ராஜபக்சே மகன் திருமண விழாவில் பங்கேற்ற கனிமொழி எம்பி என்று பரவும் புகைப்படம் உண்மையா?

Claim: ராஜபக்சே மகன் திருமண விழாவில் பங்கேற்ற கனிமொழி எம்பி

Fact: வைரலாகும் புகைப்படச்செய்தி தவறானதாகும்.

ராஜபக்சே மகன் திருமண விழாவில் பங்கேற்ற கனிமொழி எம்பி என்று புகைப்படம் ஒன்று சமூக வலைத்தளங்களில் பரவி வருகிறது.

”முடிச்சி விட்டீங் போங்க்” என்று இந்த புகைப்படத்தை பலரும் சமூக வலைத்தளத்தில் பரப்பி வருகின்றனர்.

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: 154 வயது துறவி இமயமலையிலிருந்து கும்பமேளா காண வந்ததாக பரவும் தகவல் உண்மையானதா?

Fact Check/Verification

ராஜபக்சே மகன் திருமண விழாவில் பங்கேற்ற கனிமொழி எம்பி என்று பரவும் புகைப்பட தகவல் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் புகைப்படத்தை கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த 2019ஆம் ஆண்டு கனிமொழி, இலங்கை கொழும்புவில் நடைபெற்ற அப்போதைய இலங்கை அமைச்சர் மற்றும் முஸ்லீம் காங்கிரஸ் கட்சித்தலைவரான ரவூப் ஹக்கீம் என்பவருடைய குடும்ப திருமண விழாவில் மரியாதை நிமித்தமாக கலந்து கொண்டிருந்தார். இதுகுறித்த புகைப்படங்களையும் கனிமொழி தனது சமூக வலைத்தளப் பக்கத்தில் பகிர்ந்துள்ளார்.

அவர் இலங்கைக்கு இந்த திருமணத்திற்கு சென்றிருந்த அதே சமயத்தில் ராஜபக்சே இல்லத் திருமண விழா நடைபெற்றிருந்ததால் அப்புகைப்படத்துடன் இத்திருமண விழா புகைப்படங்களை இணைத்து பரப்பி வருகின்றனர்.

அவர் ராஜபக்சே இல்லத் திருமண விழாவில் கலந்து கொண்டதாக எவ்வித சான்றுகளும் இல்லை என்பது குறிப்பிடத்தக்கதாகும்.

Also Read: சீமான் ஆபத்தான அரசியல் பேசுவதாக விமர்சனம் செய்துள்ளாரா இயக்குநர் வெற்றிமாறன்?

Conclusion

ராஜபக்சே மகன் திருமண விழாவில் பங்கேற்ற கனிமொழி எம்பி என்று பரவும் புகைப்பட தகவல் தவறானது என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Result: False

Our Sources
X Post From, Kanimozhi, Dated September 13, 2019

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)