Sunday, May 19, 2024
Sunday, May 19, 2024

HomeFact Checkانکاونٹرس دوران تباہ مکانن ہِنز پرانِ تصویر وائرل

انکاونٹرس دوران تباہ مکانن ہِنز پرانِ تصویر وائرل

سوشل میڈیاہس پیٹھ چھِ تباہ شدہ مکانن ہنز تصویر وائرل گژھان، تہ وائرل تصویرن متعلق چُھ یوان کرنہ زہِ یِمہ مکان چُھ تازء انکوانٹرس دوران تباہ آمتِ کرنہ۔

اکِ ٹویٹر صارِفن چُھ وائرل تصویرن متعلق دعویٰ کورمتُ زہِ یِمہ مکان چھِ تازء انکاونٹرس دوران تباہ گمُتِ۔

وائرل تصویر
Courtesy: Screengrab from twitter @TheWolf_313

یتھی پآٹھِ چُھ دوئمِ اکِ صارِفن وائرل تصویرن لیکوھمتُ زہِ “یہ چُھ از کشمیر منز” کپیشن سان تصویر شیئر کرمژ۔ ٹویٹس پیٹھ اکسِ کمنٹ کسِ جوابس منز چُھ صارفن لیکومتُ زہِ یہ مکان چھُ اکھ دوہ برونہہ تباہ آمتُ کرنہ۔

نیوز چیکر کسِ تحقیقاتس منز آئی یہ وائرل تصویر پرآنِ لبنہ۔

Fact check/ Verification

نیوز چیکرن کور مکانچ وائرل تصویر ہندسِ سلسلس منز تحقیقات خاطرء یہ تصویر گوگلس پیٹھ ریورس امیج سرچ۔ سرچ دوران آو فرسٹ پوسٹ ویب سائٹِ پیٹھ جولائی 5، 2017 ہس منز شائع اکھ رپورٹ لبنہ۔ رپورٹس سآتِ چھِ آمژِ یہ تصویر تہِ شیئر کرنہ۔

رپورٹس منز چُھ آمتُ وننہ زہِ یہ تصویر چھِ آمژ جموں و کشمیر کسِ پلوامہ ضلس منز فوج تہ ملی ٹینٹن درمیان انکاونٹرس دوران تلنہ۔

“رپورٹس منز چُھ آمتُ لیکھنہ زہِ انکوانٹرس دوران آئی زہ سیکورٹی اہلکار زخمی تہ 4 عام شہری تصادم پتھ احتجاجس دوران فورسز کاروائی منز زخمی۔ انکوانٹرس دوران گئی کینہ مکان تہ تباہ”۔

سرچ دوران آئی اسہِ دی وائر وئب سائٹِ پیٹھ امہِ جولائی 4، 2017 ہس منز شائع امہِ تصویر سان اکھ رپورٹ لبنہ۔ رپورٹس منز چُھ آمتُ مکان مالکنَ ہندُ روداد بیان کرتھ وننہ آمتُ زہِ یمہ مکان چھِ آمتِ پلوامہ کسِ بہمو علاقس منز انکوانٹرس دوران تباہ کرنہ۔

دوئم تصویر گوگل ریورس امیج سرچ کرنہ پتہ آئی اسہِ کشمیر ریڈر وئب سائٹِ پیٹھ ستمبر 26، 2020 ہس منز شائع اکھ رپورٹ امہِ تصویر سان لبنہ۔ رپورٹس منز چُھ وننہ آمتُ زہِ یہ مکان چُھ ضلع اننت ناگ کسِ سرہامہ علاقاس منز انکوانٹرس دوران تباہ گومتُ۔

Courtesy: Screengrab from Kashmir Reader

اکِ کنٹینٹ ایجنسی ‘کنٹینٹ گارڈن’ ہنزِ وئب سائٹِ پپیٹھ تہِ آئی اسہِ یہ تصویر لبنہ یتھ متعلق چُھ وننہ آمتُ زہِ یہ مکان چُھ اننت ناگ کسِ سرہامہ علاقس منز انکوانٹرس دوران تباہ گومتُ۔

امہ علاو چُھ ڈیلی ایکسلشیر وئب سائٹِ پیٹھ تہ ییِ وننہ آمتُ۔


لہذا گو نیوز چیکر تحقیقاتس منز ثابتِ زہِ شوشل میڈیاہس پیٹھ شیئر کرنہ آمژء تصویر چھنہ تازء، بلکہ چھِ یمہ پران۔

Result: False

Our Sources

Report by Firstpost, Dated July 5, 2017
Report by The Wire, Dated June 13, 2018
Report by Daily Excelsior, Dated September 26, 2020

If you would like us to fact-check a claim, give feedback, or lodge a complaint, WhatsApp us at 9999499044 or email us at You can also visit the Contact Us page and fill out the form.


Please enter your comment!
Please enter your name here

Most Popular