இஸ்லாமியர் ஒருவர் கழிவுநீரை அள்ளி ஊற்றி பிரியாணி சமைப்பதாகப் பரவும் வீடியோ உண்மையா?

இஸ்லாமியர் ஒருவர் கழிவுநீரை அள்ளி ஊற்றி பிரியாணி சமைப்பதாக வீடியோ ஒன்று சமூக வலைத்தளங்களில் பரவி வருகிறது.

”பாய் வீட்டு பிரியாணி,பாய் கடை பிரியாணின்னு நாக்கை தொங்க போட்டு திரியும் நாய்களுக்கான பதிவு இது” என்று இந்த வீடியோ பரவுகிறது.

X Link/Archived Link

X Link/Archived Link

சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: திமுக இளைஞர் அணி மாநாட்டில் வழங்கப்பட்ட பையில் குவாட்டர் பாட்டில் என்று பரவும் புகைப்படம் உண்மையா?

Fact Check/Verification

இஸ்லாமியர் ஒருவர் கழிவுநீரை அள்ளி ஊற்றி பிரியாணி சமைப்பதாகப் பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகிய வீடியோவில் அந்த நபரின் இடது கை, பின்னால் நிற்கும் நபர்கள் யாரிடமும் இயல்பான அசைவில்லை.

எனவே, இந்த வீடியோவை செயற்கை நுண்ணறிவு படைப்புகளைக் கண்டறியும் Hive Moderation Tool மூலமாக ஆராய்ந்தபோது இந்த வீடியோ 99.8% AI மூலமாக உருவாக்கப்பட்டது என்பது உறுதியாகியது.

மேலும், Sight Engine Tool மூலமாக இதனை ஆய்வு செய்தபோது 76% இந்த வீடியோ AI மூலமாக உருவாக்கப்பட்டது என்பது நமக்கு உறுதியாகியது.

இதனையடுத்து Trusted Information Alliance குழுமத்தின் The Deepfakes Analysis Unit (DAU) அமைப்பும் வைரலாகும் வீடியோவை AI or Not மூலமாக ஆராய்ந்து இந்த வீடியோ காட்சிகள் AI மூலமாக உருவாக்கப்பட்டவை என்று உறுதி செய்தது.

எனவே, பரவி வருகின்ற வீடியோ AI மூலமாக உருவாக்கப்பட்டது என்பது நமக்கு உறுதியாகியது.

Also Read: நிஜ புலியையும், மானையும் வைத்து சினிமா ஷூட்டிங் என்று செல்லூர் ராஜூ பகிர்ந்த வீடியோ உண்மையா?

Conclusion

இஸ்லாமியர் ஒருவர் கழிவுநீரை அள்ளி ஊற்றி பிரியாணி சமைப்பதாகப் பரவும் வீடியோ AI மூலமாக உருவாக்கப்பட்டதாகும்.  

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
Hive Moderation
Sight engine
Self Analysis
DAU