திமுக மகளிர் மாநாட்டில் வீரன் சரக்கு பாட்டில் என்று பரவும் படம் உண்மையானதா?

திமுக மகளிர் மாநாட்டில் வீரன் சரக்கு பாட்டில் என்று பரவும் படம்.

சமூக ஊடகங்களில் வந்த பதிவை இங்கே, இங்கே, மற்றும் இங்கே காணலாம்.

Also Read: RSS நபர் ஒருவர் அமெரிக்க தேவாலயத்திற்குள் நுழைந்து சேதம் விளைவித்ததாகப் பரவும் வீடியோ உண்மையா?

திமுக மகளிர் மாநாட்டில் வீரன் சரக்கு பாட்டில் என்று புகைப்படம் ஒன்று பரவியதை தொடர்ந்து அப்படம் குறித்து தேடினோம்.

அத்தேடலில் நிதின் சிற்றரசு என்பவர் அவரது எக்ஸ் பக்கத்தில்“மாநாடு எப்படி நடத்த வேண்டுமென இதர கட்சிகள் தி.மு.க.விடம் பாடம் கற்க வேண்டும்!” என்று குறிப்பிட்டு புகைப்படங்களுடன் பதிவிட்டிருப்பதை காண முடிந்தது.

அப்புகைப்படங்களில் ஒன்று வைரலாகும் படத்துடன் ஒற்றுப்போவதை காண முடிந்தது. ஆனால் அப்படத்தில் மதுபான பாட்டில் இடம்பெற்றிருக்கவில்லை.

தொடர்ந்து தேடுகையில் பெரம்பலூர் திமுக ஐடி விங்கின் நிர்வாகி சுதா என்பவரும் வைரலாகும் படத்தை பகிர்ந்திருப்பதை காண முடிந்தது. அப்படத்திலும் மதுபான பாட்டில் இடம்பெற்றிருக்கவில்லை.

இதனடிப்படையில் பார்க்கையில் திமுக மகளிர் மாநாட்டில் வீரன் சரக்கு பாட்டில் என்று பரப்பப்படும் படம் எடிட் செய்யப்பட்டது என தெளிவாகின்றது.

Sources
X post by Nithin Sitrarasu, dated December 29, 2024
X post by Sudha, District Deputy Coordinator, Perambalur DMK IT Wing, dated December 29, 2024