நிஜ புலியையும், மானையும் வைத்து சினிமா ஷூட்டிங் என்று செல்லூர் ராஜூ பகிர்ந்த வீடியோ உண்மையா?

நிஜ புலியையும், மானையும் வைத்து வெளிநாட்டில் நடைபெற்ற சினிமா ஷூட்டிங் என்பதாக வீடியோ ஒன்றை பகிர்ந்திருந்தார் அதிமுக முன்னாள் அமைச்சர் செல்லூர் ராஜூ.

“வெளிநாட்டில் நடைபெறும் ஒரு சினிமா படம்பிடிக்கும் இடத்தில் ஒரு புலியையும் , மானயையும் வைத்து நடந்த படம் பிடிப்பில்
ஒரு காட்சி !!!!” என்று இந்த காட்சியை பகிர்ந்திருந்தார்.

X Link/Archived Link

சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: திமுக அரசு கோவிலை இடித்ததாக பரவும் வீடியோவின் உண்மை என்ன?

Fact Check/Verification

நிஜ புலியையும், மானையும் வைத்து வெளிநாட்டில் நடைபெற்ற சினிமா ஷூட்டிங் என்று அதிமுக முன்னாள் அமைச்சர் செல்லூர் ராஜூ பகிர்ந்த வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோ செயற்கை நுண்ணறிவால் உருவாக்கப்பட்டது போன்ற காட்சிகளுடன் இடம்பெற்றிருந்ததால் அந்த வீடியோவைக் கீ-ப்ரேம்களாகப் பிரித்து AI or Not Tool மூலமாக ஆராய்ந்தோம். அப்போது, இந்த வீடியோ காட்சிகள் AI மூலமாக உருவாக்கப்பட்டது என்பது நமக்கு உறுதியாகியது.

இதனை உறுதி செய்து கொள்ள, Sight Engine Tool மூலமாக ஆராய்ந்தபோது 98% இந்த வீடியோ காட்சிகள் AI மூலமாக உருவாக்கப்பட்டது என்பது தெளிவாகியது.

Also Read: சிக்கந்தர் தர்காவில் சமீபத்தில் கூடிய கூட்டம் என்பதாகப் பரவும் புகைப்படம் உண்மையா?

Conclusion

நிஜ புலியையும், மானையும் வைத்து வெளிநாட்டில் நடைபெற்ற சினிமா ஷூட்டிங் என்று அதிமுக முன்னாள் அமைச்சர் செல்லூர் ராஜூ பகிர்ந்த வீடியோ AI மூலமாக உருவாக்கப்பட்டது என்பது   நமக்குக் கிடைத்த ஆதாரங்களின் வாயிலாக தெளிவாகியுள்ளது. 

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Self Analysis
AI or Not
Sight Engine