தவெக தலைவர் விஜய் மக்களை நடுத்தெருவில் நிறுத்திச் சென்றதாக பேசினாரா நடிகை ரோஜா செல்வமணி?

தவெக தலைவர் விஜய் டைம் பாஸ் அரசியல் செய்வதாகவும், மக்களை நடுத்தெருவில் நிறுத்திச் சென்றதாகவும் நடிகையும், அரசியல்வாதியுமான ரோஜா செல்வமணி பேசியதாக வீடியோ ஒன்று சமூக வலைத்தளங்களில் பரவி வருகிறது.

”விஜய் மக்களை ரோட்டில் விட்டுவிட்டு போயிட்டார். மக்களுக்காக நிற்கலை. இதிலேந்தே தெரிகிறது அவர் டைம்பாஸ் பாலிடிக்ஸ் பண்ணுகிறார் என்பது – நடிகை ரோஜா” என்று இந்த வீடியோ பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கரூர் துயர சம்பவத்திற்கு பின் சிரித்துக்கொண்டே புகைப்படங்களுக்கு போஸ் கொடுத்தாரா விஜய்?

Fact Check/Verification

தவெக தலைவர் விஜய் டைம் பாஸ் அரசியல் செய்வதாக நடிகையும், அரசியல்வாதியுமான ரோஜா செல்வமணி பேசியதாக பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோ தற்போதையதா என்று ஆராய்ந்தபோது கடந்த ஜூலை 08, 2025 அன்று இந்த வீடியோ இடம்பெற்றுள்ள முழுமையான பேட்டி புதியதலைமுறை ஊடகத்தில் “Drama Artist பவன் கல்யாண்…” – ரோஜா கடும் விமர்சனம்” என்று இடம்பெற்றிருந்தது.

அந்த பேட்டியில் ஆந்திர அரசியல் சூழ்நிலை பற்றியும், பவன் கல்யாண் குறித்த கேள்விகளுக்கும் அவர் பதிலளித்திருந்தார்.  அதில், தமிழ்நாடு குறித்த கேள்விக்கே அவர் நான் ஆந்திர முன்னாள் அமைச்சர் அதுகுறித்த கேள்வியைக் கேளுங்கள் என்று பேசியிருந்தார்.

தொடர்ந்து, பவன் கல்யாண் குறித்த கேள்விக்கு அவர் டைம் பாஸ் அரசியல் செய்கிறார்; எம்.ஜி.ஆர், ஜெயலலிதா, என்.டி.ஆர் ஆகியோரும் சினிமாவில் இருந்து வந்தவர்கள்தான்; ஆனால் மக்களுக்காக உழைத்தார் என்று பேசியிருந்தார். இது தவெக விஜய்க்கும் பொருந்துமா என்ற கேள்விக்கு, “ஆந்திராவில் சிரஞ்சீவி கட்சி ஆரம்பித்தார். ஆனால், திடீர் என்று அந்த கட்சியை எடுத்துச் சென்று காங்கிரஸில் இணைத்துவிட்டார். அவரை நம்பி வந்தவர்களை நடுத்தெருவில் நிறுத்திவிட்டார். பவன் கல்யாணும் அதே போன்று கட்சி வைத்தும் எந்த தேர்தலுக்கும் செல்லவில்லை. அதனால், விஜய் சார்க்கு நான் சொல்வது அவர்கள் மாதிரி இல்லாமல், எம்.ஜி.ஆர், ஜெயலலிதா, என்.டி.ஆர் போன்று மக்கள் நம்மை நம்பும்போது அவர்களுக்காக போராட வேண்டும்” என்பதாக பதிலளித்திருந்தார்.

அவர் பவன் கல்யாண் குறித்து அளித்த பதிலையே தற்போது அவர் விஜய் குறித்து விமர்சித்ததாக திரிக்கப்பட்டு பரவி வருகிறது.

Also Read: தவெக தலைவர் விஜய் இயக்குனர் S.A.சந்திரசேகரின் சொந்த மகனில்லை என்று பரவும் தவறான தகவல்!

Conclusion

தவெக தலைவர் விஜய் டைம் பாஸ் அரசியல் செய்வதாக நடிகையும், அரசியல்வாதியுமான ரோஜா செல்வமணி பேசியதாகப் பரவும் வீடியோ தகவல் திரிக்கப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
YouTube Video By, Puthiyathalaimurai, Dated July 08, 2025
YouTube Video By, Puthiyathalaimurai, Dated July 09, 2025