ਕੀ ਲੈਫਟੀਨੈਂਟ ਜਨਰਲ ਰਾਜੀਵ ਘਈ ਨੇ ਭਾਰਤੀ ਫੌਜ ਵਿੱਚ ‘ਭਗਵਾ ਰਾਜਨੀਤੀ’ ਦੇ ਪ੍ਰਭਾਵ ਵਿਰੁੱਧ ਚੇਤਾਵਨੀ ਦਿੱਤੀ?

ਸੋਸ਼ਲ ਮੀਡਿਆ ਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਕਥਿਤ ਤੌਰ ‘ਤੇ ਸੀਨੀਅਰ ਭਾਰਤੀ ਫੌਜ ਅਧਿਕਾਰੀ ਲੈਫਟੀਨੈਂਟ ਜਨਰਲ ਰਾਜੀਵ ਘਈ ਨੂੰ ਫੌਜ ਦੇ ਦੇ ਅੰਦਰ “ਭਗਵਾ ਰਾਜਨੀਤੀ” ਦੇ ਕਥਿਤ ਉਭਾਰ ਦੀ ਆਲੋਚਨਾ ਕਰਦੇ ਸੁਣਿਆ ਜਾ ਸਕਦਾ ਹੈ।

ਨਿਊਜ਼ਚੈਕਰ ਨੂੰ ਵਾਇਰਲ ਹੋ ਰਹੀ ਇਹ ਵੀਡੀਓ ਜਾਂਚ ਲਈ ਵਟਸਐਪ ਟਿਪਲਾਈਨ (+91-9999499044) ‘ਤੇ ਵੀ ਪ੍ਰਾਪਤ ਹੋਈ।

Fact Check/Verification

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ “ਲੈਫਟੀਨੈਂਟ ਜਨਰਲ ਰਾਜੀਵ ਘਈ ਭਗਵਾ ਰਾਜਨੀਤੀ” ਕੀ ਵਰਡ ਸਰਚ ਕੀਤਾ ਪਰ ਸਾਨੂੰ ਕੋਈ ਵੀ ਭਰੋਸੇਯੋਗ ਖ਼ਬਰ ਜਾਂ ਅਧਿਕਾਰਤ ਬਿਆਨ ਨਹੀਂ ਮਿਲਿਆ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਵਾਇਰਲ ਕਲਿੱਪ ਦੇ ਕੀਫ੍ਰੇਮਾਂ ਦੀ ਰਿਵਰਸ ਇਮੇਜ ਸਰਚ ਕਰਨ ‘ਤੇ ਸਾਨੂੰ ਰਿਪਬਲਿਕ ਵਰਲਡ ਦੁਆਰਾ 18 ਅਕਤੂਬਰ, 2025 ਨੂੰ ਲਾਈਵ ਸਟ੍ਰੀਮ ਕੀਤਾ ਗਿਆ ਇੱਕ ਯੂ ਟਿਊਬ ਵੀਡੀਓ ਮਿਲਿਆ ਜਿਸ ਵਿੱਚ ਲੈਫਟੀਨੈਂਟ ਜਨਰਲ ਘਈ ਇੱਕ ਸੰਮੇਲਨ ਵਿੱਚ ਬੋਲ ਰਹੇ ਸਨ। ਅਸੀਂ ਪਾਇਆ ਕਿ ਇਹ ਵੀਡੀਓ ਵਾਇਰਲ ਵੀਡੀਓ ਨਾਲ ਮੇਲ ਖਾਂਦਾ ਹੈ ਪਰ ਇਸ ਵੀਡੀਓ ਵਿੱਚ ਸਾਨੂੰ ਕਥਿਤ ਟਿੱਪਣੀਆਂ ਨਹੀਂ ਮਿਲੀਆਂ।

ਧਿਆਨ ਨਾਲ ਦੇਖਣ ਤੇ ਸਾਨੂੰ ਵਰਦੀ ‘ਤੇ ਲੱਗਿਆ ਨਿਸ਼ਾਨ ਵਿਗੜਿਆ ਹੋਇਆ ਦਿਖਾਈ ਦਿੱਤਾ ਅਤੇ ਸਕਰੀਨ ‘ਤੇ ਲਿਖਿਆ “ਰੱਖਿਆ” ਟੈਕਸਟ ਵੀ ਬਦਲ ਗਿਆ ਹੈ। ਇਸ ਦੇ ਨਾਲ ਹੀ ਅਸੀਂ ਪਾਇਆ ਕਿ ਜਨਰਲ ਘਈ ਦੇ ਬੋਲਾਂ ਵਿੱਚ ਕਾਫੀ ਅਸਥਿਰਤਾ ਸੀ ਜਿਸ ਤੋਂ ਸਾਨੂੰ ਸ਼ੱਕ ਹੋਇਆ ਕਿ ਇਹ ਵੀਡੀਓ ਏਆਈ ਜਨਰੇਟਡ ਹੈ।

ਅਸੀਂ ਏਆਈ ਟੂਲਸ ਨਾਲ ਵੀਡੀਓ ਦੀ ਜਾਂਚ ਕੀਤੀ। ਹਾਈਵ ਮਾਡਰੇਸ਼ਨ ਨੇ ਨੇ 94.2% ਸੰਭਾਵਨਾ ਪਾਈ ਕਿ ਵੀਡੀਓ ਵਿੱਚ AI ਦੁਆਰਾ ਤਿਆਰ ਕੀਤੀ ਗਈ ਹੈ। ਹਿਆ ਡੀਪਫੇਕ ਵੌਇਸ ਡਿਟੈਕਟਰ ਨੇ ਆਡੀਓ ਨੂੰ ਸੰਭਾਵਿਤ ਡੀਪਫੇਕ ਵਜੋਂ ਫਲੈਗ ਕੀਤਾ। Resemble.ai ਨੇ ਵੀ ਪੁਸ਼ਟੀ ਕੀਤੀ ਕਿ ਆਵਾਜ਼ ਅਸਲੀ ਨਹੀਂ ਹੈ।

ਪੀਆਈਬੀ ਫੈਕਟ ਚੈਕ ਹੈਂਡਲ ਨੇ ਸਪੱਸ਼ਟ ਕੀਤਾ ਕਿ ਇਹ ਕਲਿੱਪ ਨਕਲੀ ਅਤੇ ਏਆਈ-ਤਿਆਰ ਕੀਤੀ ਗਈ ਹੈ ਅਤੇ ਪੁਸ਼ਟੀ ਕੀਤੀ ਕਿ “ਲੈਫਟੀਨੈਂਟ ਜਨਰਲ ਰਾਜੀਵ ਘਈ ਨੇ ਅਜਿਹਾ ਕੋਈ ਬਿਆਨ ਨਹੀਂ ਦਿੱਤਾ ਹੈ।”

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਇਹ ਵੀਡੀਓ ਏਆਈ ਜਨਰੇਟਡ ਹੈ।

Sources
YouTube Video By Republic World, Dated October 18, 2025
X Post By PIB Fact Check, Dated October 23, 2025
Hive Moderation Website
Resemble.ai Website
Hiya Deepfake Voice Detector