ಮಗುವನ್ನು ಗೂಳಿಯ ದಾಳಿಯಿಂದ ಹಸು ರಕ್ಷಿಸುವ ವೀಡಿಯೋ; ಇದು ನಿಜವಲ್ಲ, ಎಐ ಕರಾಮತ್ತು

Claim

ಮಗುವನ್ನು ಗೂಳಿಯ ದಾಳಿಯಿಂದ ಹಸು ರಕ್ಷಿಸುವ ವೀಡಿಯೋ ಒಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.

Fact

ದೃಶ್ಯಗಳಲ್ಲಿ ಅಸಹಜ ಅಂಶಗಳು

ವೈರಲ್ ವೀಡಿಯೋದಲ್ಲಿ ಮಗುವಿನ ಕಾಲುಗಳು ಅಸ್ವಾಭಾವಿಕವಾಗಿ ಮಸುಕಾಗಿರುವುದು, ಹಸುವಿನ ಪಾದಗಳ ಸುತ್ತ ಧೂಳು ಸ್ಥಿರವಾಗಿರುವುದು, ಕೆಲವೊಮ್ಮೆ ಪೂರ್ಣವಾಗಿ ಇಲ್ಲವಾಗುವುದು ಇತ್ಯಾದಿ ದೃಶ್ಯಗಳನ್ನು ನ್ಯೂಸ್‌ ಚೆಕರ್ ಗಮನಿಸಿದೆ. ಇಂತಹ ಲಕ್ಷಗಳು ಎಐ ನಿಂದ ಮಾಡಿದ ದೃಶ್ಯಗಳ ವಿಶಿಷ್ಟ ಲಕ್ಷಣಗಳಾಗಿವೆ.

ವೀಡಿಯೋ ಮೂಲ

ಕೀ ಫ್ರೇಮ್‌ಗಳ ರಿವರ್ಸ್ ಇಮೇಜ್ ಸರ್ಚ್ ಮಾಡಿದಾಗ  ಅಕ್ಟೋಬರ್ 28, 2025 ರಂದು @aloisionaroca ಅವರು YouTube ನಲ್ಲಿ ಅಪ್ ಲೋಡ್ ಮಾಡಿದ ಪೋಸ್ಟ್ ಲಭ್ಯವಾಗಿದೆ. ಪೋರ್ಚುಗೀಸ್ ಭಾಷೆಯಿಂದ ಅನುವಾದಿಸಲಾದ ವಿವರಣೆಯಲ್ಲಿ, “ಒಂದು ಮಗುವನ್ನು ರಕ್ಷಿಸಿದ ಹಸು #sora [OpenAI ನ AI ವೀಡಿಯೊ-ಉತ್ಪಾದಿಸುವ ಮಾದರಿ] #ಶಾರ್ಟ್ಸ್” ಎಂದು ಬರೆಯಲಾಗಿದೆ, ಜೊತೆಗೆ ಇದು ಮಾರ್ಪಡಿಸಲಾದ ವಿಷಯ ಎಂದು ಹಕ್ಕು ನಿರಾಕರಣೆ ಇದೆ.

AI-ಪತ್ತೆ ಪರಿಕರಗಳಿಂದ ದೃಢೀಕರಣ

ಸತ್ಯಾಸತ್ಯತೆಯನ್ನು ಪರಿಶೀಲಿಸಲು, ನ್ಯೂಸ್ ಚೆಕರ್ ಹೈವ್ ಮಾಡರೇಶನ್‌ನ AI ಪತ್ತೆ ಸಾಧನವನ್ನು ಬಳಸಿಕೊಂಡು ಕ್ಲಿಪ್ ಅನ್ನು ಪರೀಕ್ಷಿಸಿದೆ. ಇದು ವೀಡಿಯೋ AI- ರಚಿತ ಅಥವಾ ಡೀಪ್‌ಫೇಕ್ ಆಗಿರುವ ಸಾಧ್ಯತೆ 97.6% ಎಂದು ತೀರ್ಮಾನಿಸಿತು.

ಇದಲ್ಲದೆ, ನ್ಯೂಸ್‌ಚೆಕರ್ ಡೀಪ್‌ಫೇಕ್ಸ್ ಅನಾಲಿಸಿಸ್ ಯೂನಿಟ್ (DAU) ಅನ್ನು ಸಂಪರ್ಕಿಸಿತು, ಅದು ಎಐ-ಪತ್ತೆ ಸಾಧನಗಳನ್ನು ಬಳಸಿಕೊಂಡು ವಿವಿಧ ಕೀಫ್ರೇಮ್ ಗಳ ವಿಶ್ಲೇಷಣೆಗಳನ್ನು ನಡೆಸಿದೆ.

• WasItAI: “ಈ ಚಿತ್ರವನ್ನು ಎಐ ರಚಿಸಿದೆ ಎಂದು ತುಂಬಾ ವಿಶ್ವಾಸವಿದೆ.”
• AI ಅಥವಾ ಅಲ್ಲ : “ಎಐ ಮೂಲಕ ರಚಿಸಿರುವ ಸಾಧ್ಯತೆ.”
• IsItAI : ಎಐ- ಮೂಲಕ ರಚಿಸಿದ್ದೆಂದು ನಿರ್ಧರಿಸಿದೆ.
• ಇಮೇಜ್‌ವಿಸ್ಪರರ್: ಚಿತ್ರವನ್ನು “ಎಐ- ರಚಿಸಿರುವ ಸಾಧ್ಯತೆ ಹೆಚ್ಚು” ಎಂದು ರೇಟ್ ಮಾಡಿದೆ.

ಈ ಸ್ವತಂತ್ರ ಮೌಲ್ಯಮಾಪನಗಳು ವೈರಲ್ ವೀಡಿಯೋ ಕೃತಕವಾದ್ದು ಎಂದು ದೃಢಪಡಿಸಿದೆ.

Our Sources

Youtube video, @aloisionaroca, October 28, 2025

Hive Moderation

DAU analysis

(ಈ ವರದಿಯನ್ನು ಮೊದಲು ನ್ಯೂಸ್ ಚೆಕರ್ ಇಂಗ್ಲಿಷ್ ನಲ್ಲಿ ಪ್ರಕಟಿಸಲಾಗಿದ್ದು, ಅದು ಇಲ್ಲಿದೆ)