ಬೆಂಗಳೂರು ಮಳೆಗೆ ಬಸ್ ಒಳಗೆ ನೀರು ನುಗ್ಗಿದೆ ಎಂದು ಹಳೆಯ ವೀಡಿಯೋ ವೈರಲ್

Claim

ಬೆಂಗಳೂರು ಮಳೆಗೆ ಜನಜೀವನ ಅಸ್ತವ್ಯಸ್ತಗೊಂಡಿರುವ ಬೆನ್ನಲ್ಲೇ ಬಸ್‌ ಒಳಗೆ ನೀರು ನುಗ್ಗಿದ ವೀಡಿಯೋ ಒಂದನ್ನು ಹಂಚಿಕೊಳ್ಳಲಾಗುತ್ತಿದೆ.

ಬಸ್ಸಿಗೆ ನೀರು ನುಗ್ಗಿದ ವೀಡಿಯೋವನ್ನು ಸರ್ಕಾರದ ವಿರುದ್ಧ ಟೀಕಿಸುವ ಹೇಳಿಕೆಯೊಂದಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳುತ್ತಿರುವುದನ್ನು ನಾವು ಗಮನಿಸಿದ್ದೇವೆ.

ಇವುಗಳನ್ನು ಇಲ್ಲಿ, ಇಲ್ಲಿ ನೋಡಬಹುದು.

Also Read: ಮಣಿಪುರದ ಉಗ್ರಗಾಮಿಗಳಿಂದ ಸೇನೆ ವಶಪಡಿಸಿಕೊಂಡ ಶಸ್ತ್ರಾಸ್ತ್ರ ಎಂದ ಈ ವೀಡಿಯೋ ಸತ್ಯಾಸತ್ಯತೆ ಏನು?

ಈ ಕುರಿತು ಸತ್ಯಶೋಧನೆ ನಡೆಸುವಂತೆ ನ್ಯೂಸ್‌ಚೆಕರ್ ವಾಟ್ಸಾಪ್ (+91-9999499044) ಮೂಲಕವೂ ಮನವಿ ಬಂದಿದ್ದು, ಅದನ್ನು ಸತ್ಯಶೋಧನೆಗೆ ಅಂಗೀಕರಿಸಲಾಗಿದೆ.

ವೈರಲ್ ವೀಡಿಯೋದ ಬಗ್ಗೆ ನ್ಯೂಸ್‌ಚೆಕರ್ ಸತ್ಯಶೋಧನೆ ನಡೆಸಿದಾಗ, ಇದು ಹಳೆಯ ವೀಡಿಯೋ, ಈಗಿನ ಮಳೆಗೆ ಸಂಬಂಧಿಸಿದ್ದಲ್ಲ ಎಂದು ತಿಳಿದುಬಂದಿದೆ.

Fact

ಸತ್ಯಶೋಧನೆಗಾಗಿ ನಾವು ವೈರಲ್ ವೀಡಿಯೋದ ಕೀಫ್ರೇಂಗಳನ್ನು ತೆಗೆದು ರಿವರ್ಸ್ ಇಮೇಜ್‌ ಸರ್ಚ್ ಮಾಡಿದ್ದೇವೆ. ಈ ವೇಳೆ ಇನ್‌ಸ್ಟಾಗ್ರಾಂ ಪೋಸ್ಟ್ ಒಂದನ್ನು ನೋಡಿದ್ದೇವೆ.

namma_hosur_official ಎಂಬ ಬಳಕೆದಾರರು ಅಕ್ಟೋಬರ್ 23, 2024ರಂದು ವೀಡಿಯೋ ಒಂದನ್ನು ಪೋಸ್ಟ್ ಮಾಡಿದ್ದು, ಅದು ವೈರಲ್ ವೀಡಿಯೋ ಜೊತೆಗೆ ಸಾಮ್ಯತೆ ಇರುವುದನ್ನು ಗಮನಿಸಿದ್ದೇವೆ.

Cric Maddy ಎಂಬ ಎಕ್ಸ್ ಬಳಕೆದಾರರೂ, ಅಕ್ಟೋಬರ್ 23, 2024ರಂದು ವೀಡಿಯೋ ಒಂದನ್ನು ಪೋಸ್ಟ್ ಮಾಡಿದ್ದು ಅದೂ ವೈರಲ್ ವೀಡಿಯೋ ಜೊತೆಗೆ ಸಾಮ್ಯತೆ ಇರುವುದು ಕಂಡುಬಂದಿದೆ.

ವೈರಲ್ ವೀಡಿಯೋವನ್ನು ನಾವು ವಿವಿಧ ಬಳಕೆದಾರರು ಹಂಚಿಕೊಂಡ ವೀಡಿಯೋದೊಂದಿಗೆ ತುಲನೆ ಮಾಡಿದ್ದು, ಸಾಮ್ಯತೆಯನ್ನು ಕಂಡುಕೊಂಡಿದ್ದೇವೆ.

ಆದ್ದರಿಂದ ಈ ತನಿಖೆಯ ಪ್ರಕಾರ ಬೆಂಗಳೂರಿನಲ್ಲಿ ಮಳೆಗೆ ಬಸ್‌ ಒಳಗೆ ನೀರು ನುಗ್ಗಿದ ಈ ವೈರಲ್ ವೀಡಿಯೋ ಹಳೆಯದಾಗಿದ್ದು, ತಪ್ಪಾದ ಸಂದರ್ಭವಾಗಿದೆ ಎಂದು ತಿಳಿದುಬಂದಿದೆ.

Also Read: ಧ್ವಂಸವಾದ ರಾವಲ್ಪಿಂಡಿ ಕ್ರೀಡಾಂಗಣ ಎಂದು ವೈರಲ್‌ ಆಗುತ್ತಿರುವ ಫೋಟೋ ಎಐ ಸೃಷ್ಟಿ

Our Sources
Instagram Post By namma_hosur_official, October 23, 2024

X Post By Cric Maddy, October 23, 2024