Fact Check: ബ്രിട്ടനിലെ ബാങ്കുകളിലെ ബിജെപി മന്ത്രിമാരുടെ രഹസ്യ അക്കൗണ്ടുകൾ വിക്കിലീക്‌സ് പുറത്തുവിട്ടോ?

Claim
ബ്രിട്ടനിലെ ബാങ്കുകളിലെ മോദിയുടെയും മന്ത്രിമാരുടെയും രഹസ്യ അക്കൗണ്ടുകൾ വിക്കിലീക്‌സ് പുറത്തുവിട്ടു.

Fact
ഇത്തരമൊരു പട്ടിക വിക്കിലീക്സ് പുറത്തുവിട്ടിട്ടില്ല.

ബ്രിട്ടനിലെ ബാങ്കുകളിലെ മോദിയുടെയും മന്ത്രിമാരുടെയും രഹസ്യ അക്കൗണ്ടുകൾ വിക്കിലീക്‌സ് പുറത്തുവിട്ടുവന്നൊരു പ്രചരണം ഫേസ്ബുക്കിൽ നടക്കുന്നുണ്ട്.

“ബ്രിട്ടനിൽ സർക്കാർ മാറിയപ്പോൾ തന്നെ വെളിപാടുകൾ സംഭവിച്ചു തുടങ്ങി,” എന്നാണ് ആ ദീർഘമായ പോസ്റ്റ് ആരംഭിക്കുന്നത്.

“ഋഷി സുനക്കിൻ്റെ തോൽവിക്ക് ശേഷം മോദിയുടെയും മന്ത്രിമാരുടെയും കള്ളപ്പണം വെളിപ്പെട്ടു. 14 വർഷം കൊണ്ട് മോദിയുടെ മന്ത്രിമാരുടെ കള്ളപ്പണം നൂറിരട്ടി വർധിച്ചു,”എന്ന് പോസ്റ്റ് തുടർന്ന് പറയുന്നു. ബ്രിട്ടനിലെ രഹസ്യ ബാങ്കുകളിൽ കള്ളപ്പണം സൂക്ഷിച്ചിരിക്കുന്ന ഇന്ത്യക്കാരുടെ ആദ്യ പട്ടിക വിക്കിലീക്സ് പുറത്തുവിട്ടു.
ആദ്യത്തെ 24 പേരുകൾ ഇപ്രകാരമാണ്,” എന്ന് പോസ്റ്റ് പറയുന്നു.

“ശരി. കഴിഞ്ഞ 10 വർഷം കൊണ്ട് മോദിയുടെ കൊക്കർ രാജ്യത്തെ എത്രമാത്രം കൊള്ളയടിച്ചുവെന്ന് ഇപ്പോൾ മനസ്സിലായി. എല്ലാ രാജ്യസ്നേഹികളും രാജ്യതാൽപ്പര്യം മുൻനിർത്തി ഈ പോസ്റ്റ് ഫോർവേഡ് ചെയ്യുക…അഴിമതിക്കെതിരായ പോരാടുക,” പോസ്റ്റ് ഉപസംഹരിക്കുന്നു.

 ഈ പോസ്റ്റ് പരിശോധിയ്ക്കാൻ ആവശ്യപ്പെട്ട് ഒരാൾ ഞങ്ങളുടെ വാട്ട്സ്ആപ്പ് ടിപ്‌ലൈനിൽ (9999499044) മെസ്സേജ് ചെയ്തിരുന്നു.

ഇവിടെ വായിക്കുക:  Fact Check: തൃശൂർ, എറണാകുളം ജില്ലകളിൽ നിന്നല്ല ഈ പ്രളയ ദൃശ്യം

Fact Check/Verification

ഈ അവകാശവാദം പരിശോധിക്കാൻ, ഞങ്ങൾ ഗൂഗിളിൽ കീവേഡുകൾ ഉപയോഗിച്ച് സേർച്ച് ചെയ്തു. എന്നാൽ വിക്കിലീക്സ് ഇത്തരമൊരു പട്ടിക പുറത്തുവിട്ടതുമായി ബന്ധപ്പെട്ട മാധ്യമ റിപ്പോർട്ടുകളൊന്നും ഞങ്ങൾക്ക് കണ്ടെത്താൻ കഴിഞ്ഞില്ല.

തുടർന്ന്, ഞങ്ങൾ വിക്കിലീക്‌സിൻ്റെ ഔദ്യോഗിക സോഷ്യൽ മീഡിയ ഹാൻഡിലുകളും വെബ്‌സൈറ്റും പരിശോധിച്ചു. അവിടെയും അത്തരത്തിലുള്ള ഒരു ലിസ്റ്റിനെ ക്കുറിച്ച് ഞങ്ങൾക്ക് ഒരു വിവരവും ലഭിച്ചില്ല.

അന്വേഷണത്തിനിടെ, ഞങ്ങൾ X-ൽ ബന്ധപ്പെട്ട കീവേഡുകൾ സേർച്ച് ചെയ്തപ്പോൾ, സമാനമായ അവകാശവാദത്തോടെയുള്ള നൂറുകണക്കിന് പോസ്റ്റുകൾ കണ്ടെത്തി. 2011 മുതൽ, വിക്കിലീക്‌സ് പുറപ്പെടുവിച്ചുവെന്ന് അവകാശപ്പെടുന്ന വിവിധ രാഷ്ട്രീയ നേതാക്കളുടെ പേരുകലുള്ള ഇത്തരം ലിസ്റ്റുകൾ പങ്കിടുന്നുണ്ട് എന്ന് ഞങ്ങൾ കണ്ടെത്തി. ഈ അവകാശവാദം യഥാക്രമം  2011, 2012, 2013, 2014, 2015, 2016 എന്നീ വർഷങ്ങളിലും വിവിധ നേതാക്കളുടെ പേരുകളിൽ പങ്കിട്ടിരുന്നു.

അന്വേഷണത്തിൽ, 2011-ലാണ് ഇത്തരത്തിലുള്ള പട്ടിക ആദ്യമായി വൈറലായതെന്ന് ഞങ്ങൾ കണ്ടെത്തി. അന്നത്തെ കേന്ദ്രസർക്കാരിലെ (യുപിഎ) മന്ത്രിമാരുടെ പേരുകൾ ആ പട്ടികയിലുണ്ടായിരുന്നു. അന്ന്, വിക്കിലീക്സ് ഇത്തരത്തിലുള്ള പട്ടിക വ്യാജമാണെന്ന് പ്രഖ്യാപിച്ചിരുന്നു.

ഇവിടെ വായിക്കുക:Fact Check: കൊച്ചു പെൺകുട്ടി പാടുന്ന ദൃശ്യം കൃത്രിമമാണ്

Conclusion

അന്വേഷണത്തിലൂടെ, ഞങ്ങൾ വിക്കിലീക്‌സിൻ്റെ പേരിൽ പ്രചരിക്കുന്ന ഈ അവകാശവാദം വ്യാജമാണെന്ന നിഗമനത്തിലെത്തി.

Result: False

Sources
Official X handle of Wikileaks
Official Website of Wikileaks

(ഇത് ആദ്യം ഫാക്ട് ചെക്ക് ചെയ്തത് ഞങ്ങളുടെ ഹിന്ദി ടീമാണ്. അത് ഇവിടെ വായിക്കാം)

ഞങ്ങൾ ഒരു അവകാശവാദത്തെ കുറിച്ച് വസ്തുത പരിശോധന നടത്തണമെന്നോ ,അതിനെ കുറിച്ചുള്ള ഫീഡ്‌ബാക്ക് നൽകണമെന്നോ, അതിനെ കുറിച്ചൊരു പരാതി ഞങ്ങൾക്ക് നൽകണമെന്നോ നിങ്ങൾ ആഗ്രഹിക്കുന്നുവെങ്കിൽ, 9999499044 എന്ന നമ്പറിൽ വാട്ട്‌സ്ആപ്പ് ചെയ്യുക. അല്ലെങ്കിൽ checkthis@newschecker.in ൽ ഇമെയിൽ ചെയ്യുക. നിങ്ങൾക്ക് ഞങ്ങളുടെ കോൺടാക്ട് അസ് പേജ് സന്ദർശിച്ചു പരാതി ഫോം പൂരിപ്പിക്കാനും അവസരം ഉണ്ട്. ന്യൂസ്‌ചെക്കറിന്റെ ചാനൽ ഇപ്പോൾ വാട്ട്‌സ്ആപ്പിൽ തത്സമയം ലഭ്യമാണ്.