ਮਸ਼ੀਨ ਨਾਲ ਟੱਕਰ ਲੈਣ ਵਾਲੇ ਹਾਥੀ ਦੀ ਹੈ ਇਹ ਤਸਵੀਰ? ਜਾਣੋ ਵਾਇਰਲ ਦਾਅਵੇ ਦਾ ਸੱਚ

ਸੋਸ਼ਲ ਮੀਡਿਆ ਤੇ ਇੱਕ ਜਖਮੀ ਹਾਥੀ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਦੀ ਸੂੰਢ ਦੇ ਉੱਪਰ ਡੂੰਘਾ ਜਖਮ ਦਿਖਾਈ ਦੇ ਰਿਹਾ ਹੈ। ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਯੂਜ਼ਰ ਦਾਅਵਾ ਕਰ ਰਹੇ ਹਨ ਕਿ ਇਹ ਉਹੀ ਹਾਥੀ ਹੈ ਜੋ ਆਪਣੇ ਘਰ ਨੂੰ ਬਚਾਉਣ ਲਈ ਬੁਲਡੋਜ਼ਰ ਨਾਲ ਭਿੜ ਗਿਆ ਸੀ।

Fact Check/Verification

ਵਾਇਰਲ ਦਾਅਵੇ ਦੀ ਪੁਸ਼ਟੀ ਕਰਨ ਲਈ ਅਸੀਂ ਤਸਵੀਰ ਨੂੰ ਗੂਗਲ ਰਿਵਰਸ ਇਮੇਜ ਦੀ ਮਦਦ ਨਾਲ ਸਰਚ ਕੀਤੀ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਸਰਚ ਦੇ ਦੌਰਾਨ ਸਾਨੂੰ 13 ਦਸੰਬਰ, 2024 ਨੂੰ ਅਪਲੋਡ ਇੱਕ ਇੰਸਟਾਗ੍ਰਾਮ ਪੋਸਟ ਮਿਲੀ। ਯੂਜ਼ਰ ਨੇ ਵੀਡੀਓ ਵਿੱਚ ਅਫ਼ਰੀਕਾ ਹੈਸ਼ਟੈਗ ਦਿੱਤਾ ਦਿੱਤਾ ਹੋਇਆ ਸੀ।

ਪੜਤਾਲ ਨੂੰ ਅੱਗੇ ਵਧਾਉਂਦੇ ਹੋਏ ਅਸੀਂ ਗੂਗਲ ਤੇ ਕੁਝ ਕੀ ਵਰਡ ਦੀ ਮਦਦ ਨਾਲ ਸਰਚ ਕੀਤਾ। ਸਾਨੂੰ singita.com ‘ਤੇ ਪ੍ਰਕਾਸ਼ਿਤ ਇੱਕ ਰਿਪੋਰਟ ਮਿਲੀ, ਜੋ ਸਾਲ 2021 ਵਿੱਚ ਪ੍ਰਕਾਸ਼ਿਤ ਕੀਤੀ ਗਈ ਸੀ। ਇਸ ਰਿਪੋਰਟ ਵਿੱਚ ਵਾਇਰਲ ਤਸਵੀਰ ਵਿੱਚ ਦਿਖ ਰਹੇ ਹਾਥੀ ਦੀ ਤਸਵੀਰ ਮਿਲੀ ਜਿਸ ਦੇ ਮੱਥੇ ਵਿੱਚ ਛੇਕ ਸੀ।

ਰਿਪੋਰਟ ਮੁਤਾਬਕ ਇਸ ਹਾਥੀ ਦਾ ਨਾਮ ਰੰਜੇਕਾਈਲ ਹੈ ਅਤੇ ਇਹ ਗ੍ਰੇਟਰ ਕਰੂਗਰ ਨੈਸ਼ਨਲ ਪਾਰਕ, ਸਾਊਥ ਅਫ਼ਰੀਕਾ ਵਿੱਚ ਹੈ।

ਇਸ ਹਾਥੀ ਦੀਆਂ ਤਸਵੀਰਾਂ ਸਾਨੂੰ ਕਈ ਹੋਰ ਵੈਬਸਾਈਟ ਤੇ ਵੀ ਅਪਲੋਡ ਮਿਲੀਆਂ।

ਦੱਸ ਦਇਏ ਕਿ ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਹਾਥੀ ਬੁਲਡੋਜ਼ਰ ਨਾਲ ਭਿੜ ਗਿਆ ਸੀ। ਨਿਊਜ਼ਚੈਕਰ ਨੇ ਆਪਣੀ ਜਾਂਚ ਵਿੱਚ ਪਾਇਆ ਸੀ ਕਿ ਹਾਥੀ ਦੀ ਮਸ਼ੀਨ ਨਾਲ ਭਿੜਨ ਦੀ ਵੀਡੀਓ ਪੱਛਮ ਬੰਗਾਲ ਦੀ ਹੈ। ਇਸ ਵੀਡੀਓ ਨੂੰ ਹੈਦਰਾਬਾਦ ਨਾਲ ਜੋੜਕੇ ਫਰਜ਼ੀ ਦਾਅਵਾ ਸ਼ੇਅਰ ਕੀਤਾ ਜਾ ਰਿਹਾ ਹੈ।

Conclusion

ਇਸ ਤਰ੍ਹਾਂ ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀ ਤਸਵੀਰ ਦਾ ਹੈਦਰਾਬਾਦ ‘ਚ ਜੰਗਲ ਕਟਾਈ ਦੇ ਮਾਮਲੇ ਨਾਲ ਕੋਈ ਸੰਬੰਧ ਨਹੀਂ ਹੈ। ਇਹ ਤਸਵੀਰ ਵਿੱਚ ਦਿਖਾਈ ਦੇ ਰਹੇ ਹਾਥੀ ਦਾ ਨਾਮ ਰੰਜੇਕਾਈਲ ਹੈ ਜੋ ਗ੍ਰੇਟਰ ਕਰੂਗਰ ਨੈਸ਼ਨਲ ਪਾਰਕ, ਸਾਊਥ ਅਫ਼ਰੀਕਾ ਵਿੱਚ ਰਹਿੰਦਾ ਹੈ।

Sources
Animals around the globe official
Singita.com