பிரியாணிக்காக திமுகவினர் அடிதடி; வைரலாகும் வீடியோ திருவண்ணாமலையில் எடுக்கப்பட்டதா?

கடந்த ஞாயிற்றுக்கிழமை (டிசம்பர் 14) திருவண்ணாமலையில் திமுக இளைஞர் அணி மாநாடு நடைபெற்றது. அந்த மாநாட்டில் பிரியாணிக்காக திமுகவினர் அடிதடியில் ஈடுபட்டதாக வீடியோ ஒன்று சமூக ஊடகங்களில் பரவி வருகின்றது.

Post Link

Post Link

Post Link

சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: திமுக இளைஞர் அணி மாநாட்டில் வழங்கப்பட்ட பையில் குவாட்டர் பாட்டில் என்று பரவும் புகைப்படம் உண்மையா?

Fact Check/Verification

திருவண்ணாமலை இளைஞரணி மாநாட்டில் பிரியாணிக்காக திமுகவினர் அடிதடியில் ஈடுபட்டதாக வீடியோ ஒன்று பரவியதை தொடர்ந்து அவ்வீடியோ குறித்து அறிய அவ்வீடியோவை ரிவர்ஸ் சர்ச் முறைக்கு உட்படுத்தி தேடினோம்.

அத்தேடலில் வைரலாகும் இதே வீடியோ செப்டம்பர் 19, 2024 அன்று @TheEagle3_0 எனும் பயனர் ஐடியை கொண்ட எக்ஸ் பக்கத்தில் பகிரப்பட்டிருப்பதை காண முடிந்தது.

இதை ஆதாரமாக வைத்து தேடியதில் தினமலர் யூடியூப் பக்கத்தில் செப்டம்பர் 19, 2024 அன்று வைரலாகும் வீடியோவில் காணப்படும் சம்பவம் குறித்து செய்தி வெளியிட்டிருப்பதை காணமுடிந்தது.

கடந்த ஆண்டு செப்டம்பரில் திருப்பத்தூர் மாவட்டத்தில் உள்ள ஜோலார்பேட்டையில் மாவட்ட திமுக பொது உறுப்பினர்கள் கூட்டம் நடந்ததாகவும், கூட்டம் முடிந்ததும் திமுகவினருக்கு மதிய உணவாக பிரியாணி வழங்கப்பட்டபோது டேபிளில் இடமில்லாததால் தரையில் உட்கார்ந்து பிரியாணி பரிமாறுமாறு திமுகவினர் கேட்டதற்கு சப்ளையர்கள் மறுத்ததால் இந்த அடிதடி நடந்ததாகவும் அச்செய்தியில் தெரிவிக்கப்பட்டிருந்தது.

தொடர்ந்து தேடுகையில் ABP நாடு ஊடகமும் செப்டம்பர் 20, 2024 அன்று இதே தகவலுடன் வைரலாகும் வீடியோ குறித்து செய்தி வெளியிட்டிருப்பதை காண முடிந்தது.

கிடைத்த ஆதாரங்களின்படி பார்க்கையில் வைரலாகும் வீடியோவுக்கும் அண்மையில் திருவண்ணாமலையில் நடந்த இளைஞரணி மாநாட்டுக்கும் தொடர்பில்லை என உறுதியாகின்றது.

Also Read: நிஜ புலியையும், மானையும் வைத்து சினிமா ஷூட்டிங் என்று செல்லூர் ராஜூ பகிர்ந்த வீடியோ உண்மையா?

Conclusion

திருவண்ணாமலை இளைஞரணி மாநாட்டில் பிரியாணிக்காக திமுகவினர் அடிதடியில் ஈடுபட்டதாக பரவும் வீடியோ தகவல் தவறானதாகும்.

கடந்த ஆண்டு செப்டம்பரில் ஜோலார்பேட்டையில் நடந்த சம்பவமே அண்மையில் திருவண்ணாமலையில் நடந்ததாக திரித்து பரப்பப்படுகின்றது.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
X post by @TheEagle3_0, dated September 19, 2024
YouTube video by Dinamalar, dated September 19, 2024
YouTube video by ABP Nadu, dated September 20, 2024