Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
Claim: மோகினி டேவின் இசையை ரசிக்கும் ஏஆர்.ரஹ்மான்
Fact: வைரலாகும் வீடியோ எடிட் செய்யப்பட்டு பரவுகிறது.
மோகினி டேவின் இசையை ரசிக்கும் ஏஆர்.ரஹ்மான் என்று வீடியோ ஒன்று சமூக வலைத்தளங்களில் பரவி வருகிறது.
”மியூசிக் கேட்டு சிரிக்கறவன இப்பதான் பார்க்குறேன்….பொஞ்சாதி ஏன் தலாக் தலாக் தலாக் சொல்லமாட்டா !??” என்று இந்த வீடியோ பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: ராகுல் காந்தியை தேசத்துரோகி என்றாரா டிரம்ப்?
Fact Check/Verification
மோகினி டேவின் இசையை ரசிக்கும் ஏஆர்.ரஹ்மான் என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.
இசையமைப்பாளர் ஏஆர்.ரஹ்மானும், அவரது மனைவி சாய்ரா பானுவும் சமீபத்தில் விவாகரத்தினை அறிவித்துள்ளனர். அதே சமயத்தில், ஏஆர்.ரஹ்மானின் இசை நிகழ்ச்சிகளில் பங்கேற்ற இசைக்கலைஞர் மோகினி டே என்பவரும் தன்னுடைய கணவரைப் பிரிவதாக அறிவித்திருந்தார். இதுகுறித்து சமூக வலைத்தளங்களில் பலரும் அவதூறுகளைப் பரப்பி வருகின்றனர்.
இந்நிலையில்தான், மோகினி டே கிடார் இசைப்பதை ரசிக்கும் ஏஆர்.ரஹ்மான் என்பதாகப் பரவும் வீடியோ குறித்து ஆராய்ந்தோம். வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது மோகினி டே கிடார் வாசிக்கும் வீடியோ அவரது இன்ஸ்டாகிராம் பக்கத்தில் இடம்பெற்றிருந்ததைக் காண முடிந்தது.
தொடர்ந்து, வைரல் வீடியோவில் இடம்பெற்றுள்ள ஏஆர்.ரஹ்மான் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது அவரது சமூக வலைத்தளப்பக்கத்தில் கடந்த ஏப்ரல் 12 அன்று “Celebrating The Goatlife, Chamkila and Maidaan” என்று ஆடுஜீவிதம் திரைப்பட இயக்குநர் ப்ளெஸியுடன் இருக்கும் வீடியோ இடம்பெற்றிருந்தது.
இந்த இரண்டு வீடியோக்களையும் இணைத்தே மோகினி டேயின் இசையை ரசிக்கும் ஏஆர்.ரஹ்மான் என்பதாக போலியாக பரப்பி வருகின்றனர்.
Also Read: மின்கம்பத்தை நடுவில் வைத்து கால்வாய் கட்டப்பட்டதாக பரவும் படம் தமிழகத்தில் எடுக்கப்பட்டதா?
Conclusion
மோகினி டேவின் இசையை ரசிக்கும் ஏஆர்.ரஹ்மான் என்று பரவும் வீடியோ எடிட் செய்யப்பட்டது என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: Altered Video
Our Sources
Instagram Post From, Mohini Dey, Dated October 07, 2023
Instagram Post From, ARR, Dated April 12, 2024
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
