ਕੀ ਰੂਸ ਵਿੱਚ ਆਏ ਭੂਚਾਲ ਦੀ ਹੈ ਇਹ ਵੀਡੀਓ?

ਰੂਸ ਦੇ ਕਾਮਚਟਕਾ ਪ੍ਰਾਇਦੀਪ ਦੇ ਨੇੜੇ ਅੱਜ ਸ਼ਕਤੀਸ਼ਾਲੀ ਭੂਚਾਲ ਆਇਆ ਜਿਸ ਦੀ ਤੀਬਰਤਾ ਰਿਕਟਰ ਪੈਮਾਨੇ ‘ਤੇ 8.8 ਮਾਪੀ ਗਈ। ਜਪਾਨ ਅਤੇ ਅਮਰੀਕਾ ਵਿੱਚ ਵੀ ਸੁਨਾਮੀ ਲਈ ਚੇਤਾਵਨੀ ਜਾਰੀ ਕੀਤੀ ਗਈ ਹੈ। ਇਸ ਵਿਚਾਲੇ ਸੋਸ਼ਲ ਮੀਡਿਆ ਤੇ ਕਈ ਵੀਡੀਓ ਤੇ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ।

ਸੋਸ਼ਲ ਮੀਡਿਆ ਤੇ ਵਾਇਰਲ ਹੋ ਰਹੀ ਇਸ ਸੀਸੀਟੀਵੀ ਵੀਡੀਓ ਦੇ ਵਿੱਚ ਦੁਕਾਨ ਤੇ ਬੈਠੀ ਮਹਿਲਾ ਨੂੰ ਭੂਚਾਲ ਆਉਣ ਤੋਂ ਬਾਅਦ ਆਪਣਾ ਬਚਾਵ ਕਰਦਿਆਂ ਦੇਖਿਆ ਜਾ ਸਕਦਾ ਹੈ। ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਮਹਿਲਾ ਭੂਚਾਲ ਦੌਰਾਨ ਡਿੱਗਦੀਆਂ ਸ਼ੈਲਫਾਂ ਅਤੇ ਅਲਮਾਰੀਆਂ ਤੋਂ ਬਚਣ ਲਈ ਇੱਕ ਮੇਜ਼ ਦੇ ਹੇਠਾਂ ਲੁਕ ਗਈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਰੂਸ ਵਿੱਚ ਆਏ ਭੂਚਾਲ ਦੀ ਹੈ।

Fact Check/Verification

ਅਸੀਂ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀ ਵੀਡੀਓ ਨੂੰ ਲੈ ਕੇ ਆਪਣੀ ਜਾਂਚ ਸ਼ੁਰੂ ਕੀਤੀ। ਅਸੀਂ ਸਭ ਤੋਂ ਪਹਿਲਾਂ ਵੀਡੀਓ ਨੂੰ ਧਿਆਨ ਦੇ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀ ਫ਼੍ਰੇਮਸ ਕੱਢ ਕੇ ਉਨ੍ਹਾਂ ਨੂੰ ਗੂਗਲ ਰਿਵਰਸ ਇਮੇਜ ਟੂਲ ਦੀ ਮਦਦ ਦੇ ਨਾਲ ਖੰਗਾਲਿਆ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਸਰਚ ਦੇ ਦੌਰਾਨ ਸਾਨੂੰ ਇਹ ਵੀਡੀਓ Daily Mail News ਦੇ ਯੂ ਟਿਊਬ ਅਕਾਊਂਟ ਤੇ ਮਾਰਚ 31, 2025 ਨੂੰ ਅਪਲੋਡ ਮਿਲੀ। ਇਸ ਵੀਡੀਓ ਦੇ ਨਾਲ ਦਿੱਤੇ ਗਏ ਕੈਪਸ਼ਨ ਦੇ ਮੁਤਾਬਕ, ਮਿਆਂਮਾਰ ਦੇ ਇੱਕ ਇਲੈਕਟ੍ਰਾਨਿਕਸ ਸਟੋਰ ਦੇ ਸੀਸੀਟੀਵੀ ਫੁਟੇਜ ਵਿੱਚ ਉਸ ਪਲ ਨੂੰ ਕੈਦ ਕੀਤਾ ਗਿਆ ਜਦੋਂ 7.7 ਤੀਬਰਤਾ ਦਾ ਭੂਚਾਲ ਆਇਆ।

ਸਾਨੂੰ ਇਹ ਵੀਡੀਓ Newsflare ਦੁਆਰਾ ਮਾਰਚ 28, 2025 ਨੂੰ ਅਪਲੋਡ ਮਿਲੀ। ਇਸ ਵਿੱਚ ਦਿੱਤੇ ਗਏ ਕੈਪਸ਼ਨ ਦੇ ਮੁਤਾਬਕ ਮਿਆਂਮਾਰ ਵਿੱਚ ਇੱਕ ਸ਼ਕਤੀਸ਼ਾਲੀ ਭੂਚਾਲ ਦੇ ਕਾਰਨ ਇੱਕ ਦੁਕਾਨ ਵਿੱਚ ਸ਼ੈਲਫਾਂ ਡਿੱਗ ਗਈਆਂ। ਸੀਸੀਟੀਵੀ ਫੁਟੇਜ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ 28 ਮਾਰਚ ਨੂੰ ਮਾਂਡਲੇ ਵਿੱਚ ਭੂਚਾਲ ਦੇ ਝਟਕੇ ਲੱਗਣ ਨਾਲ ਸ਼ੈਲਫਾਂ ਗਿਰ ਗਈਆਂ। ਇੱਕ ਸਟੋਰ ਕਾਊਂਟਰ ਫਰਸ਼ ‘ਤੇ ਖਿਸਕ ਗਿਆ ਅਤੇ ਕਰਮਚਾਰੀ ਡਰ ਦੇ ਕਾਰਨ ਡੱਬਿਆਂ ਤੋਂ ਬਚਣ ਲਈ ਨੀਚੇ ਬੈਠ ਗਈ।

ਸਾਨੂੰ ਇਹ ਵੀਡੀਓ ਵੱਖ ਵੱਖ ਮੀਡਿਆ ਅਦਾਰਿਆਂ ਅਤੇ ਯੂ ਟਿਊਬ ਅਕਾਊਂਟ ਤੇ ਅਪਲੋਡ ਮਿਲੀ। ਇਹਨਾਂ ਰਿਪੋਰਟ ਦੇ ਮੁਤਾਬਕ ਵੀ ਇਹ ਵੀਡੀਓ ਮਿਆਂਮਾਰ ਦੀ ਹੈ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਸੋਸ਼ਲ ਮੀਡਿਆ ਤੇ ਵਾਇਰਲ ਹੋ ਰਹੀ ਵੀਡੀਓ ਰੂਸ ਵਿੱਚ ਆਏ ਭੂਚਾਲ ਦੀ ਨਹੀਂ ਹੈ। ਇਹ ਵੀਡੀਓ ਮਿਆਂਮਾਰ ਦੀ ਹੈ ਜਦੋਂ ਮਿਆਂਮਾਰ ਵਿਚ ਮਾਰਚ 28, 2025 ਨੂੰ 7.7 ਤੀਬਰਤਾ ਦਾ ਭੁਚਾਲ ਆਇਆ ਸੀ।

Our Sources
Media report published by Daily Mail News, Dated March 31, 2025
Media report published by Newsflare, Dated March 28, 2025
Media report published by RT, Dated March 29, 2025