अहमदाबादमध्ये एअर इंडियाचे विमान कोसळल्याचा म्हणून नेपाळमधील जुना व्हिडिओ व्हायरल

Claim

अहमदाबादमध्ये एअर इंडियाच्या विमान अपघाताचा व्हिडिओ.

Fact

गुजरातमधील अहमदाबाद येथे एक दुःखद आणि भयानक विमान अपघात झाला आहे. एअर इंडियाचे प्रवासी विमान AI-171 हे टेकऑफ दरम्यान कोसळले, त्यात एकूण २४२ प्रवासी होते. या अपघातानंतर मदत आणि बचाव कार्य उच्च पातळीवर करण्यात आले. दरम्यान, एक व्हिडिओ शेअर केला जात आहे ज्यामध्ये असा दावा केला जात आहे की हा अपघातग्रस्त विमानाच्या शेवटच्या क्षणांचा व्हिडिओ आहे.

अहमदाबादमध्ये अपघातग्रस्त झालेल्या विमानाचा असल्याचा दावा करून शेअर करण्यात येत असलेल्या व्हिडिओचा तपास करण्यासाठी, आम्ही गुगल लेन्सच्या मदतीने त्याच्या कीफ्रेम्स शोधल्या. या दरम्यान, डेली स्टारने १६ जानेवारी २०२३ रोजी प्रकाशित केलेला एक रिपोर्ट सापडला. यात एक व्हिडिओ देखील आहे, ज्यामध्ये व्हायरल व्हिडिओमधील दृश्ये पाहता येतात.

व्हायरल व्हिडिओमधील दृश्ये व्हिडिओच्या सुरुवातीला आणि शेवटी पाहता येतात. रिपोर्टनुसार, हा व्हिडिओ नेपाळच्या यति एअरलाइन्सचा होता, जे २०२३ मध्ये क्रॅश झाले होते. या विमान अपघातात एकूण ६८ जणांचा मृत्यू झाला. रिपोर्टमध्ये, व्हिडिओ शूट करणाऱ्या तरुणाचे नाव सोनू जयस्वाल असे सांगितले आहे, जो विमान अपघाताचा बळी ठरला.

गुगलवर संबंधित कीवर्ड्स शोधल्यावर, आम्हाला १६ जानेवारी २०२३ रोजी मनी कंट्रोल हिंदीच्या वेबसाइटवर प्रकाशित झालेला एक रिपोर्ट सापडला. व्हायरल व्हिडिओमध्ये दिसणाऱ्या तरुणाचा फोटो देखील यात आहे. रिपोर्टमध्ये असे म्हटले आहे की नेपाळमधील पोखरा येथे येती एअरलाइन्सचे विमान कोसळले, ज्यामध्ये एकूण ६८ जणांना आपला जीव गमवावा लागला. या अपघातात उत्तर प्रदेशातील गाजीपूर येथील ४ तरुणांचा मृत्यू झाला. विमान अपघाताच्या काही क्षण आधी हे चार तरुण फेसबुकवर लाईव्ह होते.

त्यावेळी आज तक आणि एबीपीसह इतर अनेक माध्यम संस्थांनी नेपाळमधील या अपघाताबद्दल बातम्या प्रकाशित केल्या होत्या.

अशाप्रकारे, आमच्या तपासातून हे स्पष्ट झाले आहे की नेपाळमध्ये झालेल्या विमान अपघाताचा एक जुना व्हिडिओ शेअर केला जात आहे आणि तो अहमदाबादमध्ये कोसळलेल्या एअर इंडियाच्या विमानाचा असल्याचा दावा केला जात आहे.

Sources
Dailystar.co.uk Report Published on Jan 16,2023
Hindi.moneycontrol.com, Report Published on Jan 16, 2023