ராகுல் காந்தி சட்டைக்குள் பெண்கள் உள்ளாடை அணிந்திருந்ததாக பரவும் புகைப்படம் உண்மையா?

ராகுல் காந்தி சட்டைக்குள் பெண்கள் உள்ளாடை அணிந்திருப்பது போன்ற புகைப்படம் ஒன்று சமூக வலைதளங்களில் பரவி வருகிறது.

” பாவம்…ராவுல் மழையில நனைஞ்ச இந்த போட்டோவை போட்டு எல்லோரும் சிரிக்கிறாங்க.. ஆனா ஏன்னே எனக்கு தெரியல உங்களுக்காவது ஏதாவது தெரிஞ்சதா..??” என்று இந்த புகைப்படம் பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: உத்தரகாண்டில் நிவாரண பணிகளை செய்ய JCB எந்திரம் ஹெலிகாப்டரில் கொண்டு செல்லப்பட்டதாக பரவும் படம் உண்மையானதா?

Fact Check/Verification

ராகுல் காந்தி சட்டைக்குள் பெண்கள் உள்ளாடை அணிந்திருந்ததாக பரவும் புகைப்படம்  குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த அக்டோபர் 04, 2022 அன்று டெக்கான் ஹெரால்டு வெளியிட்டிருந்த பாரத் ஜோடோ யாத்திரையில் மழையில் உரையாற்றிய ராகுல் காந்தி என்னும் செய்தி நமக்குக் கிடைத்தது.

அதில், வைரலாகும் புகைப்படத்தின் உண்மையான புகைப்படம் இடம்பெற்றிருந்தது. அப்புகைப்படத்தில் ராகுல் காந்தி டி-ஷர்ட் மட்டுமே அணிந்து மழையில் உரையாற்றுகிறார் என்பது தெளிவாக இடம்பெற்றுள்ளது. இந்த புகைப்படம் Tribune வெளியிட்டிருந்த கட்டுரையிலும் இடம்பெற்றிருந்தது.

மேலும், ராகுல் காந்தியின் அதிகாரப்பூர்வ சமூக வலைத்தளப்பக்கத்திலும் கடந்த அக்டோபர் 02, 2022 அன்று மைசூரில் கொட்டும் மழையில் பாரத் ஜோடோ யாத்திரையில் அவர் உரையாற்றிய காட்சி இடம்பெற்றிருந்தது.

எனவே, அவருடைய இந்த உரை தொடர்பான புகைப்படத்தையே அவர் உள்ளாடை அணிந்து உரையாற்றியதாக எடிட் செய்து பரப்பி வருகின்றனர் என்பது உறுதியாகியது.

Also Read: ராமதாஸ் படத்துடன் ‘If you are Bad; I am your Dad’ என்கிற வாசகம் அடங்கிய பதாகையை வைத்திருந்தனரா பாமக தொண்டர்கள்?

Conclusion

ராகுல் காந்தி சட்டைக்குள் பெண்கள் உள்ளாடை அணிந்திருந்தாகப் பரவும் புகைப்படம் போலியாக எடிட் செய்யப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
News report by Deccan Herald, dated October 04, 2022
News report by Tribune India, dated October 03, 2022
X Post by Rahul Gandhi, Dated October 02, 2022