ജമ്മു – കാശ്മീരിൽ അനധികൃത കടന്നുകയറ്റക്കാരായ റോഹിംഗ്യൻ മുസ്ലീമുകൾ പൊതു സ്ഥലം കയ്യേറി നിർമ്മിച്ച വീടുകളും അവർക്ക് മാത്രമായി നിർമ്മിച്ച റോഡുകളും പൊളിച്ചടുക്കാൻ തുടങ്ങി എന്ന പേരിൽ ഒരു വീഡിയോ പ്രചരിക്കുന്നുണ്ട്. വിവിധ ഐഡികളിൽ നിന്നും ഈ വീഡിയോ ഫേസ്ബുക്കിൽ പോസ്റ്റ് ചെയ്യപ്പെട്ടിട്ടുണ്ട്.ജമ്മു കാശ്മീരിൽ പൊളിച്ചടുക്കാൻ തുടങ്ങിട്ടോ തുടങ്ങിയ വിവരണങ്ങൾ കൊടുത്താണ് വീഡിയോ പ്രചരിപ്പിക്കുന്നത്.
Fact Check/Verification
പൊളിച്ചു മാറ്റൽ എന്ന് അർഥം വരുന്ന ഡെമോളിഷൻ എന്ന ഇംഗ്ലീഷ് വാക്ക് കീ വേർഡ് ആയി ഉപയോഗിച്ച് തിരഞ്ഞപ്പോൾ, ജമ്മു ലിങ്ക്സിന്റെ ഔദ്യോഗിക വെബ്‌സൈറ്റിൽ ഈ വീഡിയോ ഞങ്ങൾ കണ്ടെത്തി.
ഈ വീഡിയോയ്‌ക്കൊപ്പം കൊടുത്തിരിക്കുന്ന വിവരങ്ങൾ അനുസരിച്ചു ശ്രീനഗറിലെ ലഷ്‌കരി മൊഹല്ല, ദോജി മോഹല്ല,വാങ്കുട്ട് തേയിൽ ബാൽ,നിഷാദ് എന്നിവിടങ്ങളിൽ നിന്നുള്ളതാണ് ഈ വീഡിയോ.ലേക്‌സ്‌ ആൻഡ് വാട്ടർവെയ്‌സ് ഡെവലപ്മെന്റ് അതോറിറ്റിയുടെ (LAWDA ) എൻഫോഴ്‌സ്‌മെന്റ് യൂണിറ്റ് ഈ പ്രദേശത്തെ അനധികൃതമായ കൈയേറ്റങ്ങൾ നീക്കം ചെയ്തു. കൂടുതൽ തിരച്ചിലിൽ ജെ കെ അപ്ഡേറ്റ് എന്ന സൈറ്റിലും ഈ വീഡിയോ ഉണ്ട് എന്ന് കണ്ടെത്തി.ഇതേകുറിച്ചുള്ള ഫാക്ട് ചെക്ക് ഞങ്ങളുടെ ഹിന്ദി വെബ്‌സൈറ്റും ചെയ്തിട്ടുണ്ട്.
Conclusion
സോഷ്യൽ മീഡിയയിൽ വൈറലായ വീഡിയോ സൂക്ഷ്മമായി പഠിച്ചപ്പോൾ വീഡിയോയ്‌ക്കൊപ്പം ഉന്നയിക്കപ്പെട്ട അവകാശവാദം തെറ്റാണെന്ന് കണ്ടെത്തി. ശ്രീനഗറിലെ ചില പ്രദേശങ്ങളിൽ നിന്ന് അനധികൃത കയ്യേറ്റങ്ങൾ നീക്കം ചെയ്യുന്നതാണ് ഈ വീഡിയോ. ഈ വീഡിയോയിൽ നീക്കം ചെയ്യുന്നത് റോഹിംഗ്യകളുടെ വീടുകൾ അല്ല .ഞങ്ങളുടെ ഹിന്ദി ഫാക്ട് ചെക്കിങ്ങ് ടീമും നേരത്തെ ഈ വീഡിയോ വിശകലനം ചെയ്തു ഇതേ നിഗമനത്തിൽ എത്തിയിട്ടുണ്ട്.
Result: False
Our Sources
ഞങ്ങൾ ഒരു അവകാശവാദത്തെ കുറിച്ച് വസ്തുത പരിശോധന നടത്തണമെന്നോ ,അതിനെ കുറിച്ചുള്ള ഫീഡ്‌ബാക്ക് നൽക്കണമെന്നോ, അതിനെ കുറിച്ചൊരു പരാതി ഞങ്ങൾക്ക് നൽക്കണമെന്നോ നിങ്ങൾ ആഗ്രഹിക്കുന്നുവെങ്കിൽ, 9999499044 എന്ന നമ്പറിൽ വാട്ട്‌സ്ആപ്പ് ചെയ്യുക അല്ലെങ്കിൽ [email protected] ൽ ഇമെയിൽ ചെയ്യുക. നിങ്ങൾക്ക് ഞങ്ങളുടെ കോൺടാക്ട് അസ് പേജ് സന്ദർശിച്ചു പരാതി ഫോം പൂരിപ്പിക്കാനും അവസരം ഉണ്ട്.
