ਰਾਹੁਲ ਗਾਂਧੀ ਦੇ ਨਾਲ ਜੋਤੀ ਮਲਹੋਤਰਾ ਦੀ ਇਹ ਤਸਵੀਰਾਂ ਅਸਲ ਹਨ?

ਸੋਸ਼ਲ ਮੀਡੀਆ ‘ਤੇ ਦੋ ਤਸਵੀਰਾਂ ਦਾ ਇੱਕ ਕੋਲਾਜ ਇਸ ਦਾਅਵੇ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ ਕਿ ਇਸ ਤਸਵੀਰ ਵਿੱਚ ਰਾਹੁਲ ਗਾਂਧੀ ਦੇ ਨਾਲ ਜੋਤੀ ਮਲਹੋਤਰਾ ਨਾਲ ਹੈ, ਜਿਸ ਨੂੰ ਜਾਸੂਸੀ ਦੇ ਦੋਸ਼ ਵਿੱਚ ਹਿਰਾਸਤ ਵਿੱਚ ਲਿਆ ਗਿਆ ਹੈ।

ਹਾਲ ਹੀ ਵਿੱਚ ਹਰਿਆਣਾ ਪੁਲਿਸ ਨੇ ਜੋਤੀ ਮਲਹੋਤਰਾ, ਜੋ ਕਿ ‘ਟ੍ਰੈਵਲ ਵਿਦ ਜੋ’ ਨਾਮ ਦਾ ਇੱਕ ਯੂਟਿਊਬ ਚੈਨਲ ਅਤੇ ਇੰਸਟਾਗ੍ਰਾਮ ਪੇਜ ਚਲਾਉਂਦੀ ਹੈ, ਨੂੰ ਪਾਕਿਸਤਾਨ ਨੂੰ ਖੁਫੀਆ ਜਾਣਕਾਰੀ ਪ੍ਰਦਾਨ ਕਰਨ ਦੇ ਦੋਸ਼ ਵਿੱਚ ਹਿਰਾਸਤ ਵਿੱਚ ਲਿਆ ਹੈ।ਜੋਤੀ ਵਿਰੁੱਧ ਅਧਿਕਾਰਤ ਭੇਦ ਐਕਟ ਅਤੇ ਭਾਰਤੀ ਨਿਆਂ ਕੋਡ ਦੀ ਧਾਰਾ 152 ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।  

ਵਾਇਰਲ ਕੋਲਾਜ ‘ਚ ਦੋਵੇਂ ਤਸਵੀਰਾਂ ਵਿੱਚ, ਰਾਹੁਲ ਗਾਂਧੀ ਕਥਿਤ ਤੌਰ ‘ਤੇ ਜੋਤੀ ਮਲਹੋਤਰਾ ਨਾਲ ਦਿਖਾਈ ਦੇ ਰਹੇ ਹਨ। ਇਸ ਕੋਲਾਜ਼ ਨੂੰ X ‘ਤੇ ਵਾਇਰਲ ਦਾਅਵੇ ਨਾਲ ਸ਼ੇਅਰ ਕਰ ਲਿਖਿਆ ਹੈ, ਕੀਤਾ ਗਿਆ ਸੀ ਕਿ “ਹਰਿਆਣਾ ਦੀ ਜੋਤੀ ਮਲਹੋਤਰਾ ਜੋ ਪਾਕਿਸਤਾਨ ਲਈ ਜਾਸੂਸੀ ਕਰਦੀ ਫੜੀ ਗਈ ਰਾਹੁਲ ਗਾਂਧੀ ਨਾਲ। ਕਿੰਨਾ ਅਜੀਬ ਸੰਜੋਗ ਹੈ ਕਿ ਹਰ ਗੱਦਾਰ ਅਤੇ ਦੇਸ਼ ਵਿਰੋਧੀ ਰਾਹੁਲ ਗਾਂਧੀ ਨਾਲ ਦਿਖਾਈ ਦਿੰਦਾ ਹੈ”।

Fact Check/Verification

ਰਾਹੁਲ ਗਾਂਧੀ ਨਾਲ ਜੋਤੀ ਮਲਹੋਤਰਾ ਦੀ ਤਸਵੀਰ ਦੇ ਦਾਅਵੇ ਨਾਲ ਵਾਇਰਲ ਹੋ ਰਹੇ ਕੋਲਾਜ ਵਿੱਚ ਪਹਿਲੀ ਤਸਵੀਰ ਨੂੰ ਰਿਵਰਸ ਇਮੇਜ ਸਰਚ ਕਰਨ ‘ਤੇ, ਸਾਨੂੰ ਕਈ ਨਿਊਜ਼ ਰਿਪੋਰਟਾਂ ਵਿੱਚ ਇਹ ਤਸਵੀਰ ਮਿਲੀ। ਹਾਲਾਂਕਿ, ਤਸਵੀਰ ਵਿੱਚ ਰਾਹੁਲ ਗਾਂਧੀ ਦੇ ਨਾਲ ਜੋਤੀ ਮਲਹੋਤਰਾ ਨਹੀਂ ਸਗੋਂ ਰਾਏਬਰੇਲੀ ਤੋਂ ਭਾਜਪਾ ਵਿਧਾਇਕ ਅਦਿਤੀ ਸਿੰਘ ਹਨ। 2022 ਤੋਂ ਪਹਿਲਾਂ, ਅਦਿਤੀ ਸਿੰਘ ਕਾਂਗਰਸ ਪਾਰਟੀ ਤੋਂ ਰਾਏਬਰੇਲੀ ਤੋਂ ਵਿਧਾਇਕ ਸੀ।

ਇਸ ਤੋਂ ਇਲਾਵਾ ਸਾਨੂੰ 16 ਦਸੰਬਰ, 2017 ਨੂੰ ਵਿਧਾਇਕ ਅਦਿਤੀ ਸਿੰਘ ਦੇ ਫੇਸਬੁੱਕ ਅਕਾਊਂਟ ਤੋਂ ਅਪਲੋਡ ਕੀਤੀ ਗਈ ਇਹ ਤਸਵੀਰ ਮਿਲੀ। ਉਨ੍ਹਾਂ ਨੇ ਰਾਹੁਲ ਗਾਂਧੀ ਨੂੰ ਵਧਾਈ ਦਿੰਦੇ ਹੋਏ ਇਹ ਤਸਵੀਰ ਪੋਸਟ ਕੀਤੀ ਸੀ।

ਹਾਲਾਂਕਿ, ਇਸ ਦੌਰਾਨ ਸਾਨੂੰ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਇਹ ਤਸਵੀਰ ਅਸਲ ਵਿੱਚ ਕਦੋਂ ਲਈ ਗਈ ਸੀ, ਪਰ ਇਹ ਸਪੱਸ਼ਟ ਹੈ ਕਿ ਵਾਇਰਲ ਕੋਲਾਜ ਵਿੱਚ ਸ਼ਾਮਲ ਇਹ ਤਸਵੀਰ ਐਡਿਟ ਕੀਤੀ ਗਈ ਹੈ, ਜਿਸ ਵਿੱਚ ਅਦਿਤੀ ਸਿੰਘ ਦਾ ਚਿਹਰਾ ਐਡਿਟ ਕੀਤਾ ਗਿਆ ਹੈ ਅਤੇ ਉਸ ਦੀ ਜਗ੍ਹਾ ਜੋਤੀ ਮਲਹੋਤਰਾ ਦਾ ਚਿਹਰਾ ਲਗਾਇਆ ਗਿਆ ਹੈ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਇਸ ਤੋਂ ਬਾਅਦ ਅਸੀਂ ਦੂਜੀ ਤਸਵੀਰ ਦੀ ਜਾਂਚ ਕੀਤੀ। ਇਸ ਸਮੇਂ ਦੌਰਾਨ, ਸਾਨੂੰ 18 ਸਤੰਬਰ, 2022 ਨੂੰ ਰਾਹੁਲ ਗਾਂਧੀ ਦੇ ਫੇਸਬੁੱਕ ਅਕਾਊਂਟ ਤੋਂ ਕੀਤੀ ਗਈ ਇੱਕ ਪੋਸਟ ਵਿੱਚ ਸਮਾਨ ਤਸਵੀਰ ਮਿਲੀ। ਹਾਲਾਂਕਿ, ਇਸ ਤਸਵੀਰ ਵਿੱਚ ਵੀ ਜੋਤੀ ਮਲਹੋਤਰਾ ਨਹੀਂ ਸਗੋਂ ਕੋਈ ਹੋਰ ਔਰਤ ਮੌਜੂਦ ਸੀ।

ਇਸ ਤੋਂ ਇਲਾਵਾ, ਸਾਨੂੰ ਰਾਹੁਲ ਗਾਂਧੀ ਨਾਲ ਉਕਤ ਔਰਤ ਦੀ ਇੱਕ ਹੋਰ ਤਸਵੀਰ ਵੀ ਮਿਲੀ ਜੋ 18 ਸਤੰਬਰ 2022 ਨੂੰ ਮਹਿਲਾ ਕਾਂਗਰਸ ਦੇ X ਖਾਤੇ ਤੋਂ ਅਪਲੋਡ ਕੀਤੀ ਗਈ ਸੀ। ਫੋਟੋ ਦੇ ਨਾਲ ਕੈਪਸ਼ਨ ਵਿੱਚ ਦੱਸਿਆ ਗਿਆ ਹੈ ਕਿ ਇਹ 2022 ਵਿੱਚ ਕੇਰਲ ਦੀ ਭਾਰਤ ਜੋੜੋ ਯਾਤਰਾ ਦਾ ਹੈ।

Conclusion

ਸਾਡੀ ਜਾਂਚ ਤੋਂ ਇਹ ਸਪੱਸ਼ਟ ਹੁੰਦਾ ਹੈ ਕਿ ਕੋਲਾਜ ਵਿੱਚ ਜੋਤੀ ਮਲਹੋਤਰਾ ਦੇ ਰਾਹੁਲ ਗਾਂਧੀ ਨਾਲ ਦਿਖਾਈ ਦੇਣ ਦੇ ਦਾਅਵੇ ਨਾਲ ਵਾਇਰਲ ਹੋ ਰਹੀਆਂ ਦੋਵੇਂ ਫੋਟੋਆਂ ਐਡਿਟ ਕੀਤੀਆਂ ਗਈਆਂ ਹਨ।

Our Sources
Photo posted by Aditi Singh’s Facebook account on 16th Dec 2017
Photo shared by Rahul Gandhi’s Facebook account on 18th Sep 2022
Photo shared by Mahila Congress X account on 18th Sep 2022