പള്ളിക്കര ഗ്രാമപഞ്ചായത്തിലെ വാർഡ് 22: എല്‍ഡിഎഫ് സ്ഥാനാർത്ഥിയെ കുറിച്ചുള്ള വാസ്തവം എന്താണ്?

പള്ളിക്കര ഗ്രാമപഞ്ചായത്തിലെ 22-ാം വാർഡിൽ ഇതരസംസ്ഥാന തൊഴിലാളി പശ്ചിമ ബംഗാൾ സ്വദേശിയായ മുര്‍ഷിദ് ആലം മേസൻ എല്‍ഡിഎഫ് സ്ഥാനാർത്ഥിയാണെന്ന് പറഞ്ഞുകൊണ്ട് ഒരു പോസ്റ്റർ സോഷ്യൽ മീഡിയയിൽ വ്യാപകമായി പ്രചരിക്കുന്നു. സിപിഎം ചിഹ്നമായ അരിവാൾ ചുറ്റിക്ക നക്ഷത്രവും പോസ്റ്ററിൽ കാണാം.
പോസ്റ്ററിൽ “മുര്‍ഷിദ് ആലം മേസൻ – എല്‍ഡിഎഫ് സ്ഥാനാർത്ഥി, വാർഡ്  22, വെസ്റ്റ് ബംഗാൾ ” എന്നാണു എഴുതിയിരിക്കുന്നത്.

 Claim Post: Facebook Post

ഇവിടെ വായിക്കുക:മാലിന്യം നിറഞ്ഞ ഒരു ചവറ്റുകുട്ടയ്ക്കരികിൽ വിശ്രമിക്കുന്ന മാളികപ്പുറത്തിന്റെ ഫോട്ടോ  2018ലേത്

Evidence

1. പോസ്റ്ററിലെ ദൃശ്യങ്ങളിൽ വ്യക്തമായ പൊരുത്തക്കേടുകൾ

• പോസ്റ്ററിലുള്ള വ്യക്തി ബനിയൻ മാത്രം ധരിച്ചിരിക്കുന്നു, ഇത് സ്ഥാനാർത്ഥി പോസ്റ്ററുകളിൽ പതിവായി കാണുന്ന രീതിയല്ല.
  
• ഫോട്ടോയിൽ സാധാരണ സ്ഥാനാർത്ഥി ചിത്രങ്ങളിൽ കാണുന്ന ശൈലികളോ പശ്ചാത്തലങ്ങളോ ഇല്ല.
  

2. ഇലക്ഷൻ കമ്മീഷൻ വെബ്‌സൈറ്റ് പരിശോധിച്ചു

ഞങ്ങൾ ഇലക്ഷൻ കമ്മീഷൻ വെബ്‌സൈറ്റ് പരിശോധിച്ചപ്പോൾ:

• പള്ളിക്കര ഗ്രാമപഞ്ചായത്ത് 22-ാം വാർഡിന്റെ പേര് → പള്ളിപ്പുഴ
  
• എല്‍ഡിഎഫ്  സ്ഥാനാർത്ഥി → അമ്മാനത്ത് പള്ളിപ്പുഴ (സ്വതന്ത്രൻ).
  
• പള്ളിക്കര പഞ്ചായത്തിൽ ഇതര സംസ്‌ഥാന തൊഴിലാളി മത്സരിക്കുന്നില്ല.
  
• അദ്ദേഹം സിപിഎം ചിഹ്നത്തിലല്ല. ചിഹ്നം – കാർ എന്നാണ് വെബ്‌സൈറ്റ് വ്യക്തമാക്കുന്നത്.
  

അതിനാൽ, വൈറൽ പോസ്റ്ററിലെ പേര്, ചിത്രം, ചിഹ്നം — എല്ലാം വ്യാജം.

https://sec.kerala.gov.in/election/candidate/viewCandidate

3. തദ്ദേശീയർ പങ്കുവച്ച എല്‍ഡിഎഫ്  സ്ഥാനാർത്ഥികളുടെ യഥാർത്ഥ പട്ടിക

പ്രാദേശിക ഫേസ്ബുക്ക് ഉപയോക്താക്കൾ പങ്കുവച്ച യഥാർത്ഥ എല്‍ഡിഎഫ് സ്ഥാനാർത്ഥി പട്ടികയും ഞങ്ങൾ പരിശോധിച്ചു.
സുധാകരൻ പള്ളിക്കര പങ്കുവച്ച നവംബർ 24,2025ലെ പോസ്റ്റിൽ നിന്ന് യഥാർത്ഥ പോസ്റ്ററും ലഭിച്ചു. 
പള്ളിപ്പുഴ വാർഡിലെ സ്ഥാനാർഥിയുടെ പേര് അമ്മാനത്ത് പള്ളിപ്പുഴ എന്നാണെന്ന്  പോസ്റ്ററും പറയുന്നു.

 Sudhakaran Pallikkara – November 24, 2025 Post

4. സ്ഥാനാർത്ഥി തന്നെ വ്യാജപ്രചാരണം സ്ഥിരീകരിച്ചു

അമ്മാനത്ത് അബ്ദുള്ളയുമായി ഞങ്ങൾ സംസാരിച്ചു.അദ്ദേഹം വ്യക്തമാക്കിയ കാര്യങ്ങൾ താഴെ കൊടുക്കുന്നു:  

• താൻ പള്ളിക്കര പഞ്ചായത്തിൽ ജീവിക്കുന്ന മലയാളിയാണ്.
  
• പൂർണ്ണമായും വ്യാജപ്രചാരണം നടത്തിയതാണെന്ന്.

•  അമ്മാനത്ത് അബ്ദുള്ള എന്നാണ് യഥാർത്ഥ പേരെങ്കിലും അമ്മാനത്ത് പള്ളിപ്പുഴ എന്ന പേരിലാണ് താൻ നാട്ടിലറിയപ്പെടുന്നത്.
  
• ഈ വാർഡ് പുതുതായി രൂപീകരിച്ചതാണ്.
  
• LDF വിജയസാധ്യത കണ്ട് എതിര്‍ക്ഷികൾ ഈ വ്യാജപ്രചാരണം നടത്തുകയാണ്.

തദ്ദേശ സ്വയംഭരണ തിരഞ്ഞെടുപ്പിൽ ഒരു ഇതരസംസ്‌ഥാന തൊഴിലാളി മറ്റെവിടെയെങ്കിലും  മത്സരിക്കുന്നുണ്ടോഎന്ന്  സ്വതന്ത്രമായി പരിശോധിക്കാൻ ഞങ്ങൾക്ക് കഴിഞ്ഞില്ല.

Verdict

പള്ളിക്കര ഗ്രാമപഞ്ചായത്ത് 22-ാം വാർഡിൽ എല്‍ഡിഎഫ്  സ്ഥാനാർത്ഥിയായി ഇതരസംസ്ഥാന തൊഴിലാളി മത്സരിക്കുന്നുവെന്ന അവകാശവാദം അസത്യമാണ്.
യഥാർത്ഥ സ്ഥാനാർത്ഥി സ്വദേശിയായ അമ്മാനത്ത് അബ്ദുള്ള എന്ന അമ്മാനത്ത് പള്ളിപ്പുഴ ആണെന്നും, അദ്ദേഹം സ്വതന്ത്ര സ്ഥാനാർത്ഥിയാണ് മത്സരിക്കുന്നതെന്നും തെളിഞ്ഞിരിക്കുന്നു.
വൈറൽ പോസ്റ്റർ കൃത്രിമമായി നിർമ്മിച്ച വ്യാജപ്രചരണമാണ്.

ഇവിടെ വായിക്കുക:എന്നെ സ്ഥാനാര്‍ത്ഥിയാക്കിയത് ജിഫ്രി തങ്ങളല്ല എന്ന് അരീക്കോട് ലീഗ് സ്ഥാനാർത്ഥി പറഞ്ഞതായുള്ള 24 ന്യൂസിന്റെ കാർഡ് വ്യാജം

FAQs
1. പള്ളിക്കര വാർഡ് 22-ൽ എല്‍ഡിഎഫ്  സ്ഥാനാർത്ഥി ആരാണ്?
ഇലക്ഷൻ കമ്മീഷൻ പ്രകാരം, സ്ഥാനാർത്ഥി അമ്മാനത്ത് പള്ളിപ്പുഴ ആണ്. അദ്ദേഹം സ്വതന്ത്ര സ്ഥാനാർത്ഥിയായി മത്സരിക്കുന്നു.
2. സോഷ്യൽ മീഡിയയിൽ പ്രചരിച്ച മുര്‍ഷിദ് ആലം മേസന്റെ പോസ്റ്റർ വിശ്വാസ്യതയുള്ളതാണോ?
അല്ല. അത് വ്യാജ പോസ്റ്ററാണ്.
3. സ്ഥാനാർത്ഥിയുടെ ചിഹ്നം എന്താണ്?
സ്ഥാനാർത്ഥിയുടെ ചിഹ്നം കാർ ആണ്.
4.പള്ളിക്കര 22-ാം വാർഡ് പള്ളിപ്പുഴയാണോ?
അതെ. ഇലക്ഷൻ കമ്മീഷൻ വെബ്‌സൈറ്റ് പ്രകാരം വാർഡിന്റെ പേരാണ് പള്ളിപ്പുഴ.
5. സ്ഥാനാർത്ഥി സ്വദേശിയാണോ”
അതെ. അമ്മാനത്ത് പള്ളിപ്പുഴ മലയാളിയാണ്. ഇതരസംസ്ഥാന തൊഴിലാളിയല്ല.

Sources
Election Commission of Kerala website
Facebook Post – Sudhakaran Pallikkara – November 24, 2025
Telephone conversation with Ammanath Pallippuzha