चंद्रकोर असलेल्या भारतीय ध्वजाचा व्हायरल व्हिडिओ कोलकात्यातील हावडा ब्रिजचा नाही

Claim

कोलकात्यातील हावडा ब्रिजच्या भारतीय तिरंगी ध्वजावर अशोक चक्राऐवजी चंद्रकोर आहे.

भारतीय स्वातंत्र्यदिनाच्या पार्श्वभूमीवर हा दावा व्हायरल केला जात आहे.

Fact

आम्ही फेसबुकवर कीवर्ड सर्च केला आणि आढळले की हा व्हिडिओ अनेक सोशल मीडिया युजर्सनी इतर भाषेत शेअर केला आहे. आम्हाला एका युजरने अशाच एका पोस्टवर केलेली एक कॉमेंट मिळाली, ज्यामध्ये असे म्हटले होते की व्हिडिओमध्ये उत्तर २४ परगणा जिल्ह्यातील भाटपारा येथील काकिनारा पूल दाखवण्यात आला आहे.

याचाच एक संकेत म्हणून, आम्ही संबंधित कीवर्ड वापरून फेसबुकवर शोध घेतला आणि काकिनाराला समर्पित “काकिनारा मान” नावाचे एक बंगाली पेज सापडले. आम्हाला २८ जून २०२३ रोजी पेजने पोस्ट केलेला तोच व्हिडिओ सापडला, ज्यावर बंगाली कॅप्शन लिहिले होते, “हा काकिनारा पुलाचा व्हायरल व्हिडिओ आहे.”

त्यानंतर आम्ही गुगल मॅप्सवर काकिनारा पुलाचे फोटो पाहिले आणि युजर जनरेटेड पुलाची ३६० अंशाची प्रतिमा आढळली.

आम्ही व्हायरल व्हिडिओमध्ये दिसणाऱ्या फ्रेम्स गुगल मॅप्सवरील ३६० अंश दृश्याशी जुळवण्याचा प्रयत्न केला आणि आम्हाला आढळले की दोन्ही फोटोंमध्ये रेल्वे लाईनजवळ समान इमारत, एक टॉवर आणि एक झाड दिसत आहे.

त्यानंतर न्यूजचेकरने स्थानिक पत्रकार दीपक देबनाथशी संपर्क साधला, ज्यांनी व्हायरल व्हिडिओमध्ये उत्तर २४ परगणा जिल्ह्यातील भाटपारा भागातील काकिनारा पूल असल्याची पुष्टी केली.

न्यूजचेकरने बराकपूरचे आयुक्त आलोक राजोरिया यांच्याशीही संपर्क साधला, ज्यांच्या अधिकारक्षेत्रात काकिनारा येतो. आयपीएस अधिकाऱ्याने आम्हाला पुष्टी दिली की हा व्हिडिओ खरोखर काकिनारा येथील आहे. “आम्ही चौकशी करत आहोत की हा झेंडा तिथे कोणी लावला. सध्या तेथे कोणताही झेंडा नाही”.

Conclusion

म्हणून, आम्ही पुष्टी करू शकतो की व्हायरल व्हिडिओमध्ये प्रतिष्ठित हावडा पूल दिसत नाही तर उत्तर २४ परगणा जिल्ह्यातील काकिनारा पूल दिसतो.

Sources
FB post by Kankinara Maane, dated June 28, 2023
Image seen on Google maps, 360 view
Telephone conversation with journalist Deepak Debnath
WhatsApp communication with Barrackpore commissioner Alok Rajoria