மேகவெடிப்பு நேரடிக்காட்சி என்பதாகப் பரவும் வீடியோ உண்மையானதா?

மேகவெடிப்பு நேரடிக்காட்சி என்பதாக வீடியோ ஒன்று சமூக வலைத்தளங்களில் பரவி வருகிறது.

”மேகவெடிப்பு கேள்வி பட்டிருப்பீர்கள்; இப்போது பாருங்கள்” என்று இந்த வீடியோ பரவுகிறது.

Facebook Link/Archived Link

Facebook Link/Archived Link

Facebook Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: கவின் கொல்லப்பட்ட காட்சி என்று பரவும் வீடியோ உண்மையானதா?

Fact Check/Verification

மேகவெடிப்பு நேரடிக்காட்சி என்பதாகப் பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

  வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது ”kandha_odysseys_vines” என்கிற இன்ஸ்டாகிராம் பக்கத்தில் இந்த வீடியோ இடம்பெற்றிருந்தது.

அதில், “This is AI-generated + VFX touched fictional content for entertainment purposes only.” என்று தெளிவாக குறிப்பிடப்பட்டிருந்தது. மேலும், அப்பக்கத்தில் இதே போன்று பல்வேறு AI வீடியோக்கள் இடம்பெற்றிருந்ததுடன் அவர்களுடைய பயோவில் “Reality, reimagined in seconds AI VFX | Short Reels ” என்று தெளிவாக குறிப்பிடப்பட்டிருந்தது.

எனவே, AI மற்றும் VFX மூலமாக உருவாக்கப்பட்ட இந்த வீடியோவே தற்போது மேக வெடிப்பு நேரடிக்காட்சி என்பதாக பரவி வருகிறது.

Also Read: மகளிர் உரிமைத் தொகை உள்ளிட்ட அரசு திட்டங்களுக்கு தேர்தல் வரை தடை கோரினாரா சி.வி.சண்முகம்?

Conclusion

மேகவெடிப்பு நேரடிக்காட்சி என்பதாகப் பரவும் வீடியோ AI மற்றும் VFX மூலமாக எடிட் செய்யப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
Instagram Post from, kandha_odysseys_vines, Dated August 05, 2025
Self Analysis