہ کُنہِ قابل اعتبار ذرائع سآتِ ثابتِ زہِ فیفا ورلڈکپ 2022 ہُک وننہ یوان یہ ویڈیو کمہِ ملککُ چُھ، تاہم گیِ یہ کتھ صاف زہِ یہ چُھ پرون ویڈیو۔

Conclusion

لہذا ہیکو اسہِ ونتھِ زہِ یہ ویڈیو چُھ پرون تہ اتھ چُھنہ فیفا ورلڈکپ 2022 ہس سآتِ کانہہ تہ تعلق۔ اتھ ویڈیوس متعلق کرنہ یوان دعویٰ چُھ بے بنیاد۔

Result: False

Our Sources

Video by YouTube channel Mawaidha by Sekenke dated March, 14, 2018
Video by YouTube channel Bwaissa Kabeke, dated April 11, 2018
Video by YouTube channel HAYATUL IIMAAN MAISHA YA KIIMANI, dated March 14, 2018


کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in

LEAVE A REPLY

Please enter your comment!
Please enter your name here

Most Popular