Copyright © 2022 NC Media Pvt. Ltd. All Rights Reserved.
Fact Check
திருப்பரங்குன்றம் ஆர்ப்பாட்டத்திற்கு பட்டை மற்றும் நாமம் போட்டு வந்தவர்கள் இடையே மோதல் ஏற்பட்டதா?
Claim: திருப்பரங்குன்றம் ஆர்ப்பாட்டத்திற்கு பட்டை மற்றும் நாமம் போட்டு வந்தவர்கள் இடையே மோதல்
Fact: வைரலாகும் வீடியோ காஞ்சிபுரத்தில் நடைபெற்ற நிகழ்வாகும்.
திருப்பரங்குன்றம் ஆர்ப்பாட்டத்திற்கு பட்டை மற்றும் நாமம் போட்டு வந்த இரண்டு தரப்பினரிடையே பழங்காநத்தத்தில் மோதல் என்று வீடியோ ஒன்று சமூக வலைத்தளங்களில் பரவி வருகிறது.
“திருப்பரங்குன்றம் ஆர்ப்பாட்டத்துக்கு நாமம் போட்டு வந்தவர்களுக்கும், பட்டை போட்டு வந்தவர்களுக்கும் இடையே ஏற்பட்ட கருத்து மோதலால் பழங்காநத்தத்தில் ஏற்பட்ட பரபரப்பு.” என்று இந்த வீடியோ பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: ஸ்டாலின் ஆட்சியில் ரேஷன் கடையில் முறைகேடு நடந்ததாக பரவும் வீடியோ உண்மையானதா?
Fact Check/Verification
திருப்பரங்குன்றம் ஆர்ப்பாட்டத்திற்கு பட்டை மற்றும் நாமம் போட்டு வந்த இரு தரப்பினரிடையே பழங்காநத்தத்தில் மோதல் என்று பரவும் வீடியோ தகவல் குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த மே 25, 2024 அன்று பாலிமர் செய்திகள் வெளியிட்டிருந்த செய்தி வீடியோ நமக்குக் கிடைத்தது.
அதன்படி, காஞ்சிபுரம் தேவராஜ பெருமாள் கோயிலில் யார் பிரபந்தம் பாடுவது என்று வடகலை மற்றும் தென்கலை பிரிவினர் மோதலில் ஈடுபட்டனர் என்று வெளியாகியிருந்த இந்த செய்தியில் தற்போது வைரலாகும் வீடியோ காட்சி இடம்பெற்றிருந்தது. வைகாசி பிரம்மோற்சவ காலத்தில் இருதரப்பினரும் மோதலில் ஈடுபட்ட இக்காட்சியுடன் சன்நியூஸ் உள்ளிட்டோரும் இச்செய்தியை வெளியிட்டிருந்தனர்.
குறிப்பிட்ட வீடியோவே தற்போது திருப்பரங்குன்றத்தில் ஏற்பட்ட மோதல் என்பதாக தவறாக பரப்பப்பட்டு வருகிறது.
Also Read: இந்துக்கள் அசைவம் உண்பதை மத்திய அரசு தடை செய்யவேண்டும் என்றாரா ஹெச்.ராஜா?
Conclusion
திருப்பரங்குன்றம் ஆர்ப்பாட்டத்திற்கு பட்டை மற்றும் நாமம் போட்டு வந்த இரு தரப்பினரிடையே பழங்காநத்தத்தில் மோதல் என்று பரவும் வீடியோ தகவல் தவறானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: False
Our Sources
YouTube Video From, Polimer News, Dated May 25, 2024
YouTube Video From, Sun News, Dated May 25, 2024
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91-9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in. என்ற மின்னஞ்சல் முகவரிக்கோ உங்கள் கேள்விகளை அனுப்பலாம். மேலும், எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்.
