Authors
Sabloo Thomas has worked as a special correspondent with the Deccan Chronicle from 2011 to December 2019. Post-Deccan Chronicle, he freelanced for various websites and worked in the capacity of a translator as well (English to Malayalam and Malayalam to English). He’s also worked with the New Indian Express as a reporter, senior reporter, and principal correspondent. He joined Express in 2001.
Claim
ചൈനയിൽ പുഴു മഴ; ആളുകൾ ഞെട്ടലിൽ.
Fact
പോപ്ലർ മരങ്ങളിൽ നിന്ന് വീഴുന്ന പൂക്കളുടെ കൂട്ടമാണ് വൈറലായ ദൃശ്യത്തിലുള്ളത്.
ചൈനയിൽ പുഴു മഴ പെയ്തുവെന്ന പ്രചരണം സമൂഹ മാധ്യമങ്ങളിൽ വൈറലായിരിക്കുകയാണ്. മുഖ്യധാരാ മാധ്യമങ്ങളും ഇത് ഷെയർ ചെയ്യുന്നത്. manoramaonlineന്റെ ഇൻസ്റ്റാഗ്രാം പോസ്റ്റിന് 13,029 ലൈക്കുകൾ ഞങ്ങൾ കാണുമ്പോൾ ഉണ്ടായിരുന്നു.
Manorama Onlineന്റെ ഫേസ്ബുക്ക് പോസ്റ്റിന് ഞങ്ങൾ കാണുമ്പോൾ 152 ഷെയറുകൾ ഉണ്ടായിരുന്നു.
Asianet Newsന്റെ ഫേസ്ബുക്ക് പേജിലും ഇതേ അവകാശവാദത്തോടെ ഫോട്ടോ ഷെയർ ചെയ്തിട്ടുണ്ട്.
Mangalam ആണ് വാർത്ത ഷെയർ ചെയ്ത മറ്റൊരു മുഖ്യധാരാ മാധ്യമം.
Fact Check/Verification
ചൈനയിൽ പുഴു മഴ പെയ്തുവെന്ന വാർത്തയുടെ സത്യാവസ്ഥ അറിയാൻ ഞങ്ങൾ ഒരു പഠനം നടത്തി. ഞങ്ങൾ വൈറലായ വീഡിയോ കീ ഫ്രെയിമുകളായി വിഭജിക്കുകയും റിവേഴ്സ് സെർച്ചിന് വിധേയമാക്കുകയും ചെയ്തു.
ഞങ്ങളുടെ തിരച്ചിലിൽ, ബ്രസീലിലെ The Rio Times പ്രസിദ്ധീകരിച്ച ഈ വാർത്തയ്ക്ക് കീഴിൽ ചൈനയിൽ നിന്നുള്ള രാഷ്ട്രീയ, സാമ്പത്തിക പത്രപ്രവർത്തകനായ Shen Shiwei “ഞാൻ ബീജിംഗിലാണ്,”എന്ന് ട്വീറ്റ് ചെയ്തിരിക്കുന്നത് കണ്ടു. “ഈ വീഡിയോ വ്യാജമാണ്. കഴിഞ്ഞ കുറച്ച് ദിവസങ്ങളായി ബീജിംഗിൽ ഇത്തരമൊരു മഴ ഉണ്ടായിട്ടില്ല,” അദ്ദേഹം പറഞ്ഞു.
InsidePaperrന്റെ ട്വീറ്റിന് മറുപടിയായി Vxujianing എന്ന ട്വിറ്റർ ഉപയോക്താവ് എഴുതി, “വ്യാജ വാർത്ത! പോപ്ലർ മരങ്ങളിൽ നിന്ന് വീഴുന്ന പൂങ്കുലകളാണ് ഇവ. പോപ്ലർ മരങ്ങളുടെ പൂങ്കുലകൾ വീഴാൻ തുടങ്ങിയാൽ, പൂക്കാലം ആരംഭിച്ചു എന്നാണ് അർത്ഥമാക്കുന്നത്. ഇതുമായി ബന്ധപ്പെട്ട ഫോട്ടോകളും അദ്ദേഹം പോസ്റ്റ് ചെയ്തിട്ടുണ്ട്.
ബ്ലോഗറായ Soraya തന്റെ ട്വിറ്റർ പേജിൽ ഈ പൂക്കളുടെ ശേഖരത്തിന്റെ ഫോട്ടോ പോസ്റ്റ് ചെയ്തു. ലിയോണിംഗ് നഗരത്തിലെ പോപ്ലർ മരങ്ങളിൽ നിന്ന് വീഴുന്ന പൂവുകൾ ആണിതെന്ന് ട്വറ്റിൽ അവർ പറയുന്നു.
JournoTurkയുടെ ട്വിറ്റർ പേജ് ഇങ്ങനെ പറയുന്നു” ഈ ആഴ്‌ചയിലെ വ്യാജവാർത്ത. ലോകമെമ്പാടുമുള്ള ആയിരക്കണക്കിന് പത്രങ്ങളും ടിവി ചാനലുകളും വാർത്താ സൈറ്റുകളും ആ വ്യാജ വാർത്ത പങ്കിട്ടു.: ചൈനയിൽ പുഴുക്കളുടെ മഴ പെയ്തു, ഇല്ല അത് പുഴുക്കളുടെ മഴയായിരുന്നില്ല. വാസ്തവത്തിൽ കാറുകളിൽ വീണത് ഇലകൾ ആയിരുന്നുവെന്ന് താഴെയുള്ള വീഡിയോയിൽ നിന്ന് നിങ്ങൾക്ക് കാണാൻ കഴിയും.”
Conclusion
ചൈനയിൽ പുഴു മഴ പെയ്തുവെന്ന റിപ്പോർട്ട് തെറ്റാണെന്ന് ഞങ്ങളുടെ അന്വേഷണത്തിൽ വ്യക്തമായി.
Result: False
Our Sources
Twitter Post From, Vxujianing on March 11,2023
Twitter Post From, JournoTurk on March 11,2023
Twitter Post From, Soraya on March 12,2023
Tweet By Shen Shiwei, Dated March 10, 2023
(ഈ അവകാശവാദം ആദ്യം ഫാക്ട് ചെക്ക് ചെയ്തത് ഞങ്ങളുടെ തമിഴ് ഫാക്ട് ചെക്ക് ടീമിലെ വിജയലക്ഷ്മി ബാലസുബ്രഹ്മണ്യൻ ആണ്. അത് ഇവിടെ വായിക്കാം.)
ഞങ്ങൾ ഒരു അവകാശവാദത്തെ കുറിച്ച് വസ്തുത പരിശോധന നടത്തണമെന്നോ ,അതിനെ കുറിച്ചുള്ള ഫീഡ്‌ബാക്ക് നൽക്കണമെന്നോ, അതിനെ കുറിച്ചൊരു പരാതി ഞങ്ങൾക്ക് നൽക്കണമെന്നോ നിങ്ങൾ ആഗ്രഹിക്കുന്നുവെങ്കിൽ, 9999499044 എന്ന നമ്പറിൽ വാട്ട്‌സ്ആപ്പ് ചെയ്യുക. അല്ലെങ്കിൽ checkthis@newschecker.in ൽ ഇമെയിൽ ചെയ്യുക. നിങ്ങൾക്ക് ഞങ്ങളുടെ കോൺടാക്ട് അസ് പേജ് സന്ദർശിച്ചു പരാതി ഫോം പൂരിപ്പിക്കാനും അവസരം ഉണ്ട്.
Authors
Sabloo Thomas has worked as a special correspondent with the Deccan Chronicle from 2011 to December 2019. Post-Deccan Chronicle, he freelanced for various websites and worked in the capacity of a translator as well (English to Malayalam and Malayalam to English). He’s also worked with the New Indian Express as a reporter, senior reporter, and principal correspondent. He joined Express in 2001.
