Copyright © 2022 NC Media Pvt. Ltd. All Rights Reserved.
Fact Check
மதுரை முருகன் மாநாட்டில் கலந்து கொண்ட கூட்டம் என்று பரவும் வீடியோ உண்மையா?
Claim
மதுரை முருகன் மாநாட்டில் கலந்து கொண்ட கூட்டம்
Fact
வைரலாகும் வீடியோ கடந்த மே மாதம் பாமக சித்திரை முழுநிலவு மாநாட்டில் எடுக்கப்பட்டதாகும்.
மதுரை முருகன் மாநாட்டில் கலந்து கொண்ட கூட்டம் என்பதாக வீடியோ ஒன்று சமூக வலைதளங்களில் பரவுகிறது.
”இது பெரியார் மண் இல்லை. பசும்பொன் முத்துராமலிங்கத் தேவர் மண். மதுரை” , “ஜுன் 22 வரலாம் என்று சொன்னோம். ஜுன் 21 அன்றே மதுரை குலுங்குகிறது. திரும்பிய பக்கம் எல்லாம் மனிதத் தலைகள். சாலைகள் முழுவதும் வாகனங்கள். அனைத்து வண்டிகளிலும் பாஜக, இந்து முண்ணனி கொடிகள். திரும்பத் திரும்ப சொல்வோம். திமுக காதுகளில் கேட்கும் வரை சொல்லுவோம் இது இந்து ஆன்மீக பூமி.” என்று இந்த வீடியோ பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: இஸ்ரேல் அதிபர் மகனை இஸ்ரேல் மக்கள் அடித்ததாக பரவும் வீடியோத்தகவல் உண்மையா?
Fact Check/Verification
மதுரை முருகன் மாநாட்டில் கலந்து கொண்ட கூட்டம் என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த மே 13ஆம் தேதியே மணி பென்னாகரம் என்கிற நபர் தன்னுடைய சமூக வலைத்தளப்பக்கத்தில் இந்த வீடியோவைப் பகிர்ந்து “#வன்னியர்_சங்கம்_மாநாடு 250 ஏக்கரில் நடைபெற்றன அதில் ஏழு ஏக்கரில் பிரம்மாண்ட முறையில் பார்க்கும் வசதி செய்யப்பட்டனர் அதில் ஒரு பகுதி மட்டும் இதோ உங்களுக்காகவும்” என்று பதிவிட்டிருந்தார்.
மேலும், கடந்த மே 13, 2025 அன்று அன்புமணி ராமதாஸ் வெளியிட்டிருந்த சித்திரை முழு நிலவு மாநாடு வீடியோவிலும் குறிப்பிட்ட வைரல் வீடியோவுடன் தொடர்புடையதாக காணப்படும் திடலின் காட்சிகள் வேறு கோணங்களில் இடம்பெற்றிருந்தது.
இதன்மூலம், கடந்த மே மாதம் நடைபெற்ற பாமகவின் சித்திரை முழுநிலவு மாநாட்டின் வீடியோவே மதுரை முருக பக்தர்கள் மாநாட்டுடன் தொடர்புபடுத்தி பரப்பப்படுகிறது.
Also Read: மதுரை முருகன் மாநாட்டை முன்னிட்டு 100 கல்லூரி மாணவிகள் இணைந்து கந்தசஷ்டி கவசம் பாடினார்களா?
Conclusion
மதுரை முருகன் மாநாட்டில் கலந்து கொண்ட கூட்டம் என்று பரவும் வீடியோ பாமகவின் சித்திரை முழு நிலவு மாநாட்டில் எடுக்கப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Sources
Instagram Post by Mani Pennagaramm, Dated May 13, 2025
X Post by, Anbumani Ramadoss, Dated May 13, 2025
RESULT
Missing Context
Missing Context
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91-9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in. என்ற மின்னஞ்சல் முகவரிக்கோ உங்கள் கேள்விகளை அனுப்பலாம். மேலும், எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்.
