வெள்ளத்தில் மிதக்கும் சிங்கார சென்னை என்று பரவும் வீடியோ உண்மையா?

வெள்ளத்தில் மிதக்கும் சிங்கார சென்னை என்று வீடியோ ஒன்று சமூக வலைத்தளங்களில் பரவி வருகிறது.

”சென்னையின் இன்றைய நிலை..சிங்காரமா ஊரு இது சென்னைன்னு பேரு… ஊர சுத்தி ஓடுதய்யா #திராவிட_கூவம்ஆறு 4600 கோடி சுவாக” என்று இந்த வீடியோ பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் வெளிவந்த இத்தகவலின் உண்மைத்தன்மை குறித்து அறிய நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.

Also Read: எடப்பாடி பழனிசாமி கூட்டத்தில் கலந்துக்கொண்டவர்களுக்கு பணம் தரப்பட்டதா?

Fact Check/Verification

வெள்ளத்தில் மிதக்கும் சிங்கார சென்னை என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த செப்டம்பர் மாதத்தில் இருந்தே இந்த வீடியோ சமூக வலைத்தளத்தில் பரவி வருகிறது என்பதை அறிய முடிந்தது.

கொல்கத்தாவின் சர்க்கஸ் மார்க்கெட் பகுதியில் வெள்ளநீர் தேங்கியிருந்ததாக இந்த வீடியோ பதிவிடப்பட்டிருந்தது. தொடர்ந்து, வைரல் வீடியோவில் இடம்பெற்றிருந்த ராயல் கிட்சன், கோல்டன் மீட் ஷாப் ஆகிய இடங்களை கூகுள் மேப் மூலமாக தேடியபோது அது கொல்கத்தா என்பது நமக்கு உறுதியாகியது.

எனவே, நம்முடைய தேடலில் இந்த வீடியோ கடந்த செப்டம்பர் மாதத்தில் இருந்தே சமூக வலைத்தளங்களில் பரவி வருகிறது என்பதையும், இந்த வீடியோ கொல்கத்தா வெள்ளத்தில் எடுக்கப்பட்டது என்பதையும் நம்மால் அறிய முடிந்தது.

Also Read: துணை முதலமைச்சர் உதயநிதிக்கு பிறந்தநாள் வாழ்த்து தெரிவித்தாரா விஜய்?

Conclusion

வெள்ளத்தில் மிதக்கும் சிங்கார சென்னை என்று பரவும் வீடியோ உண்மையில் கொல்கத்தாவில் எடுக்கப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Facebook Post by, Kais Kalim, Dated September 25, 2025
Google Maps