ਕੀ ਇਹ ਵੀਡੀਓ ਕਾਂਵੜੀਆਂ ਦੁਆਰਾ ਹਾਲ ਹੀ ਵਿੱਚ ਈ ਰਿਕਸ਼ਾ ਦੀ ਕੀਤੀ ਗਈ ਭੰਨਤੋੜ ਦੀ ਹੈ? ਪੁਰਾਣਾ ਵੀਡੀਓ ਵਾਇਰਲ

ਸਾਵਣ ਦਾ ਮਹੀਨਾ ਸ਼ੁਰੂ ਹੋ ਚੁੱਕਾ ਹੈ। ਸਾਵਣ ਦੇ ਮਹੀਨੇ ਕਾਂਵੜ ਯਾਤਰਾ ਵੀ ਸ਼ੁਰੂ ਹੋ ਚੁੱਕੀ ਹੈ। ਕਾਂਵੜ ਯਾਤਰਾਂ ਨੂੰ ਧਿਆਨ ਵਿਚ ਰੱਖਦਿਆਂ ਪ੍ਰਸ਼ਾਸਨ ਵਲੋਂ ਕਈ ਤਿਆਰੀਆਂ ਕੀਤੀ ਗਈਆਂ ਹਨ। ਉੱਤਰ ਪ੍ਰਦੇਸ਼ ਵਿੱਚ ਕਾਂਵੜ ਯਾਤਰਾ ਨੂੰ ਸੁਰੱਖਿਅਤ, ਸੁਚਾਰੂ ਅਤੇ ਸੰਗਠਿਤ ਬਣਾਉਣ ਲਈ ਉੱਚ-ਤਕਨੀਕੀ ਐਂਟੀ-ਡਰੋਨ ਅਤੇ ਟੈਦਰਡ ਡਰੋਨ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਇਸ ਤਰ੍ਹਾਂ ਦੇ ਪ੍ਰਬੰਧਨ ਕਈ ਹੋਰ ਥਾਵਾਂ ਤੇ ਵੀ ਕੀਤੇ ਗਏ ਹਨ। ਹਾਲਾਂਕਿ, ਕਈ ਥਾਵਾਂ ਤੇ ਕਾਵੜ ਯਾਤਰਾ ਦੇ ਦੌਰਾਨ ਕੁਝ ਅਣਸੁਖਾਵੀਆਂ ਘਟਨਾਵਾਂ ਦੀ ਵਾਪਰੀਆਂ ਹਨ।

ਇਸ ਦੌਰਾਨ ਸੋਸ਼ਲ ਮੀਡਿਆ ਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਕੁਝ ਕਾਂਵੜੀਆਂ ਨੂੰ ਈ ਰਿਕਸ਼ਾ ਦੀ ਭੰਨਤੋੜ ਕਰਦਿਆਂ ਦੇਖਿਆ ਜਾ ਸਕਦਾ ਹੈ। ਵੀਡੀਓ ਨੂੰ ਹਾਲੀਆ ਦੱਸਕੇ ਸ਼ੇਅਰ ਕੀਤਾ ਜਾ ਰਿਹਾ ਹੈ।

Fact Check/Verification

ਵਾਇਰਲ ਹੋ ਰਹੀ ਵੀਡੀਓ ਨੂੰ ਲੈ ਕੇ ਅਸੀਂ ਆਪਣੀ ਜਾਂਚ ਸ਼ੁਰੂ ਕੀਤੀ। ਅਸੀਂ ਗੂਗਲ ਤੇ “ਕਾਂਵੜੇ ਈ ਰਿਕਸ਼ਾ” ਕੀ ਵਰਡ ਸਰਚ ਕੀਤਾ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਸਰਚ ਦੇ ਦੌਰਾਨ ਸਾਨੂੰ ਇਹ ਵੀਡੀਓ ਮੀਡਿਆ ਅਦਾਰਾ ‘ਲਾਈਵ ਹਿੰਦੁਸਤਾਨ’ ਦੇ ਯੂ ਟਿਊਬ ਅਕਾਊਂਟ ਦੁਆਰਾ ਜੁਲਾਈ 24, 2024 ਨੂੰ ਅਪਲੋਡ ਮਿਲੀ। ਇਸ ਤੋਂ ਸਪਸ਼ਟ ਹੈ ਕਿ ਇਹ ਵੀਡੀਓ ਤਕਰੀਬਨ ਸਾਲ ਪੁਰਾਣੀ ਹੈ।

ਵੀਡੀਓ ਨਾਲ ਦਿੱਤੇ ਗਏ ਡਿਸਕਰਪਸ਼ਨ ਦੇ ਮੁਤਾਬਕ, ਉਤਰਾਖੰਡ ਦੇ ਰੁੜਕੀ ਵਿੱਚ ਕਾਂਵੜੀਆਂ ਨੇ ਈ ਰਿਕਸ਼ਾ ਨੂੰ ਤੋੜ ਦਿੱਤਾ। ਇਸ ਘਟਨਾ ਨੂੰ ਲੈ ਕੇ ਹੋਰ ਜਾਣਕਾਰੀ ਲਈ ਅਸੀਂ ਗੂਗਲ ਤੇ ਸਰਚ ਕੀਤਾ।

ਇਸ ਦੌਰਾਨ ਸਾਨੂੰ ਮੀਡਿਆ ਅਦਾਰਾ ਏਬੀਪੀ ਨਿਊਜ਼ ਦੁਆਰਾ ਵੀ ਜੁਲਾਈ 24, 2024 ਨੂੰ ਪ੍ਰਕਾਸ਼ਿਤ ਰਿਪੋਰਟ ਮਿਲੀ। ਰਿਪੋਰਟ ਦੇ ਮੁਤਾਬਕ 23 ਜੁਲਾਈ 2024 ਨੂੰ, ਉਤਰਾਖੰਡ ਦੇ ਰੁੜਕੀ ਵਿੱਚ ਕਾਂਵੜੀਆ ਨੇ ਹੰਗਾਮਾ ਕੀਤਾ। ਕਾਂਵੜੀਆ ਨੇ ਪਹਿਲਾਂ ਈ-ਰਿਕਸ਼ਾ ਚਾਲਕ ਨੂੰ ਕੁੱਟਿਆ ਅਤੇ ਫਿਰ ਡੰਡਿਆਂ ਨਾਲ ਉਸਦਾ ਰਿਕਸ਼ਾ ਤੋੜ ਦਿੱਤਾ। ਇਸ ਦੌਰਾਨ, ਪੁਲਿਸ ਕਾਂਵੜੀਆ ਲੋਕਾਂ ਨੂੰ ਸਮਝਾਉਂਦੀ ਰਹੀ, ਪਰ ਉਨ੍ਹਾਂ ਨੇ ਪੁਲਿਸ ਵਾਲਿਆਂ ਦੀ ਇੱਕ ਨਹੀਂ ਸੁਣੀ ਅਤੇ ਉਹ ਰਿਕਸ਼ਾ ਤੋੜਦੇ ਰਹੇ। ਇਸ ਲੜਾਈ ਵਿੱਚ ਈ-ਰਿਕਸ਼ਾ ਚਾਲਕ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ, ਜਿਸ ਤੋਂ ਬਾਅਦ ਉਸਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ।

ਰਿਪੋਰਟ ਦੇ ਮੁਤਾਬਕ ਉੱਤਰਾਖੰਡ ਦੇ ਹਰਿਦੁਆਰ ਜ਼ਿਲ੍ਹੇ ਦੇ ਲਿੱਬਾਰੇੜੀ ਪਿੰਡ ਦੇ ਨੇੜੇ ਮੁੱਖ ਸੜਕ ‘ਤੇ ਮੰਗਲੌਰ ਦੇ ਪਿੰਡ ਲਿੱਬਾਰੇੜੀ ਦਾ ਇੱਕ ਈ-ਰਿਕਸ਼ਾ ਇੱਕ ਕਾਂਵੜੀਆ ਇਸ ਨਾਲ ਟਕਰਾ ਗਿਆ ਅਤੇ ਉਹ ਥੋੜ੍ਹਾ ਜ਼ਖਮੀ ਹੋ ਗਿਆ। ਕਾਂਵੜੀਆ ਦੇ ਸਾਥੀਆਂ ਨੇ ਗੁੱਸੇ ਵਿੱਚ ਆ ਕੇ ਈ-ਰਿਕਸ਼ਾ ਚਾਲਕ ਦੀ ਕੁੱਟਮਾਰ ਕੀਤੀ ਅਤੇ ਨਾਲ ਹੀ ਉਸਦੇ ਈ-ਰਿਕਸ਼ਾ ਦੀ ਭੰਨਤੋੜ ਕੀਤੀ। ਇਸ ਮਾਮਲੇ ਵਿੱਚ, ਈ-ਰਿਕਸ਼ਾ ਚਾਲਕ ਦੀ ਸ਼ਿਕਾਇਤ ‘ਤੇ, ਮੰਗਲੌਰ ਪੁਲਿਸ ਸਟੇਸ਼ਨ ਵਿੱਚ ਗੰਭੀਰ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ।

ਇਸ ਮਾਮਲੇ ਨੂੰ ਲੈ ਕੇ ਸਾਨੂੰ ਕਈ ਮੀਡਿਆ ਰਿਪੋਰਟਾਂ ਮਿਲੀਆਂ ਜਿਹਨਾਂ ਵਿੱਚ ਇਸ ਵੀਡੀਓ ਨੂੰ ਦੇਖਿਆ ਜਾ ਸਕਦਾ ਹੈ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਇਹ ਵੀਡੀਓ ਹਾਲੀਆ ਨਹੀਂ ਸਗੋਂ ਤਕਰੀਬਨ ਸਾਲ ਪੁਰਾਣੀ ਹੈ। ਇਹ ਵੀਡੀਓ ਉਤਰਾਖੰਡ ਦੇ ਰੁੜਕੀ ਦੀ ਹੈ।

Our Sources
Media report published by Live Hindustan, Dated July 24, 2024
Media report published by ABP News, Dated July 24, 2024