ਕਰਨਲ ਸੋਫੀਆ ਕੁਰੈਸ਼ੀ ਦੀ ਵਾਇਰਲ ਹੋ ਰਹੀ ਇਹ ਵੀਡੀਓ ਡੀਪਫੇਕ ਹੈ

ਕਰਨਲ ਸੋਫੀਆ ਕੁਰੈਸ਼ੀ ਦਾ ਇੱਕ ਵੀਡੀਓ ਸੋਸ਼ਲ ਮੀਡਿਆ ਤੇ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਮੁਤਾਬਕ ਸੋਫੀਆ ਕੁਰੈਸ਼ੀ ਨੇ ਕਥਿਤ ਤੌਰ ‘ਤੇ ਇਹ ਸਵੀਕਾਰ ਕੀਤਾ ਕਿ ਇੱਕ ਭਾਰਤੀ ਮਹਿਲਾ ਲੜਾਕੂ ਪਾਇਲਟ ਨੂੰ ਪਾਕਿਸਤਾਨ ਨੇ ਫੜ ਲਿਆ ਹੈ।

Fact Check/Verification

ਅਸੀਂ ਗੂਗਲ ‘ਤੇ “ਸੋਫੀਆ ਕੁਰੈਸ਼ੀ” ਅਤੇ “ਸ਼ਿਵਾਂਗੀ” ਕੀ ਵਰਡ ਸਰਚ ਕਰਨ ‘ਤੇ ਸਾਨੂੰ ਸੋਫੀਆ ਕੁਰੈਸ਼ੀ ਦੀ ਕਥਿਤ ਟਿੱਪਣੀਆਂ ਬਾਰੇ ਕੋਈ ਭਰੋਸੇਯੋਗ ਰਿਪੋਰਟ ਨਹੀਂ ਮਿਲੀ। 

ਵੀਡੀਓ ਦਾ ਧਿਆਨ ਨਾਲ ਵਿਸ਼ਲੇਸ਼ਣ ਕਰਨ ‘ਤੇ, ਸਾਨੂੰ ਸਕ੍ਰੀਨ ਦੇ ਹੇਠਾਂ ਇੱਕ ਟੈਕਸਟ ਨਜ਼ਰ ਆਇਆ ਜਿਸ ਵਿੱਚ ਲਿਖਿਆ ਸੀ “ਕਰਨਲ ਸੋਫੀਆ ਕੁਰੈਸ਼ੀ ਮੀਡੀਆ ਨੂੰ ਸੰਬੋਧਨ ਕਰ ਰਹੇ ਹਨ।”

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਅਸੀਂ ਯੂਟਿਊਬ ‘ਤੇ ਇਸ ਨੂੰ ਲੱਭਿਆ ਅਤੇ 9 ਮਈ, 2025 ਨੂੰ ਸਾਨੂੰ ਡੀਡੀ ਇੰਡੀਆ ਦੇ ਅਧਿਕਾਰਕ ਚੈਨਲ ‘ਤੇ ਸ਼ੇਅਰ ਕੀਤਾ ਗਿਆ ਇੱਕ ਵੀਡੀਓ ਮਿਲਿਆ।

ਵਾਇਰਲ ਕਲਿੱਪ ਦੇ ਕੀਫ੍ਰੇਮਾਂ ਦੀ ਯੂਟਿਊਬ ਵੀਡੀਓ ਨਾਲ ਤੁਲਨਾ ਕਰਨ ਤੋਂ ਬਾਅਦ ਅਸੀਂ ਇਹ ਕਹਿ ਸਕਦੇ ਹਾਂ ਕਿ ਇਹ ਦੋਵੇਂ ਇੱਕ ਹਨ। ਹਾਲਾਂਕਿ, ਪ੍ਰੈਸ ਬ੍ਰੀਫਿੰਗ ਵਿੱਚ ਕਰਨਲ ਕੁਰੈਸ਼ੀ ਨੇ IAF ਪਾਇਲਟ ਬਾਰੇ ਕੁਝ ਵੀ ਜ਼ਿਕਰ ਨਹੀਂ ਕੀਤਾ ਸੀ।

ਪੂਰੀ ਬ੍ਰੀਫਿੰਗ ਦੀ ਲਾਈਵ ਸਟ੍ਰੀਮਿੰਗ ਵਿੱਚ ਵੀ ਅਜਿਹਾ ਕੋਈ ਜ਼ਿਕਰ ਨਹੀਂ ਸੀ।

ਇਸ ਤੋਂ ਇਲਾਵਾ, ਅਸੀਂ ਦੇਖਿਆ ਕਿ ਕਰਨਲ ਕੁਰੈਸ਼ੀ ਦੀ ਵੀਡੀਓ ਵਿੱਚ ਹੇਠਲਾ ਹਿੱਸਾ ਥੋੜ੍ਹਾ ਧੁੰਦਲਾ ਜਾਪਦਾ ਸੀ। ਅਸੀਂ AI ਡਿਟੈਕਸ਼ਨ ਪਲੇਟਫਾਰਮ Hive Moderation ‘ਤੇ ਵਾਇਰਲ ਕਲਿੱਪ ਦੀ ਜਾਂਚ ਕੀਤੀ ਜਿਸ ਮੁਤਾਬਕ ਇਸ ਵੀਡੀਓ ਦੀ AI ਦੁਆਰਾ ਤਿਆਰ ਕੀਤੇ ਜਾਣ ਦੀ 90.7% ਸੰਭਾਵਨਾ ਪਾਈ ਗਈ।

AI ਆਡੀਓ ਡਿਟੈਕਸ਼ਨ ਟੂਲ Resemble.ai ਨੇ ਵੀ ਵਾਇਰਲ ਕਲਿੱਪ ਵਿੱਚ ਸੁਣਾਈ ਦੇ ਰਹੀ ਆਵਾਜ਼ ਨੂੰ “ਨਕਲੀ” ਦੱਸਿਆ।

ਸਾਰੇ ਪਾਇਲਟ ਘਰ ਵਾਪਸ ਪਰਤੇ: ਏਅਰ ਮਾਰਸ਼ਲ ਏ.ਕੇ. ਭਾਰਤੀ

ਇੱਕ ਸਵਾਲ ਕਿ ਕੀ ਭਾਰਤ ਨੇ ਰਾਫੇਲ ਜੈਟ ਗੁਆ ਦਿੱਤਾ ਦੇ ਜਵਾਬ ਵਿੱਚ, ਏਅਰ ਮਾਰਸ਼ਲ ਏ.ਕੇ. ਭਾਰਤੀ ਨੇ ਕਿਹਾ,”ਅਸੀਂ ਲੜਾਈ ਦੇ ਦ੍ਰਿਸ਼ ਵਿੱਚ ਹਾਂ, ਨੁਕਸਾਨ ਲੜਾਈ ਦਾ ਇੱਕ ਹਿੱਸਾ ਹਨ। ਤੁਹਾਨੂੰ ਸਾਨੂੰ ਇਹ ਸਵਾਲ ਪੁੱਛਣਾ ਚਾਹੀਦਾ ਹੈ ਕਿ ਕੀ ਅਸੀਂ ਅੱਤਵਾਦੀ ਕੈਂਪਾਂ ਨੂੰ ਤਬਾਹ ਕਰਨ ਦੇ ਆਪਣੇ ਉਦੇਸ਼ ਨੂੰ ਪ੍ਰਾਪਤ ਕਰ ਲਿਆ ਹੈ? ਅਤੇ ਜਵਾਬ ਇੱਕ ਜ਼ੋਰਦਾਰ ਹਾਂ ਹੈ। ਮੈਂ ਸਿਰਫ਼ ਇਹੀ ਕਹਿ ਸਕਦਾ ਹਾਂ ਕਿ ਅਸੀਂ ਆਪਣੇ ਚੁਣੇ ਹੋਏ ਉਦੇਸ਼ਾਂ ਨੂੰ ਪ੍ਰਾਪਤ ਕਰ ਲਿਆ ਹੈ ਅਤੇ ਸਾਡੇ ਸਾਰੇ ਪਾਇਲਟ ਘਰ ਵਾਪਸ ਆ ਗਏ ਹਨ।”

Conclusion

ਇਸ ਤਰ੍ਹਾਂ ਸਾਡੀ ਜਾਂਚ ਤੋਂ ਸਪਸ਼ਟ ਹੈ ਕਿ ਵਾਇਰਲ ਹੋ ਰਹੀ ਵੀਡੀਓ ਡੀਪਫੇਕ ਹੈ।