மின் கம்பிகள் உரசாமல் இருக்க பனை மரக் கிளைகளை வெட்டிய திமுக அரசு என்று பரவும் வீடியோ உண்மையா?

மின் கம்பிகள் உரசாமல் இருக்க பனை மரக் கிளைகளை வெட்டிய திமுக அரசு என்று வீடியோ ஒன்று சமூக வலைத்தளங்களில் பரவி வருகிறது.

”இது தான் திராவிட மாடல் ஆட்சி…ஏன் அந்த கரண்ட் லைன்ன மாற்றி அமைக்கலாமே..இவர்கள் தான் அறிவு திருவிழா நடத்துறாங்க” என்று இந்த வீடியோ பரவுகிறது.

Facebook Link/Archived Link

Facebook Link/Archived Link

சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: பிரியாணிக்காக திமுகவினர் அடிதடி; வைரலாகும் வீடியோ திருவண்ணாமலையில் எடுக்கப்பட்டதா?

Fact Check/Verification

மின் கம்பிகள் உரசாமல் இருக்க பனை மரக் கிளைகளை வெட்டிய திமுக அரசு என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த டிசம்பர் 14ஆம் தேதியன்று Rohan Khan Raihan  என்கிற நபர் இந்த வீடியோவை தனது சமூக வலைத்தளப்பக்கத்தில் வெளியிட்டிருந்தார். அதில், பங்களாதேஷ் Naogaon என்கிற மாவட்டத்தில் இந்த மின் கம்பிகள் நிலை குறித்து வீடியோ எடுத்து பதிவிட்டிருந்தார்.

அது குறித்தும் வீடியோவில் விவரித்திருந்தார். அதிகாரிகள் மின் கம்பிகளைக் காக்க பனைமரத்தின் மேற்பகுதியை வெட்டி விடுவதாகவும், அப்படி வெட்டப்பட்ட மரங்கள் மீண்டும் துளிர்ப்பது கடினம் என்பதாகவும் வேதனையுடன் பதிவு செய்திருந்தார். இதுகுறித்து பங்களாதேஷ் செய்திகளிலும் வெளியாகியிருந்தது.

குறிப்பிட்ட வீடியோவை எடுத்தே தமிழ்நாட்டில் மின் கம்பிகள் உரசாமல் இருக்க பனை மரத்தை வெட்டிய இந்த நிகழ்வு நடைபெற்றதாகப் போலியாக பரப்பி வருகின்றனர் என்பது நமக்கு உறுதியாகியது.

Also Read: திமுக இளைஞர் அணி மாநாட்டில் வழங்கப்பட்ட பையில் குவாட்டர் பாட்டில் என்று பரவும் புகைப்படம் உண்மையா?

Conclusion

மின் கம்பிகள் உரசாமல் இருக்க பனை மரக் கிளைகளை வெட்டிய திமுக அரசு என்று பரவும் வீடியோ பங்களாதேஷில் எடுக்கப்பட்டதாகும்.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Facebook Post From, Rohan Khan Raihan, Dated December 14, 2025
YouTube Video From, Independent Television, Dated December 20, 2025