ਭਾਰਤ ‘ਤੇ ਹਮਲਾ ਕਰਨ ਲਈ ਉਡਾਣ ਭਰ ਰਹੇ ਪਾਕਿਸਤਾਨੀ ਜਹਾਜ਼ ਦਾ ਦੱਸਕੇ ਵਾਇਰਲ ਹੋਏ ਵੀਡੀਓ ਦਾ ਜਾਣੋ ਸੱਚ

22 ਅਪ੍ਰੈਲ 2025 ਨੂੰ ਪਹਿਲਗਾਮ ਵਿੱਚ ਹੋਏ ਅੱਤਵਾਦੀ ਹਮਲੇ ਤੋਂ ਲਗਭਗ ਦੋ ਹਫ਼ਤੇ ਬਾਅਦ ਭਾਰਤੀ ਫੌਜ ਨੇ ਅੱਜ ਸਵੇਰੇ 1.05 ਤੋਂ 1.30 ਵਜੇ ਦੇ ਵਿਚਕਾਰ ਪਾਕਿਸਤਾਨ ਵਿੱਚ ਅੱਤਵਾਦੀ ਕੈਂਪਾਂ ‘ਤੇ ਹਮਲਾ ਕੀਤਾ। 25 ਮਿੰਟਾਂ ਵਿੱਚ ਪੂਰੇ ਕੀਤੇ ਗਏ ਆਪ੍ਰੇਸ਼ਨ ਸਿੰਦੂਰ ਵਿੱਚ ਕੁੱਲ 9 ਟਾਰਗਟ ਤਬਾਹ ਕੀਤੇ ਗਏ।

ਇਸ ਵਿੱਚ ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਪਾਕਿਸਤਾਨੀ ਜਹਾਜ਼ ਭਾਰਤ ‘ਤੇ ਹਮਲਾ ਕਰਨ ਲਈ ਉਡਾਣ ਭਰ ਰਹੇ ਹਨ।

Fact Check/Verification

ਅਸੀਂ ਵਾਇਰਲ ਹੋ ਰਹੀ ਪੋਸਟ ਨੂੰ ਲੈ ਕੇ ਆਪਣੀ ਜਾਂਚ ਸ਼ੁਰੂ ਕੀਤੀ। ਵਾਇਰਲ ਹੋ ਰਹੇ 16 ਸਕਿੰਡ ਦੇ ਵੀਡੀਓ ਵਿੱਚ ਦੋ ਜੈਟ ਉੱਡਦੇ ਦਿਖਾਈ ਦੇ ਰਹੇ ਹਨ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਅਸੀਂ ਵੀਡੀਓ ਨੂੰ ਧਿਆਨ ਦੇ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀ ਫ਼੍ਰੇਮਸ ਕੱਢ ਕੇ ਉਨ੍ਹਾਂ ਨੂੰ ਗੂਗਲ ਰਿਵਰਸ ਇਮੇਜ ਸਰਚ ਦੀ ਮਦਦ ਦੇ ਨਾਲ ਖੰਗਾਲਿਆ।

 ਇਸ ਦੌਰਾਨ, ਸਾਨੂੰ 11 ਦਸੰਬਰ, 2023 ਨੂੰ ਇੱਕ ਯੂਟਿਊਬ ਚੈਨਲ ‘ਤੇ ਵੀਡੀਓ ਦਾ ਇੱਕ ਲੰਬਾ ਵਰਜ਼ਨ ਮਿਲਿਆ। ਇਹ ਵੀਡੀਓ ਸਾਲ 2023 ਤੋਂ ਇੰਟਰਨੈਟ ‘ਤੇ ਮੌਜੂਦ ਜਿਸ ਤੋਂ ਇਹ ਸਪੱਸ਼ਟ ਹੈ ਕਿ ਇਹ ਵੀਡੀਓ ਹਾਲ ਹੀ ਵਿੱਚ ਚੱਲ ਰਹੇ ਭਾਰਤ-ਪਾਕਿਸਤਾਨ ਟਕਰਾਅ ਨਾਲ ਸਬੰਧਤ ਨਹੀਂ ਹੈ।

@thecorporatepilottad ਨਾਮ ਦੇ ਇੱਕ ਅਮਰੀਕੀ ਯੂਜ਼ਰ ਦੁਆਰਾ ਅਪਲੋਡ ਕੀਤੇ ਗਏ ਵੀਡੀਓ ਦੇ ਕੈਪਸ਼ਨ ਵਿੱਚ ਦੱਸਿਆ ਗਿਆ ਕਿ ਇਹ ਵੀਡੀਓ ਰਾਤ ਨੂੰ ਉਡਾਣ ਭਰ ਰਹੇ ਦੋ F-18 ਜਹਾਜ਼ਾਂ ਦਾ ਹੈ।

@thecorporatepilottad ਨੇ ਆਪਣੇ ਡਿਸਕਪ੍ਰਸ਼ਨ ਵਿੱਚ ਦੱਸਿਆ ਕਿ ਉਹ ਇੱਕ ਏਅਰਲਾਈਨ ਟ੍ਰਾਂਸਪੋਰਟ ਪਾਇਲਟ (ATP) ਦਰਜਾ ਪ੍ਰਾਪਤ ਕਾਰਪੋਰੇਟ ਪਾਇਲਟ ਹੈ। ਇਸ ਅਕਾਊਂਟ ‘ਤੇ ਸਿਖਲਾਈ ਲਈ ਜਹਾਜ਼ਾਂ ਦੇ ਕਈ ਵੀਡੀਓ ਪੋਸਟ ਕੀਤੇ ਗਏ ਹਨ।

ਜਾਂਚ ਦੌਰਾਨ ਅਸੀਂ ਪਾਇਆ ਕਿ @thecorporatepilottad ਨੇ ਇਹ ਵੀਡੀਓ 11 ਦਸੰਬਰ, 2023 ਨੂੰ ਆਪਣੇ TikTok ਖਾਤੇ ‘ਤੇ ਵੀ ਪੋਸਟ ਕੀਤਾ ਸੀ।

ਅਸੀਂ ਇਸ ਵੀਡੀਓ ਦੇ ਸਮੇਂ ਅਤੇ ਜਗ੍ਹਾ ਲਈ @thecorporatepilottad ਨੂੰ ਈਮੇਲ ਕੀਤਾ ਹੈ। ਜਵਾਬ ਮਿਲਣ ‘ਤੇ ਆਰਟੀਕਲ ਨੂੰ ਅਪਡੇਟ ਕੀਤਾ ਜਾਵੇਗਾ।

ਜਾਂਚ ਤੋਂ ਸਪਸ਼ਟ ਹੈ ਕਿ ਭਾਰਤ ‘ਤੇ ਹਮਲਾ ਕਰਨ ਲਈ ਉਡਾਣ ਭਰ ਰਹੇ ਪਾਕਿਸਤਾਨੀ ਜਹਾਜ਼ਾਂ ਦਾ ਦੱਸਕੇ ਵਾਇਰਲ ਹੋ ਰਹੀ ਵੀਡੀਓ ਤਕਰੀਬਨ ਦੋ ਸਾਲ ਪੁਰਾਣਾ ਹੈ। ਇਹ ਵੀਡੀਓ ਸਾਲ 2023 ਤੋਂ ਇੰਟਰਨੈੱਟ ‘ਤੇ ਮੌਜੂਦ ਹੈ।

Sources
Youtube video posted by @thecorporatepilotdad on 11th December 2023.
Tiktok video posted by @thecorporatepilotdad on 11th December 2023.