ਵਿਆਹ ਦੀ ਰਿਸੈਪਸ਼ਨ ਦੌਰਾਨ ਖਾਨ ਸਰ ਦੀ ਪਤਨੀ ਦੁਆਰਾ ਘੁੰਡ ਚੁੱਕਣ ਦਾ ਇਹ ਵਾਇਰਲ ਵੀਡੀਓ ਡੀਪਫੇਕ ਹੈ

ਪ੍ਰਸਿੱਧ ਯੂਟਿਊਬਰ ਅਤੇ ਅਧਿਆਪਕ ਖਾਨ ਸਰ ਅਤੇ ਉਨ੍ਹਾਂ ਦੀ ਪਤਨੀ ਏਐਸ ਖਾਨ ਨੇ 2 ਜੂਨ ਨੂੰ ਪਟਨਾ ਦੇ ਵਿੱਚ ਆਪਣੇ ਵਿਆਹ ਦੀ ਰਿਸੈਪਸ਼ਨ ਕੀਤੀ ਸੀ। ਇਸ ਪ੍ਰੋਗਰਾਮ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈਆਂ, ਜਿਸ ਤੋਂ ਬਾਅਦ ਕੁਝ ਯੂਜ਼ਰਾਂ ਨੇ ਸਵਾਲ ਕੀਤੇ ਕਿ ਮਹਿਮਾਨਾਂ ਦਾ ਸਵਾਗਤ ਕਰਦੇ ਸਮੇਂ ਲਾੜੀ ਨੇ ਘੁੰਡ ਕਿਉਂ ਕੱਢਿਆ ਹੋਇਆ ਸੀ।

ਇਸ ਪ੍ਰੋਗਰਾਮ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਖਾਨ ਸਰ ਦੀ ਪਤਨੀ ਆਪਣਾ ਘੁੰਡ ਚੁੱਕਦੇ ਦਿਖਾਈ ਦੇ ਰਹੇ ਹਨ।

Fact Check/Verification

ਗੂਗਲ  ‘ਤੇ “ਖਾਨ ਸਰ”, “ਵਾਈਫ” ਅਤੇ “ਫੇਸ ਰਿਵੀਲ” ਵਰਗੇ ਕੀਵਰਡਸ ਸਰਚ ਕਰਨ ‘ਤੇ ਸਾਨੂੰ ਕੋਈ ਵੀ ਭਰੋਸੇਯੋਗ ਰਿਪੋਰਟ ਨਹੀਂ ਮਿਲੀ ਜਿਸ ਵਿੱਚ ਵਿਆਹ ਦੀ ਰਿਸੈਪਸ਼ਨ ਦੌਰਾਨ ਖਾਨ ਸਰ ਦੀ ਪਤਨੀ ਦੀ ਘੁੰਡ ਚੁੱਕਦੇ ਦੀ ਤਸਵੀਰ ਜਾਂ ਵੀਡੀਓ ਹੋਵੇ।

ਵਾਇਰਲ ਕਲਿੱਪ ਨੂੰ ਧਿਆਨ ਨਾਲ ਦੇਖਣ ‘ਤੇ, ਅਸੀਂ ਵੀਡੀਓ ਵਿੱਚ ਕਈ ਖਾਮੀਆਂ ਦੇਖੀਆਂ, ਜਿਸ ਕਾਰਨ ਸਾਨੂੰ ਸ਼ੱਕ ਹੋਇਆ ਕਿ ਇਹ ਵੀਡੀਓ ਏਆਈ ਦੀ ਮਦਦ ਨਾਲ ਬਣਾਇਆ ਗਿਆ ਹੈ। ਵੀਡੀਓ ਵਿੱਚ, ਦੁਲਹਨ ਦੇ ਹੱਥ ਵਿੱਚ ਦਿਖਾਈ ਦੇਣ ਵਾਲਾ ਲਿਫਾਫਾ ਅਚਾਨਕ ਗਾਇਬ ਹੋ ਜਾਂਦਾ ਹੈ ਅਤੇ ਜਿਵੇਂ ਹੀ ਉਹ ਘੁੰਡ ਚੁੱਕਦੇ ਹਨ, ਉਸਦਾ ਨੱਥ ਵੀ ਗਾਇਬ ਹੋ ਜਾਂਦਾ ਹੈ। ਇਸ ਤੋਂ ਇਲਾਵਾ, ਖਾਨ ਸਰ ਦਾ ਚਿਹਰਾ ਅਤੇ ਹੱਥ ਵੀ ਕਈ ਫਰੇਮਾਂ ਵਿੱਚ ਖਰਾਬ ਹੋਇਆ ਦਿਖਾਈ ਦਿੰਦਾ ਹੈ। 

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਇਸ ਤੋਂ ਇਲਾਵਾ ਸਕਰੀਨ ਦੇ ਵਿਚਕਾਰ “@NewzYatra.com” ਦਾ ਵਾਟਰਮਾਰਕ ਵੀ ਦਿਖਾਈ ਦਿੱਤਾ। ਜਾਂਚ ਵਿੱਚ ਅੱਗੇ ਅਸੀਂ ਇਸ ਸੋਸ਼ਲ ਮੀਡੀਆ ਅਕਾਊਂਟ ਬਾਰੇ ਪਤਾ ਲਗਾਇਆ।

ਜਾਂਚ ਕਰਨ ‘ਤੇ ਸਾਨੂੰ NewsYatra (@newz_yatra) ਨਾਮ ਦਾ ਇੱਕ ਇੰਸਟਾਗ੍ਰਾਮ ਅਕਾਊਂਟ ਮਿਲਿਆ ਜਿਸ ਵਿੱਚ ਵਾਇਰਲ ਕਲਿੱਪ ਵੀ ਹੈ। ਪੋਸਟ ਦੇ ਕੈਪਸ਼ਨ ਵਿੱਚ ਲਿਖਿਆ ਹੈ,”ਖਾਨ ਸਰ ਦੀ ਪਤਨੀ ਨੇ AI ਦੁਆਰਾ ਆਪਣਾ ਘੁੰਡ ਹਟਾ ਦਿੱਤਾ”। ਇਹੀ ਵੀਡੀਓ ਇਸ ਯੂਜ਼ਰ ਨੇ ਆਪਣੇ ਫੇਸਬੁੱਕ ਪੇਜ ‘ਤੇ ਵੀ ਸਾਂਝਾ ਕੀਤਾ ਸੀ।

ਨਿਊਜ਼ਚੈਕਰ ਨੇ ਵਾਇਰਲ ਵੀਡੀਓ ਨੂੰ AI ਡਿਟੈਕਸ਼ਨ ਟੂਲ Hive Moderation ‘ਤੇ ਟੈਸਟ ਕੀਤਾ। ਜਾਂਚ ਵਿੱਚ ਪਾਇਆ ਗਿਆ ਕਿ ਇਸ ਵੀਡੀਓ ਦੇ AI ਦੁਆਰਾ ਤਿਆਰ ਕੀਤੇ ਜਾਣ ਜਾਂ ਡੀਪ ਫੇਕ ਹੋਣ ਦੀ 90.3% ਸੰਭਾਵਨਾ ਹੈ।

ਅਸੀਂ ਕਈ ਹੋਰ AI ਖੋਜ ਟੂਲਸ ਦੀ ਮਦਦ ਨਾਲ ਖਾਨ ਸਰ ਦੀ ਪਤਨੀ ਏ.ਐਸ. ਖਾਨ ਦੇ ਚਿਹਰੇ ਨੂੰ ਦਿਖਾਉਣ ਵਾਲੀ ਕਥਿਤ ਕਲਿੱਪ ਦੇ ਸਕ੍ਰੀਨਸ਼ਾਟ ਦੀ ਜਾਂਚ ਕੀਤੀ। ਜਾਂਚ ਤੋਂ ਪਤਾ ਲੱਗਾ ਕਿ ਵੀਡੀਓ AI ਦੁਆਰਾ ਤਿਆਰ ਕੀਤਾ ਗਿਆ ਹੈ। 

ਵੈਬਸਾਈਟ AI or Not  ਨੇ ਪਾਇਆ ਕਿ ਵੀਡੀਓ ਦਾ ਸਕ੍ਰੀਨਸ਼ਾਟ “AI ਦੁਆਰਾ ਤਿਆਰ ਕੀਤਾ ਗਿਆ ਜਾਪਦਾ ਹੈ,” ਅਤੇ WasItAI ਦੀ ਜਾਂਚ ਵਿੱਚ ਪਾਇਆ ਗਿਆ,”ਸਾਨੂੰ ਵਿਸ਼ਵਾਸ ਹੈ ਕਿ ਤਸਵੀਰ ਜਾਂ ਇਸਦਾ ਇੱਕ ਮਹੱਤਵਪੂਰਨ ਹਿੱਸਾ AI ਦੁਆਰਾ ਬਣਾਇਆ ਗਿਆ ਹੈ।” ਇੱਕ ਹੋਰ AI ਟੂਲ SiteEngine ਨੇ  ਸਕ੍ਰੀਨਸ਼ਾਟ ਦੇ ਡੀਪਫੇਕ ਹੋਣ ਦੀ 99% ਸੰਭਾਵਨਾ ਦਿੱਤੀ। 

ਸਾਨੂੰ ਵਨ ਇੰਡੀਆ ਦੇ ਯੂਟਿਊਬ ਚੈਨਲ ‘ਤੇ ਅਪਲੋਡ ਕੀਤੇ ਗਏ ਵੀਡੀਓ ਵਿੱਚ ਖਾਨ ਸਰ ਦੇ ਰਿਸੈਪਸ਼ਨ ਦੀ ਇੱਕ ਤਸਵੀਰ ਵੀ ਮਿਲੀ ਜੋ ਕਿ ਵਾਇਰਲ ਕਲਿੱਪ ਦੇ ਪਹਿਲੇ ਫਰੇਮ ਦੇ ਸਮਾਨ ਵਰਗੀ ਸੀ। ਗੌਰਤਲਬ ਹੈ ਕਿ ਬਹੁਤ ਸਾਰੇ AI ਪਲੇਟਫਾਰਮ ਤਸਵੀਰਾਂ ਨੂੰ ਮੂਵਿੰਗ ਵੀਡੀਓ ਵਿੱਚ ਬਦਲ ਦਿੰਦੇ ਹਨ। ਵਾਇਰਲ ਕਲਿੱਪ ਸ਼ਾਇਦ ਅਜਿਹੇ ਹੀ ਇੱਕ ਪਲੇਟਫਾਰਮ ਦੀ ਵਰਤੋਂ ਕਰਕੇ ਬਣਾਈ ਗਈ ਹੈ। 

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਇਹ ਵੀਡੀਓ ਡੀਪਫੇਕ ਹੈ।

Sources

Instagram Post By @newz_yatra, Dated June 6, 2025
Hive Moderation Website
AI or Not Website
Sightengine Website
WasItAI Website
YouTube Video By Oneindia Hindi, Dated June 3, 2025