ಚೂಯಿಂಗ್ ಗಮ್ ತಿಂದರೆ ಹೆಚ್ಚಿನ ಆರೋಗ್ಯ ಪ್ರಯೋಜನ ಇದೆಯೇ?

ಚೂಯಿಂಗ್‌ ಗಮ್ ತಿಂದರೆ ಆರೋಗ್ಯಕ್ಕೆ ಹೆಚ್ಚಿನ ಪ್ರಯೋಜನ ಇದೆ ಎಂದು ಹೇಳಿಕೆಯೊಂದು ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ.

ಫೇಸ್‌ಬುಕ್ ನಲ್ಲಿ ಕಂಡುಬಂದ ಹೇಳಿಕೆಯಲ್ಲಿ “ಏಕಾಗ್ರತೆ, ಜ್ಞಾಪಕ ಶಕ್ತಿ ಹೆಚ್ಚುತ್ತದೆ, ಮುಖದಲ್ಲಿ, ಮೆದುಳಿಗೆ ರಕ್ತಪರಿಚಲನೆ ಹೆಚ್ಚುತ್ತದೆ. ಹಲ್ಲನ್ನು ಕ್ಲೀನ್ ಮಾಡುತ್ತದೆ, ಒತ್ತಡ ಆತಂಕ ಕಡಿಮೆ ಮಾಡುತ್ತದೆ” ಎಂದಿದೆ.

ಇದರ ಬಗ್ಗೆ ಸತ್ಯಶೋಧನೆ ನಡೆಸಿದ್ದು, ಇದು ಭಾಗಶಃ ತಪ್ಪು ಹೇಳಿಕೆ ಎಂದು ಕಂಡುಬಂದಿದೆ.

Also Read: ಹೊಟ್ಟೆಯ ಕೊಬ್ಬು ಕರಗಿಸಲು ಜೀರಿಗೆ, ಸೋಂಪು, ಓಂಕಾಳು ಹಾಕಿದ ಕಷಾಯ ಪ್ರಯೋಜನಕಾರಿಯೇ?

Fact check/Verification

ಚೂಯಿಂಗ್ ಗಮ್ ನಿಜವಾಗಿಯೂ ಏಕಾಗ್ರತೆ ಮತ್ತು ನೆನಪಿನ ಶಕ್ತಿ ಸುಧಾರಿಸುತ್ತದೆಯೇ?

ಗಮನಾರ್ಹವಾಗಿ ಅಲ್ಲ. ಕೆಲವು ಸಣ್ಣ ಅಧ್ಯಯನಗಳು ಚೂಯಿಂಗ್ ಗಮ್ ನಿಮ್ಮ ಮೆದುಳಲ್ಲಿ ಗಮನ ಅಥವಾ ಜಾಗರೂಕತೆಯನ್ನು ತಾತ್ಕಾಲಿಕವಾಗಿ ಹೆಚ್ಚಿಸಬಹುದು , ಆದರೆ ಪರಿಣಾಮ ಅಲ್ಪಕಾಲಿಕವಾಗಿರುತ್ತವೆ ಮತ್ತು ಸ್ಥಿರವಾಗಿರುವುದಿಲ್ಲ. ಚೂಯಿಂಗ್ ಕ್ರಿಯೆಯು ರಕ್ತದ ಹರಿವನ್ನು ಹೆಚ್ಚಿಸುತ್ತದೆ ಅಥವಾ ಗಮನಕ್ಕೆ ಸಂಬಂಧಿಸಿದ ಮೆದುಳಿನ ಭಾಗಗಳನ್ನು ಉತ್ತೇಜಿಸುತ್ತದೆ ಎಂದು ಸಂಶೋಧಕರು ನಂಬಿದ್ದಾರೆ. ಆದರೆ ಇಲ್ಲಿ ಒಂದು ತಿರುವು ಇದೆ. ಎಲ್ಲ ಅಧ್ಯಯನಗಳು ಇದನ್ನು ಒಪ್ಪುವುದಿಲ್ಲ. ಕೆಲವರು ಯಾವುದೇ ಪರಿಣಾಮವನ್ನು ಕಾಣಲಿಲ್ಲ, ಮತ್ತು ಇತರರು  ಕಾರ್ಯಕ್ಷಮತೆಯಲ್ಲಿ ಕಡಿಮೆ ಪರಿಣಾಮವಿದೆ ಎಂದಿದ್ದಾರೆ.

ಆದ್ದರಿಂದ, ಸಾಮಾನ್ಯ ಕಾರ್ಯದ ಸಮಯದಲ್ಲಿ ಸ್ವಲ್ಪ ಹೆಚ್ಚು ಎಚ್ಚರವಾಗಿರಲು ಇದು ನಿಮಗೆ ಸಹಾಯ ಮಾಡುತ್ತದೆ, ಆದರೆ ಚೂಯಿಂಗ್ ಗಮ್ ನಿಮ್ಮನ್ನು ಸ್ಮರಣ ಶಕ್ತಿಯ ಚಾಂಪಿಯನ್ ಆಗಿ ಪರಿವರ್ತಿಸುವುದಿಲ್ಲ. ಚೂಯಿಂಗ್ ಗಮ್ ಅಗಿಯುವುದು ಸ್ಮರಣೆ ಅಥವಾ ಅರಿವಿಗೆ ಸಂಬಂಧಿಸಿ ದೀರ್ಘಕಾಲೀನ ಸುಧಾರಣೆಗೆ ಕಾರಣವಾಗುತ್ತದೆ ಎಂದು ಸಾಬೀತುಪಡಿಸುವ ಯಾವುದೇ ಬಲವಾದ ವೈಜ್ಞಾನಿಕ ಪುರಾವೆಗಳಿಲ್ಲ.

ಮುಖ ಮತ್ತು ತಲೆಗೆ ರಕ್ತದ ಹರಿವನ್ನು ಹೆಚ್ಚಿಸುತ್ತದೆಯೆ?

ಸ್ವಲ್ಪಮಟ್ಟಿಗೆ ಆಗಬಹುದು, ಆದರೆ ಅರ್ಥಪೂರ್ಣ ರೀತಿಯಲ್ಲಿ ಅಲ್ಲ. ಹೌದು, ಚೂಯಿಂಗ್ ಗಮ್ ನಿಮ್ಮ ಮುಖದ ಮುಖ್ಯವಾಗಿ ನಿಮ್ಮ ದವಡೆಯ ಸ್ನಾಯುಗಳನ್ನು ಸಕ್ರಿಯಗೊಳಿಸುತ್ತದೆ. ಮತ್ತು ಯಾವುದೇ ಸ್ನಾಯು ಚಲನೆಯಾದಂತೆ  ಆ ಪ್ರದೇಶದಲ್ಲಿ ಸ್ವಲ್ಪ ಹೆಚ್ಚಿದ ರಕ್ತದ ಹರಿವನ್ನು ಉಂಟುಮಾಡುತ್ತದೆ. ಆದರೆ ಇದು ಸಣ್ಣ ಪ್ರಮಾಣದ ಪರಿಣಾಮ. ಮೆದುಳಿನ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಅಥವಾ ಗಮನಾರ್ಹವಾದ ಮಾನಸಿಕ ಪರಿಣಾಮ ಬೀರುವ ಯಾವುದೇ ಬದಲಾವಣೆ ಇದರಿಂದ ಆಗುವುದಿಲ್ಲ. ಚೂಯಿಂಗ್ ಗಮ್  ತಲೆ ಅಥವಾ ಮುಖದ ಮೇಲೆ ಯಾವುದೇ ಪವಾಡಗಳನ್ನು ಮಾಡುವುದಿಲ್ಲ, ಇದು ಕನಿಷ್ಟ ಸ್ನಾಯು ಚಲನೆಗೆ ಪೂರಕವಾಗಬಹುದಷ್ಟೆ.

ಹಲ್ಲುಜ್ಜುವುದಕ್ಕೆ ಚೂಯಿಂಗ್ ಗಮ್ ಪರ್ಯಾಯವೇ?

ಖಂಡಿತ ಇಲ್ಲ. ಚೂಯಿಂಗ್ ಸಕ್ಕರೆ ಮುಕ್ತ ಗಮ್, ವಿಶೇಷವಾಗಿ ಕ್ಸಿಲಿಟಾಲ್ ಹೊಂದಿರುವ ರೀತಿಯದ್ದು, ಬಾಯಿಯಲ್ಲಿ ಹೆಚ್ಚಿನ ಲಾಲಾರಸ ಉತ್ಪಾದನೆಗೆ ಸಹಾಯ ಮಾಡಬಹುದು. ಲಾಲಾರಸವು ಬಾಯಲ್ಲಿ ಆಹಾರದ ಕಣಗಳನ್ನು ತೊಳೆಯುವಲ್ಲಿ ಮತ್ತು ಆಮ್ಲಗಳನ್ನು ತಟಸ್ಥಗೊಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಅದೊಂದು ಉತ್ತಮ ಅಂಶ. ಆದರೆ ಅದು ಹಲ್ಲುಜ್ಜುವುದಕ್ಕೆ ಪರ್‍ಯಾಯವಲ್ಲ. ಗಮ್ ಹಲ್ಲುಗಳಿಂದ ಪ್ಲೇಕ್ ಅನ್ನು ಸ್ಕ್ರಬ್ ಮಾಡುವುದಿಲ್ಲ, ಟಾರ್ಟರ್ ಅನ್ನು ತೆಗೆದುಹಾಕುವುದಿಲ್ಲ ಅಥವಾ ಟೂತ್ ಬ್ರಷ್ ಮತ್ತು ಟೂತ್ಪೇಸ್ಟ್ ಗೆ ಪರ್ಯಾಯವಲ್ಲ. ಇದು ಒಂದು ಕ್ಷಣ ತಾಜಾತನ ನೀಡಬಹುದು. ಆದರೆ ಸರಿಯಾದ ರೀತಿಯಲ್ಲಿ ಹಲ್ಲು ಶುಚಿಗೊಳಿಸುವಿಕೆಗೆ ಇದು ಬದಲಿಯಲ್ಲ.

ಚೂಯಿಂಗ್ ಗಮ್ ಆತಂಕ ಮತ್ತು ಒತ್ತಡವನ್ನು ಕಡಿಮೆ ಮಾಡುತ್ತದೆಯೇ?

ತಾತ್ಕಾಲಿಕವಾಗಿ ಮತ್ತು ಸೀಮಿತ ಪ್ರಮಾಣದಲ್ಲಿ ಮಾತ್ರ. ಅಗಿಯುವಿಕೆ ಒಂದು ಲಯಬದ್ಧ, ಪುನರಾವರ್ತಿತ ಚಲನೆಯಾಗಿರಬಹುದು ಮತ್ತು ಕೆಲವರಿಗೆ ಅದು ಹಿತಾನುಭವ ನೀಡುತ್ತದೆ. ವಾಸ್ತವವಾಗಿ, ಕೆಲವು ಅಧ್ಯಯನಗಳು ಒತ್ತಡದ ಸಂದರ್ಭಗಳಲ್ಲಿ ಚೂಯಿಂಗ್ ಗಮ್  ಶಾಂತವಾಗಿರುವಂತೆ, ಜಾಗರೂಕವಾಗುವಂತಹ ಭಾವನೆ ನೀಡಿದೆ ಎಂದು ವರದಿ ಮಾಡಿವೆ. ಆದರೆ ಇದರ ಪರಿಣಾಮವು ಅತ್ಯಲ್ಪದ್ದಾಗಿದೆ.

ಚೂಯಿಂಗ್ ಗಮ್ ಅಗಿಯುವುದು, ಇದು ಚಿಕಿತ್ಸೆ ಅಲ್ಲ. ಇದು ಒತ್ತಡಕ್ಕೆ ಪರಿಹಾರವಲ್ಲ. ಸೌಮ್ಯವಾದ ವ್ಯಾಕುಲತೆಗಳಿದ್ದಾಗ ಒಂದು ಕ್ಷಣದಲ್ಲಿ ಇದು ಸಹಾಯ ಮಾಡಬಹುದು. ಆದರೆ ಪ್ರತಿ ಅಗಿಯುವಿಕೆ ಆತಂಕ ಕಡಿಮೆ ಮಾಡುವುದಿಲ್ಲ. ಮಾನಸಿಕ ಆರೋಗ್ಯವನ್ನು ಇದು ಕೊಡುತ್ತದೆ ಎನ್ನುವುದಕ್ಕಿಂತ ಇದು ಅಲ್ಪಾವಧಿಯ ಪರಿಹಾರ ಕೊಡಬಹುದಷ್ಟೇ.

ಹಾಗಾದರೆ, ಆರೋಗ್ಯ ಪ್ರಯೋಜನಗಳಿಗಾಗಿ ಚೂಯಿಂಗ್ ಗಮ್ ಅಗಿಯಬೇಕೇ?

ಇದರಿಂದ ಯಾವುದೇ ಪವಾಡದ ಫಲಿತಾಂಶ ಸಾಧ್ಯವಿಲ್ಲ. ಚೂಯಿಂಗ್ ಗಮ್ ಅನ್ನು ಅರಿವಿದ್ದು, ( ಸಕ್ಕರೆ ಮುಕ್ತವಾದ್ದನ್ನು) ಬಳಸುವಿರಾದರೆ, ಅದರಿಂದ ತೊಂದರೆಯಿಲ್ಲ.  ಇದು ನಿಮಗೆ ತಾಜಾ ಉಸಿರು ಅಥವಾ ಜಾಗರೂಕತೆಯಂತಹ ಸಣ್ಣ, ಅಲ್ಪಾವಧಿಯ ಪ್ರಯೋಜನ ನೀಡುತ್ತದೆ. ಆದರೆ ಇದು ಮೆದುಳಿಗೆ ಶಕ್ತಿ, ರಕ್ತದ ಹರಿವಿಗೆ ನೆರವು ನೀಡುತ್ತದೆ, ಹಲ್ಲಿನ ಶುಚಿಗೆ, ಒತ್ತಡಕ್ಕೆ ಪೂರಕ ಚಿಕಿತ್ಸೆ ಎಂಬುದು ನಿಜವಲ್ಲ.  ಚೂಯಿಂಗ್ ಗಮ್ ಅಗಿಯುವುದನ್ನು ಆನಂದಿಸುತ್ತಿದ್ದರೆ, ಮುಂದುವರಿಯಬಹುದು. ಇದು ಆರೋಗ್ಯಕ್ಕೆ ಪೂರಕ ಎಂದು ನಿರೀಕ್ಷಿಸಲು ಸಾಧ್ಯವಿಲ್ಲ. ಹಲ್ಲುಗಳನ್ನು ಹಲ್ಲುಜ್ಜುವುದನ್ನು ಬಿಟ್ಟುಬಿಡುವುದು ಒಳ್ಳೆಯದಲ್ಲ, ಮತ್ತು ಆರೋಗ್ಯಕರ ರೀತಿಯಲ್ಲಿ ಒತ್ತಡವನ್ನು ನಿರ್ವಹಿಸದೇ ಇರವುದು ಸರಿಯಲ್ಲ.

Conclusion

ಈ ಸತ್ಯಶೋಧನೆಯ ಪ್ರಕಾರ, ಚೂಯಿಂಗ್ ಗಮ್ ಅಗಿಯುವುದರಿಂದ ಆರೋಗ್ಯದ ವಿಷಯದಲ್ಲಿ ಯಾವುದೇ ಪವಾಡ ಸಾಧ್ಯವಿಲ್ಲ. ಸ್ವಲ್ಪ ಮಟ್ಟಿಗೆ ಸ್ನಾಯುಗಳ ಮೇಲೆ ಪರಿಣಾಮ ಬೀರಬಹುದಷ್ಟೇ.

Also Read: ಬೆಲ್ಲದ ಚಹಾ ತೂಕ ನಷ್ಟ, ಜೀರ್ಣಕ್ರಿಯೆ ಮತ್ತು ರಕ್ತಹೀನತೆ ಸಮಸ್ಯೆಗೆ ಸಹಾಯ ಮಾಡುತ್ತದೆಯೇ? 

Our Sources
Chewing Gum: Cognitive Performance, Mood, Well-Being, and Associated Physiology

Coordinated features in jaw and neck muscle activities induced by chewing of soft and hard gum in healthy subjects

Effect of Regular Gum Chewing on Levels of Anxiety, Mood, and Fatigue in Healthy Young Adults

(This article has been published in collaboration with THIP Media)