ਕੀ ਇਹ ਵੀਡੀਓ ਕੇਦਾਰਨਾਥ ‘ਚ ਹੋਏ ਹੈਲੀਕਾਪਟਰ ਕਰੈਸ਼ ਦੀ ਹੈ?

Claim

ਉਤਰਾਖੰਡ ਦੇ ਰੁਦਰਪ੍ਰਯਾਗ ਜ਼ਿਲ੍ਹੇ ਦੇ ਕੇਦਾਰਨਾਥ ਜਾ ਰਿਹਾ ਇੱਕ ਹੈਲੀਕਾਪਟਰ ਐਤਵਾਰ ਨੂੰ ਸਵੇਰੇ ਗੌਰੀਕੁੰਡ ਦੇ ਜੰਗਲਾਂ ਵਿੱਚ ਕ੍ਰੈਸ਼ ਹੋ ਗਿਆ। ਇਸ ਹਾਦਸੇ ਵਿਚ ਕੁੱਲ 7 ਲੋਕਾਂ ਦੀ ਮੌਤ ਹੋ ਗਈ ਹੈ।

ਇਸ ਵਿਚਾਲੇ ਸੋਸ਼ਲ ਮੀਡਿਆ ਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਕੇਦਾਰਨਾਥ ‘ਚ ਹਾਲ ਹੀ ਵਿੱਚ ਹੋਏ ਹੈਲੀਕਾਪਟਰ ਕਰੈਸ਼ ਦੀ ਹੈ।

Fact

ਅਸੀਂ ਦਾਅਵੇ ਦੀ ਸੱਚਾਈ ਜਾਣਨ ਲਈ ਵੀਡੀਓ ਨੂੰ ਧਿਆਨ ਨਾਲ ਦੇਖਿਆ। ਅਸੀਂ YouTube ‘ਤੇ ‘ਹੈਲੀਕਾਪਟਰ ਕਰੈਸ਼’ ਕੀ ਵਰਡ ਦੀ ਮਦਦ ਨਾਲ ਖੋਜ ਕੀਤੀ।

ਅਸੀਂ ਵੀਡੀਓ ਨੂੰ ਕੁਝ ਕੀ ਫਰੇਮ ਵਿੱਚ ਵੰਡਕੇ ਇੱਕ ਕੀ ਫਰੇਮ ਨੂੰ ਰਿਵਰਸ ਇਮੇਜ ਸਰਚ ਦੀ ਮਦਦ ਨਾਲ ਖੰਗਾਲਿਆ। ਸਾਨੂੰ ਸਰਚ ਦੇ ਦੌਰਾਨ ਮਿਲਟਰੀ ਡਾਟ ਕਾਮ ਨਾਮ ਦੀ ਇੱਕ ਵੈਬਸਾਈਟ ‘ਤੇ ਸਾਲ 2014 ਵਿੱਚ ਪ੍ਰਕਾਸ਼ਤ ਇੱਕ ਰਿਪੋਰਟ ਮਿਲੀ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਰਿਪੋਰਟ ਦਾ ਸਿਰਲੇਖ ਸੀ,”ਰੂਸ ‘ਚ ਇੱਕ ਏਅਰ ਸ਼ੋਅ ਵਿੱਚ Mi-8 ਜਹਾਜ਼ ਕਰੈਸ਼”। ਵਾਇਰਲ ਵੀਡੀਓ ਦਾ ਇੱਕ ਅੰਸ਼ ਇਸ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ। ਜਾਣਕਾਰੀ ਮੁਤਾਬਕ ਇਹ ਹਾਦਸਾ ਰੂਸ ਦੇ ਗੇਲੇਂਡਜ਼ਿਕ ਸ਼ਹਿਰ ‘ਚ ਵਾਪਰਿਆ। ਇਹ ਇੱਕ ਅੰਤਰਰਾਸ਼ਟਰੀ ਹਾਈਡਰੋ ਏਅਰ ਸ਼ੋਅ ਸੀ ਜਿਸ ਵਿੱਚ 180 ਰੂਸੀ ਕੰਪਨੀਆਂ ਸਮੇਤ 14 ਵਿਦੇਸ਼ੀ ਡੈਲੀਗੇਸ਼ਨ ਸ਼ਾਮਲ ਸਨ।

ਸਾਨੂੰ ਸਾਲ 2014 ਵਿੱਚ ਪ੍ਰਕਾਸ਼ਿਤ ਇਸ ਘਟਨਾ ਨਾਲ ਸਬੰਧਤ ਕਈ ਹੋਰ ਰਿਪੋਰਟਾਂ ਵੀ ਮਿਲੀਆਂ ਜੋ ਇੱਥੇ ਅਤੇ ਇੱਥੇ ਵੇਖੀਆਂ ਜਾ ਸਕਦੀਆਂ ਹਨ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਰੂਸ ‘ਚ ਵਾਪਰੇ 11 ਸਾਲ ਪੁਰਾਣੇ ਜਹਾਜ਼ ਹਾਦਸੇ ਦੀ ਵੀਡੀਓ ਨੂੰ ਕੇਦਾਰਨਾਥ ਵਿੱਚ ਹਾਲ ਹੀ ‘ਚ ਹੈਲੀਕਾਪਟਰ ਕਰੈਸ਼ ਨਾਲ ਜੋੜਕੇ ਸਾਂਝਾ ਕੀਤਾ ਜਾ ਰਿਹਾ ਹੈ।

Our Sources

Report of plane crash by Military.com, Dated September 7, 2014
Report of plane crash by Carscoops.com, Dated September 10, 2014
YouTube video by FlyEurope.TV, Dated April 14, 2021