അഹമ്മദാബാദിലെ എയർ ഇന്ത്യാ വിമാനാപകടത്തിന്റെ ഫോട്ടോ അല്ലിത്

അഹമ്മദാബാദിലെ എയർ ഇന്ത്യാ വിമാനാപകടത്തിന്റെത് എന്ന പേരിൽ ഒരു ഫോട്ടോ സമൂഹ മാധ്യമങ്ങളിൽ പ്രചരിക്കുന്നുണ്ട്.

ഗുജറാത്തിലെ അഹമ്മദാബാദിൽ എയർ ഇന്ത്യാ വിമാനം (എ ഐ 171) തകർന്നുവീണ അപകടത്തിൽ ധാരാളം പേർ മരിച്ചതായി വാർത്ത വന്നതിന് പിന്നാലെയാണ് ഫോട്ടോ പ്രചരിക്കുന്നത്.

ഇവിടെ വായിക്കുക:കോഴിക്കോട് ഉൾക്കടലിൽ ചരക്കുകപ്പലിന് തീപിടിച്ച ദൃശ്യങ്ങൾ അല്ലിത്

ഞങ്ങൾ ഫോട്ടോ  റിവേഴ്‌സ് ഇമേജ് സേർച്ച് നടത്തി. അപ്പോൾ ജൂലൈ 18, 2022ൽ ബിബിസിയുടെ വെബ്‌സൈറ്റിൽ കൊടുത്ത ഒരു വീഡിയോയിലെ ഈ ഫോട്ടോയുടെ ഒരു കീ ഫ്രെയിം ഞങ്ങൾ കണ്ടു. “സൊമാലിയൻ വിമാനാപകടം: മറിഞ്ഞ വിമാനത്തിൽ നിന്നുള്ള തീ അണയ്ക്കാൻ അഗ്നിശമന സേനാംഗങ്ങൾ,” എന്നാണ് വീഡിയോയുടെ കൂടെയുള്ള വാർത്തയുടെ തലക്കെട്ട്.

ജൂലൈ 19,2022ൽ ഇന്നലെ സൊമാലിയയിലെ മൊഗാദിഷുവിൽ ലാൻഡ് ചെയ്യാനുള്ള ശ്രമത്തിനിടെ ഫോക്കർ -50 വിമാനം തലകീഴായി മറിഞ്ഞതായി കണ്ടു എന്ന ക്യാപ്‌ഷനോടെ റോയിട്ടേഴ്‌സിന് ക്രെഡിറ്റ് നൽകി ഈ ഫോട്ടോ ഡെയിലി മെയിലും കൊടുത്തിട്ടുണ്ട്.

അതിൽ നിന്നും ദൃശ്യങ്ങൾ അഹമ്മദാബാദിൽ നിന്നുള്ളതല്ലെന്ന് വ്യക്തമായി.

Sources
News report by BBC on July 18,2022
News report by Daily Mail on July 19,2022