திமுக ஆட்சியில் சமீபத்தில் நடைபெற்ற சாதிய வன்கொடுமை என்று பரவும் வீடியோ தகவல் உண்மையா?

திமுக ஆட்சியில் சமீபத்தில் நடைபெற்ற சாதிய வன்கொடுமை என்பதாக வீடியோ ஒன்று சமூக வலைத்தளங்களில் பரவி வருகிறது.

” தமிழகத்தில் நடப்பது திமுகவின் விடியா சமூக நீதி ஆட்சியே….தூத்துக்குடி மாவட்டத்தில் தலித் முதியவர் ஒருவரின் ஆடுகள் மற்ற சாதியினர் வயல்களில் மேய்ந்ததால் அவரை காலில் விழ வைத்து வீடியோ வெளியிட்ட சாதி வெறியர்கள்” என்று இந்த வீடியோ பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கோத்ரா ரயில் எரிப்பில் தொடர்புடைய ரஃபீக் உசேன் பதுக் என்று பரவும் புகைப்படம் உண்மையா?

Fact Check/Verification

திமுக ஆட்சியில் சமீபத்தில் நடைபெற்ற சாதிய வன்கொடுமை என்பதாக பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

 வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த 2020ஆம் ஆண்டு ”Tamil Nadu: SC man made to prostrate at feet of caste Hindu man” என்கிற தலைப்பில் செய்தி ஒன்றை The Hindu வெளியிட்டிருந்தது. அதில், இந்த வீடியோவில் இடம்பெற்றிருக்கும் காட்சி புகைப்படமாக இடம்பெற்றிருந்தது.

கடந்த 2020ஆம் ஆண்டு, கயத்தார், ஓலைக்குளம் கிராமத்தைச் சேர்ந்த பால்ராஜ் என்பவரது ஆடுகள் மற்றொரு பிரிவைச் சேர்ந்த சிவசங்கு என்பவரது ஆடுகளுடன் கலந்துவிட்டதால் அவர் பால்ராஜை தகாத வார்த்தைகளால் திட்டி, கொலை செய்வதாக மிரட்டி காலில் விழ வைத்துள்ளார் என்று செய்தி வெளியிடப்பட்டிருந்தது.

இதுகுறித்த வீடியோ சமூக வலைத்தளங்களில் பரவிய நிலையில், பால்ராஜ் அளித்த புகாரின் பேரில் 7 பேர் கைது செய்யப்பட்டதாக பிபிசியில் செய்தி வெளியாகியுள்ளது. இந்த சம்பவம் கடந்த 2020ஆம் ஆண்டு அக்டோபர் மாதம் நடைபெற்ற நிலையில் அப்போது ஆட்சியில் இருந்தது அதிமுக தலைமையிலான அரசு என்பது குறிப்பிடத்தக்கது.

Also Read: கீழ்சாதியை சார்ந்தவர் கோவிலுக்குள் நுழைந்ததால் மேல்சாதியினரால் தாக்கப்பட்டாரா?

Conclusion

திமுக ஆட்சியில் சமீபத்தில் நடைபெற்ற சாதிய வன்கொடுமை என்று பரவும் வீடியோ கடந்த அதிமுக ஆட்சியில் நடைபெற்ற நிகழ்வு என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Report from, The Hindu, Dated October 13, 2020
Report from, BBC, Dated October 13, 2020