ಭಾರತೀಯ ಸೇನೆ ಪಾಕಿಸ್ತಾನಿ ಪೈಲಟ್ ಅವರನ್ನು ಜೀವಂತವಾಗಿ ಸೆರೆ ಹಿಡಿದಿದೆಯೇ?

Claim

ಭಾರತೀಯ ಸೇನೆ ಪಾಕಿಸ್ತಾನಿ ಪೈಲಟ್ ಅವರನ್ನು ಜೀವಂತವಾಗಿ ಸೆರೆ ಹಿಡಿದಿದೆ ಎಂಬಂತೆ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.   ಈ ಫೋಟೋ ಫೇಸ್‌ಬುಕ್ ನಲ್ಲಿ ಹೇಳಿಕೆಯೊಂದಿಗೆ ವೈರಲ್ ಆಗಿದೆ.

ಎರಡೂ ದೇಶಗಳಿಂದ ನಿರಂತರ ಗುಂಡಿನ ದಾಳಿ ನಡೆಯುತ್ತಿದ್ದು, ಇಂತಹ ಪರಿಸ್ಥಿತಿಯಲ್ಲಿ, ಭಾರತೀಯ ಸೇನೆಯು ಪಾಕಿಸ್ತಾನದ ಎಫ್ -16 ಯುದ್ಧ ವಿಮಾನವನ್ನು ಹೊಡೆದುರುಳಿಸಿದೆ ಎಂಬ ಸುದ್ದಿಯನ್ನು ಭಾರತೀಯ ಮಾಧ್ಯಮಗಳು ಮೂಲಗಳನ್ನು ಉಲ್ಲೇಖಿಸಿ ಪ್ರಸಾರ ಮಾಡುತ್ತಿವೆ . ಈ ಸುದ್ದಿಗಳ ಮಧ್ಯೆ, ಸೆರೆಹಿಡಿಯಲಾದ ಪಾಕಿಸ್ತಾನಿ ಪೈಲಟ್‌ನ ಮೊದಲ ಫೋಟೋ ಇದು ಎಂದು ಈ ಫೋಟೋವನ್ನು ಹಂಚಿಕೊಳ್ಳಲಾಗಿದೆ.

Also Read: ಸಿಯಾಲ್ ಕೋಟ್ ಮೇಲೆ ಭಾರತದ ಆಪರೇಷನ್ ಸಿಂದೂರ ಕಾರ್‍ಯಾಚರಣೆ ಎಂದು ಧಾರಾವಿಯ ಸಿಲಿಂಡರ್ ಸ್ಫೋಟದ ವೀಡಿಯೋ ಹಂಚಿಕೆ

Fact

ಸತ್ಯಶೋಧನೆಯ ಭಾಗವಾಗಿ ನ್ಯೂಸ್ ಚೆಕರ್ ಈ ಫೋಟೋವನ್ನು ಗೂಗಲ್ ಲೆನ್ಸ್ ಬಳಸಿ ರಿವರ್ಸ್ ಇಮೇಜ್ ಸರ್ಚ್ ಮಾಡಿದಾಗ, ಈ ಫೋಟೋ 2016 ರಲ್ಲಿ ಟರ್ಕಿಯ F16 ಫೈಟರ್ ಜೆಟ್ ಟರ್ಕಿಯೆ (ಟರ್ಕಿ) ನಲ್ಲಿ ಅಪಘಾತಕ್ಕೀಡಾದಾಗ ತೆಗೆದ ಸಮಯದ್ದು ಎಂದು ಗೊತ್ತಾಗಿದೆ.

ಈ ಅಪಘಾತದಲ್ಲಿ ಪೈಲಟ್ ಸುರಕ್ಷಿತವಾಗಿ ಪಾರಾಗಿದ್ದಾರೆ. ಈ ಫೋಟೋ  ಗೆಟ್ಟಿ ಇಮೇಜಸ್‌ನಲ್ಲಿ ನಾವು ಕಂಡುಕೊಂಡಿದ್ದೇವೆ.  ಇಲ್ಲಿ ನೀಡಲಾದ ಮಾಹಿತಿಯ ಪ್ರಕಾರ, ಈ ಚಿತ್ರವನ್ನು ಇಲ್ಯಾಸ್ ಅಕೆನ್‌ಜಿನ್ ಅವರು AFP ಗಾಗಿ ತೆಗೆದಿದ್ದಾರೆ.

ಆದ್ದರಿಂದ ಈ ಸತ್ಯಶೋಧನೆಯ ಪ್ರಕಾರ, ಭಾರತೀಯ ಸೇನೆ ಪಾಕಿಸ್ತಾನಿ ಪೈಲಟ್ ಅವರನ್ನು ಜೀವಂತವಾಗಿ ಸೆರೆ ಹಿಡಿದಿದೆ ಎಂದು ಹಂಚಿಕೊಳ್ಳುತ್ತಿರುವ ಫೋಟೋ ಟರ್ಕಿ ಮೂಲದ್ದಾಗಿದೆ ಎಂದು ಗೊತ್ತಾಗಿದೆ.

Also Read: ಆಪರೇಷನ್ ಸಿಂದೂರ: ಇಸ್ರೇಲಿ ದಾಳಿಯ ಹಳೆಯ ವೀಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್

Our Sources
Image Uploaded on Getty Images, Dated: 12 December 2016

(ಈ ಲೇಖನವನ್ನು ಮೊದಲು ನ್ಯೂಸ್ ಚೆಕರ್ ಹಿಂದಿಯಲ್ಲಿ ಪ್ರಕಟಿಸಲಾಗಿದ್ದು, ಅದು ಇಲ್ಲಿದೆ)