Copyright © 2022 NC Media Pvt. Ltd. All Rights Reserved.
Fact Check
தனது சொந்த தந்தையை திருமணம் செய்த மகள் என்று பரவும் வீடியோ உண்மையா?
Claim: சொந்த தந்தையை திருமணம் செய்த இளம்பெண்
Fact: வைரலாகும் வீடியோ சித்தரிக்கப்பட்டதாகும்.
தனது சொந்த தந்தையை திருமணம் செய்த இளம்பெண் என்று வீடியோ ஒன்று சமூக வலைதளங்களில் பரவி வருகிறது.
“டேய் சங்கீஷ்..டேய் ஆமைஸ் சரஸ்வதிய பிரம்மா கல்யாணம் செஞ்சப்போ நான் என் அப்பன கட்டினது என்ன தப்பு எந்த நாயும் எங்களுக்கு அட்வைஸ் பண்ண வேண்டாம் சனாதனம் இதுதாண்டா சனாதனா” என்று இந்த வீடியோ பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: “திமுக உபி வரான்! பயமா இருக்கு அண்ணா!!” என்று குறிப்பிட்டு விகடன் அட்டைப்படம் வெளியிட்டதா?
Fact Check/Verification
தனது சொந்த தந்தையை திருமணம் செய்த இளம்பெண் என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் வீடியோவை கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது Ankita Karotiya என்கிற யூடியூப் பக்கத்தில் கடந்த நவம்பர் 02, 2024 அன்று இந்த வீடியோ இடம்பெற்றிருந்ததைக் காண முடிந்தது.
இவரது யூடியூப் பக்கத்தில் இதேபோன்று பல்வேறு சித்தரிக்கப்பட்ட வீடியோக்களும் இடம்பெற்றிருந்ததை நம்மால் காண முடிந்தது.
மேலும், இவருடைய இன்ஸ்டாகிராம் பக்கத்தில் “ I’m a prankstar” என்று இடம்பெற்றிருந்தது.
அப்படி இவரால் சித்தரிக்கப்பட்ட வீடியோவே தற்போது சொந்த தந்தையை திருமணம் செய்த இளம்பெண் என்று பரவி வருகிறது.
Conclusion
தனது சொந்த தந்தையை திருமணம் செய்த இளம்பெண் என்று பரவும் வீடியோ சித்தரிக்கப்பட்டது என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: False
Our Sources
YouTube Video From, Ankita Karotiya, Dated November 02, 2024
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91-9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in. என்ற மின்னஞ்சல் முகவரிக்கோ உங்கள் கேள்விகளை அனுப்பலாம். மேலும், எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்.
