തദ്ദേശ തിരഞ്ഞെടുപ്പ് വാർത്ത കാർഡ് മുതൽ ബീഹാർ തിരഞ്ഞെടുപ്പ് വരെ; ഈ ആഴ്ചയിലെ സമൂഹമാധ്യമ പ്രചരണങ്ങൾ

ഈ ആഴ്ച സോഷ്യൽ മീഡിയയിൽ പ്രചരിച്ച നിരവധി ദൃശ്യങ്ങളും അവകാശവാദങ്ങളും തെറ്റായവയാണെന്ന് ഞങ്ങൾ ഫാക്ട് ചെക്ക് റിപ്പോർട്ടുകൾ വഴി തെളിയിച്ചിരുന്നു. 2020ലെ തദ്ദേശ തിരഞ്ഞെടുപ്പ് വാർത്ത കാർഡ് പുതുതായി പ്രചരിപ്പിച്ചവരുണ്ട്. സൊഹ്‌റാൻ മംദാനിയുടെ വിജയാഘോഷം എന്ന പേരിൽ പ്രചരിച്ച വീഡിയോ യഥാർത്ഥത്തിൽ ന്യൂയോർക്ക് മേയർ തിരഞ്ഞെടുപ്പിന് മുമ്പുള്ളതായിരുന്നു. നിഷ പുരുഷോത്തമൻ കോൺഗ്രസിനെ വിമർശിക്കുന്നതായി പ്രചരിച്ച വീഡിയോ എഡിറ്റുചെയ്തതാണെന്നും, ബിഹാറിൽ ബിജെപി നേതാവിനെ മർദ്ദിക്കുന്നുവെന്ന ദൃശ്യം യഥാർത്ഥത്തിൽ ഉത്തർപ്രദേശിലേതാണെന്നും ഞങ്ങളുടെ ഫാക്ട് ചെക്ക് റിപ്പോർട്ട് വഴി തെളിഞ്ഞു.

‘തദ്ദേശ തിരഞ്ഞെടുപ്പ് പ്രഖ്യാപിച്ചു, വോട്ടെടുപ്പ് മൂന്ന് ഘട്ടങ്ങളിലായി,’ എന്ന മാതൃഭൂമി ന്യൂസിന്റെ വാർത്ത കാർഡ് 2020ലേത്

വാട്സ്ആപ്പിൽ വ്യാപകമായി പ്രചരിച്ച മാതൃഭൂമി ന്യൂസിന്റെ “തദ്ദേശ തെരഞ്ഞെടുപ്പ് പ്രഖ്യാപിച്ചു, വോട്ടെടുപ്പ് മൂന്ന് ഘട്ടങ്ങളിലായി” എന്ന വാർത്താ കാർഡ് യഥാർത്ഥത്തിൽ 2020-ലേതാണ്. ഇപ്പോഴത്തെ തദ്ദേശ തെരഞ്ഞെടുപ്പുമായി ഇതിന് ബന്ധമില്ല.
ഫാക്ട് ചെക്ക് റിപ്പോർട്ട് വായിക്കുക

സൊഹ്‌റാൻ മംദാനിയുടെ കമ്മ്യൂണിസ്റ്റ് കൊടിയുള്ള വിജയാഘോഷമെന്ന പേരിൽ പ്രചരിക്കുന്ന വീഡിയോ ന്യൂയോർക്ക് മേയർ തിരഞ്ഞെടുപ്പിന് മുമ്പുള്ളത്

സോഷ്യൽ മീഡിയയിൽ ന്യൂയോർക്കിൽ മേയറായി വിജയിച്ച ശേഷം സൊഹ്‌റാൻ മംദാനിയുടെ അനുയായികൾ കമ്മ്യൂണിസ്റ്റ് കൊടികളുമായി ആഘോഷിക്കുന്ന ദൃശ്യങ്ങളാണെന്ന് പറഞ്ഞ് പ്രചരിച്ച വീഡിയോ യഥാർത്ഥത്തിൽ ന്യൂയോർക്ക് മേയർ തിരഞ്ഞെടുപ്പിന് മുമ്പുള്ളതാണ്.
ഫാക്ട് ചെക്ക് റിപ്പോർട്ട് വായിക്കുക

നിഷ പുരുഷോത്തമൻ കോൺഗ്രസിനെ വിമർശിക്കുന്ന വൈറൽ വീഡിയോ എഡിറ്റഡാണ്

പ്രമുഖ അവതാരക നിഷ പുരുഷോത്തമൻ കോൺഗ്രസിനെ വിമർശിക്കുന്നതായി പ്രചരിച്ച വീഡിയോയിൽ ശബ്ദം കൃത്രിമമായി ചേർത്തതാണ്. യഥാർത്ഥ വീഡിയോയിലെ ഓഡിയോ മാറ്റിയാണ് തെറ്റിദ്ധരിപ്പിച്ചത്.
ഫാക്ട് ചെക്ക് റിപ്പോർട്ട് വായിക്കുക

യുപിയിൽ അറസ്റ്റിലായ കുട്ടിയെ പീഡിപ്പിച്ച മദ്രസ അധ്യാപകൻ അല്ല വീഡിയോയിൽ

യുപിയിൽ കുട്ടിയെ ലൈംഗികമായി പീഡിപ്പിച്ച മദ്രസ അധ്യാപകൻ അറസ്റ്റിലായെന്ന പേരിൽ പ്രചരിച്ച വീഡിയോയിലെ വ്യക്തിയ്ക്ക് അത്തരം കേസുമായി ബന്ധമില്ല. അദ്ദേഹം പ്രധാനമന്ത്രി, മുഖ്യമന്ത്രി എന്നിവരെ അധിക്ഷേപിച്ചതിനാണ് അറസ്റ്റിലായത്.
ഫാക്ട് ചെക്ക് റിപ്പോർട്ട് വായിക്കുക

ബിഹാറിൽ ബിജെപി നേതാവിനെ മർദ്ദിക്കുന്നുവെന്ന അവകാശവാദം തെറ്റ്; ദൃശ്യം ഉത്തർപ്രദേശിലേതാണ്

സോഷ്യൽ മീഡിയയിൽ ബിഹാറിൽ ബിജെപി നേതാവിനെ മർദ്ദിക്കുന്ന ദൃശ്യമെന്ന പേരിൽ പ്രചരിച്ച വീഡിയോ യഥാർത്ഥത്തിൽ ഉത്തർപ്രദേശിലെ സുവൽദേവ് സ്വാഭിമാൻ പാർട്ടി നേതാവിനെ ആക്രമിക്കുന്ന ദൃശ്യങ്ങളാണ്.
ഫാക്ട് ചെക്ക് റിപ്പോർട്ട് വായിക്കുക

About Us

തദ്ദേശ തിരഞ്ഞെടുപ്പ് വാർത്ത കാർഡ് മുതൽ ബീഹാർ തിരഞ്ഞെടുപ്പ് വരെ; ഈ ആഴ്ചയിലെ സമൂഹമാധ്യമ പ്രചരണങ്ങൾ