ಚಾರ್ಮಾಡಿ ಘಾಟಿಯಲ್ಲಿ ಪ್ರವಾಹ ಎಂದು ಹಳೆ ವೀಡಿಯೋ ವೈರಲ್

Claim

ಚಾರ್ಮಾಡಿ ಘಾಟಿಯಲ್ಲಿ ಪ್ರವಾಹ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ವೀಡಿಯೋ ಒಂದನ್ನು ಹಂಚಿಕೊಳ್ಳಲಾಗುತ್ತಿದೆ.

ಈ ಕುರಿತು ನ್ಯೂಸ್‌ಚೆಕರ್ ಸತ್ಯಶೋಧನೆ ನಡೆಸಿದಾಗ ಇದು ಈ ವರ್ಷದ ಮಳೆ ಸಂದರ್ಭದ್ದಲ್ಲ, ಬದಲಾಗಿ ಕಳೆದ ವರ್ಷದ್ದು ಎಂದು ತಿಳಿದುಬಂದಿದೆ.

Also Read: ರಾಜೀವ್ ಗಾಂಧಿ ಪುಣ್ಯತಿಥಿಯಂದು ರಾಹುಲ್ ಗಾಂಧಿ ಫೋಟೋಕ್ಕೆ ಕಾಂಗ್ರೆಸ್ಸಿಗರ ಗೌರವ ಸಮರ್ಪಣೆ, ವೈರಲ್ ಫೋಟೋ ಹಿಂದಿನ ಸತ್ಯ ಏನು?

Fact

ಸತ್ಯಶೋಧನೆಗಾಗಿ ನ್ಯೂಸ್‌ಚೆಕರ್ ವೈರಲ್ ವೀಡಿಯೋದ ಕೀಫ್ರೇಂಗಳನ್ನು ತೆಗೆದು ಗೂಗಲ್ ಲೆನ್ಸ್ ಮೂಲಕ ಶೋಧ ನಡೆಸಿದೆ. ಈ ವೇಳೆ ವಾರ್ತಾಭಾರತಿ ಅಕ್ಟೋಬರ್ 9, 2024ರಂದು ಪ್ರಕಟಿಸಿದ ವರದಿ ಲಭ್ಯವಾಗಿದೆ. ವರದಿಯಲ್ಲಿ “ಚಿಕ್ಕಮಗಳೂರು: ಕಾಫಿನಾಡಿನ ಮಲೆನಾಡು ಭಾಗದಲ್ಲಿ ಬುಧವಾರ ಧಾರಾಕಾರ ಮಳೆ ಸುರಿದಿದೆ. ಭಾರೀ ಮಳೆಯಿಂದಾಗಿ ಮಲೆನಾಡು ಭಾಗದಲ್ಲಿ ಮಧ್ಯಾಹ್ನದಿಂದ ಸಂಜೆವರೆಗೆ ಜನಜೀವನ ಅಸ್ತವ್ಯಸ್ತಗೊಂಡಿದ್ದು, ಕೆಲವೆಡೆ ಭಾರೀ ಮಳೆಯಿಂದಾಗಿ ರಸ್ತೆ ಮೇಲೆ ನೀರು ನದಿಯಂತೆ ಹರಿದ ಪರಿಣಾಮ ವಾಹನಗಳ ಸಂಚಾರಕ್ಕೆ ಭಾರೀ ಅಡಚಣೆ ಉಂಟಾಗಿತ್ತು. …ಚಾರ್ಮಾಡಿ ಘಾಟ್‍ನಲ್ಲಿ ಮಾರ್ಗದಲ್ಲಿ ಹೋಗುತ್ತಿದ್ದ ವಾಹನಗಳು ಸಂಚರಿಸಲು ಸಾಧ್ಯವಾಗದೇ ಕೆಲ ಹೊತ್ತು ನಿಂತಲ್ಲೇ ನಿಲ್ಲುವಂತಾಗಿತ್ತು. ಇದರಿಂದ ಕೆಲ ಹೊತ್ತು ಘಾಟಿಯಲ್ಲಿ ಟ್ರಾಫಿಕ್ ಜಾಮ್ ಉಂಟಾಗಿತ್ತು, ಸಂಜೆ ಬಳಿಕ ಮಳೆ ಕಡಿಮೆಯಾದ್ದರಿಂದ ಪರಿಸ್ಥಿತಿ ತಹಬಂದಿಗೆ ಬಂದಿದೆ: ಎಂದಿದೆ.

ಈ ವರದಿಯಲ್ಲಿರುವ ಫೋಟೋಕ್ಕೆ ವೈರಲ್ ವೀಡಿಯೋದ ಕೀಫ್ರೇಮ್‌ ಗೆ ಸಾಮ್ಯತೆ ಕಂಡುಬಂದಿದೆ. ರಸ್ತೆಯಲ್ಲೇ ಧಾರಾಕಾರ ನೀರು ಹರಿಯುವ ಮಧ್ಯೆ ವಾಹನಗಳು ಸಾಗುತ್ತಿರುವ ದೃಶ್ಯ ಇದಾಗಿದೆ.

ವೈರಲ್ ಆಗಿರುವ ವೀಡಿಯೋ ಹೋಲುವ ವೀಡಿಯೋವನ್ನು ವಾರ್ತಾಭಾರತಿ ಅಕ್ಟೋಬರ್ 9, 2024ರಂದು ಯೂಟ್ಯೂಬ್ ನಲ್ಲೂ ಅಪ್‌ ಲೋಡ್ ಮಾಡಿದೆ. ಇದನ್ನು ಇಲ್ಲಿ ನೋಡಬಹುದು.

ಹೆಚ್ಚಿನ ಶೋಧನೆ ನಡೆಸಿದಾಗ, ಟಿವಿ9 ಕನ್ನಡವೂ ಇದೇ ರೀತಿಯ ವೀಡಿಯೋವನ್ನು ಅಕ್ಟೋಬರ್ 9, 2024ರಂದು ವೆಬ್‌ಸೈಟ್ ನಲ್ಲಿ ಹಂಚಿಕೊಂಡಿದ್ದು,ಚಾರ್ಮಾಡಿ ಘಾಟ್‌ ರಸ್ತೆ ಮೇಲೆ ನದಿಯಂತೆ ಹರಿದ ನೀರು ಎಂಬ ಶೀರ್ಷಿಕೆ ನೀಡಿದೆ. ಇದನ್ನು ಇಲ್ಲಿ ನೋಡಬಹುದು.

ಸತ್ಯಶೋಧನೆಯ ಪ್ರಕಾರ ಚಾರ್ಮಾಡಿ ಘಾಟಿಯಲ್ಲಿ ಪ್ರವಾಹ ಎಂದು ಹಂಚಿಕೊಳ್ಳಲಾಗುತ್ತಿರುವ ವೀಡಿಯೋ 2024ರದ್ದಾಗಿದೆ. ಆದ್ದರಿಂದ ಇದು ತಪ್ಪಾದ ಸಂದರ್ಭ ಎಂದು ಕಂಡುಬಂದಿದೆ.

Also Read: ವೈಷ್ಣೋದೇವಿಗೆ ಹೋಗುವ ಮಾರ್ಗದಲ್ಲಿ ಭಕ್ತರ ವಾಹನಗಳಿಗೆ ಕಲ್ಲು ತೂರಲಾಗಿದೆ ಎಂದ ವೀಡಿಯೋ ಸತ್ಯವೇ?

Our Sources
Report By Varthabharathi, Dated: October 9, 2024

Report By TV9 Kannada, Dated: October 9, 2024