ನೀರಿನ ಹೊಡೆತಕ್ಕೆ ತತ್ತರಿಸಿದ ಸೇತುವೆ ಎಂದು ಎಐ ವೀಡಿಯೋ ವೈರಲ್

Claim

ನೀರಿನ ಹೊಡೆತಕ್ಕೆ ತತ್ತರಿಸಿದ ಸೇತುವೆ ಎಂದು ವೀಡಿಯೋ ಒಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.

ಫೇಸ್ಬುಕ್ ನಲ್ಲಿ ಈ ಹೇಳಿಕೆ ಕಂಡುಬಂದಿದ್ದು, ಇದರ ಬಗ್ಗೆ ನ್ಯೂಸ್‌ಚೆಕರ್ ಸತ್ಯಶೋಧನೆ ನಡೆಸಿದೆ. ಇದರಲ್ಲಿ ಇದು ಎಐ ವೀಡಿಯೋ ಎಂದು ಕಂಡುಬಂದಿದೆ.

Fact

ಸತ್ಯಶೋಧನೆಗಾಗಿ ನಾವು ಸೇತುವೆ ಮೇಲೆ ನೀರಿನ ಅಲೆ ಬಂದಪ್ಪಳಿಸುವ ವೀಡಿಯೋವನ್ನು ಕೂಲಂಕಷವಾಗಿ ಗಮನಿಸಿದ್ದೇವೆ. ಈ ವೇಳೆ ಇದರ ದೃಶ್ಯಗಳು ಅಸಹಜತೆಯಿಂದ ಕೂಡಿರುವುದು ಮತ್ತು ನೀರು ಅಪ್ಪಳಿಸಿದರೂ ವಾಹನಗಳು ಸಾಮಾನ್ಯವೆಂಬಂತೆ ಮುಂದೆ ಸಾಗುತ್ತಿರುವುದು ಕಂಡುಬಂದಿದೆ.

Also Read: ವಿಮಲ್ ಪಾನ್ ಮಸಾಲಾ ಟೀಮ್ ಇಂಡಿಯಾದ ಹೊಸ ಪ್ರಾಯೋಜಕರಾಗಲಿದ್ದಾರೆಯೇ? ವೈರಲ್ ಆಗಿರುವ ಫೋಟೋ ಎಐ ಸೃಷ್ಟಿ!

ಆ ಬಳಿಕ ನಾವು ವೀಡಿಯೋದ ಕೀಫ್ರೇಮ್ ಗಳನ್ನು ತೆಗೆದು ರಿವರ್ಸ್ ಇಮೇಜ್ ಸರ್ಚ್ ನಡೆಸಿದ್ದೇವೆ. ಈ ವೇಳೆ ಹಲವು ಸಮಯಗಳ ಹಿಂದೆಯೂ ಈ ವೀಡಿಯೋವನ್ನು ಪೋಸ್ಟ್ ಮಾಡಿರುವುದು ಕಂಡುಬಂದಿದೆ.

ನಂತರ ನಾವು ಕೀಫ್ರೇಮ್ ಗಳನ್ನು ವಿವಿಧ ಎಐ ಪತ್ತೆ ಸಾಧನಗಳ ಮೂಲಕ ಪರಿಶೀಲಿಸಿದ್ದೇವೆ. ಎಐ ಪತ್ತೆ ಸಾಧನ ಸೈಟ್ ಎಂಜಿನ್ ಮೂಲಕ ವೈರಲ್ ಕೀಫ್ರೇಮ್ ಪರಿಶೀಲಿಸಿದಾಗ, 99%ರಷ್ಟು ಎಐನಿಂದ ಮಾಡಿದ್ದಾಗಿದೆ ಎಂದು ಅದು ಹೇಳಿದೆ.

ವಾಸ್‌ ಇಟ್ ಎಐ ಮೂಲಕ ಪರಿಶೀಲಿಸಿದಾಗ, ಈ ಚಿತ್ರ ಅಥವಾ ಅದರ ಭಾಗ ಎಐನಿಂದ ಮಾಡಿದ್ದಾಗಿದೆ ಎಂಬುದಾಗಿದೆ ಎಂದು ಹೇಳಿದೆ.

ಡಿಕಾಪಿ ಎಐ ಮೂಲಕ ಪರಿಶೀಲಿಸಿದಾಗ, 99.99% ಇದು ಎಐನಿಂದ ಮಾಡಿದ್ದಾಗಿದೆ ಎಂಬುದನ್ನು ಖಚಿತಪಡಿಸಿದೆ.

ಆದ್ದರಿಂದ ಈ ವೀಡಿಯೋ ಎಐನಿಂದ ಮಾಡಿದ್ದಾಗಿದ್ದು, ನೀರಿನ ಹೊಡೆತಕ್ಕೆ ತತ್ತರಿಸಿದ ಸೇತುವೆ ಎಂದ ವೀಡಿಯೋ ನಿಜವಲ್ಲ ಎಂದು ಕಂಡುಬಂದಿದೆ.

Also Read: ಅಕ್ರಮ ಬಾಂಗ್ಲಾದೇಶಿ, ಪಾಕಿಸ್ತಾನಿ ವಲಸಿಗರನ್ನು ಲಿಬಿಯಾದಿಂದಲೂ ಹೊರಹಾಕಲಾಗುತ್ತಿದೆಯೇ?

Our Sources

sightengine.com

wasitai.com

decopy.ai