மழை வெள்ளத்தில் சிக்கி தவிக்கும் வாகனங்கள்; வைரலாகும் படம் தமிழ்நாட்டில் எடுக்கப்பட்டதா?

தமிழ்நாட்டில் மழை வெள்ளத்தில் வாகனங்கள் சிக்கி தவிப்பதாக புகைப்படம் ஒன்று சமூக ஊடகங்களில் பரவி வருகின்றது. “இது இந்தோனேஷியா அருகில் இருக்கும் புற மாநகர் பகுதி… இத யாருக்கெட்டாலும் நான் அப்புடித்தான் சொல்றேன்” என்று கேலியாக குறிப்பிட்டு இப்படமானது பரவி வருகின்றது.

Post Link

Post Link

Post Link

சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: வெள்ளத்தில் மிதக்கும் சிங்கார சென்னை என்று பரவும் வீடியோ உண்மையா?

Fact Check/Verification

தமிழ்நாட்டில் மழை வெள்ளத்தில் வாகனங்கள் சிக்கி தவிப்பதாக பரப்பப்படும் படத்தை ரிவர்ஸ் சர்ச் முறைக்கு உட்படுத்தி அப்படம் குறித்து தேடினோம்

அத்தேடலில்“Heavy rains in Gujarat; over 600 people shifted to safe places” என்று தலைப்பிட்டு ஆகஸ்ட் 26, 2024 அன்று தி இந்து வெளியிட்டிருந்த செய்தியில் வைரலாகும் படம் பயன்படுத்தப்பட்டிருப்பதை காண முடிந்தது.

குஜராத்தின் ராஜ்கோட் பகுதியில் இச்சம்பவம் ஆகஸ்ட் 25, 2024 அன்று நடந்ததாக அச்செய்தியில் தெரிவிக்கப்பட்டிருந்தது.

தொடர்ந்து தேடுகையில் ஃபினான்ஷியல் எக்ஸ்பிரஸ், மிட் டே, டெலிகிராஃப் இந்தியா உள்ளிட்ட ஊடகங்களிலும் இச்சம்பவம் ராஜ்கோட்டில் நடந்ததாக கூறி 2024 ஆகஸ்டில் செய்தி வெளியிடப்பட்டிருப்பதை காண முடிந்தது.

இதனையடுத்து தேடுகையில் தமிழ்நாடு அரசின் தகவல் சரிப்பார்கமும் இச்சம்பவம் 2024 ஆம் ஆண்டில் குஜராத்தில் நடந்ததாக தெளிவு செய்து பதிவிட்டிருப்பதை காண முடிந்தது.

Also Read: டிட்வா புயல் மழையால் விழுப்புரம் பேருந்து நிலையத்தில் மழைநீர் புகுந்துள்ளதா?

Conclusion

தமிழ்நாட்டில் மழை வெள்ளத்தில் வாகனங்கள் சிக்கி தவிப்பதாக பரப்பப்படும் படம் தவறானதாகும். 2024 ஆம் ஆண்டு குஜராத்தில் நடந்த சம்பவமே இவ்வாறு பரப்பப்படுகின்றது.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Report by The Hindu, dated August 26, 2024
X post by TN Fact Check, dated December 3, 2025