Copyright © 2022 NC Media Pvt. Ltd. All Rights Reserved.
Fact Check
திருடனுக்கு பாடம் கற்பித்த செல்ல மகள் என்று பரவும் வீடியோ உண்மையா?
Claim
திருடனுக்கு பாடம் கற்பித்த செல்ல மகள்
Fact
வைரலாகும் வீடியோ சித்தரிக்கப்பட்ட காட்சியாகும்.
திருடனுக்கு பாடம் கற்பித்த செல்ல மகள்; தந்தையின் கடையில் திருட வந்தவருக்கு லாலிபாப் கொடுத்த குழந்தை என்று வீடியோ ஒன்று சமூக வலைத்தளங்களில் பரவி வருகிறது.
“Father -Daughter. என்னிடம் இதுதான் இருக்கிறது. இதையும் வாங்கி செல் கல் நெஞ்சமும் கரையும் குழந்தையின் சிரிப்பினிலே திருடனுக்கு பாடம் கற்பித்த செல்ல மகள்” என்று இந்த வீடியோ பரவுகிறது.
சமூக ஊடகங்களில் வெளிவந்த இத்தகவலின் உண்மைத்தன்மை குறித்து அறிய நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.
Also Read: பீகாரில் தேர்தல் ஆணையத்திற்கு எதிராக புரட்சி நடந்ததாக பரவும் வீடியோ உண்மையானதா?
Fact Check/Verification
திருடனுக்கு பாடம் கற்பித்த செல்ல மகள் என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது Kamran Team official என்கிற பாகிஸ்தானி யூடியூப் சேனல் ஒன்றில் இந்த வீடியோ இடம்பெற்றிருந்ததை காண முடிந்தது.
குறிப்பிட்ட வீடியோவின் கீழேயே ”இந்த வீடியோ சித்தரிக்கப்பட்டது” என்று தெளிவாக விளக்கமளிக்கப்பட்டுள்ளது.
மேலும், அவர்களுடைய அதிகாரப்பூர்வ சமூக வலைத்தளப்பக்கத்திலும் சித்தரிக்கப்பட்ட வீடியோ என்று இந்த வீடியோ பதிவிடப்பட்டுள்ளது.
அவர்களுடைய யூடியூப் பக்கத்தில் இதே போன்று பல்வேறு சித்தரிக்கப்பட்ட வீடியோக்கள் இடம்பெற்றுள்ளது. குறிப்பிட்ட வீடியோவே தற்போது நிஜத்தில் நடைபெற்ற சம்பவம் என்பதாக வைரலாகி வருகிறது.
Also Read: பீகார் தேர்தல் முடிவுக்குப்பின் பாஜகவை எதிர்த்து மக்கள் திரண்டதாக பரவும் வீடியோ உண்மையானதா?
Conclusion
திருடனுக்கு பாடம் கற்பித்த செல்ல மகள் என்று பரவும் வீடியோ சித்தரிக்கப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Sources
YouTube Video from, Kamran Team Official, Dated November 16, 2025
Facebook Post from, Kamran Team Official, Dated November 16, 2025
RESULT
False
False
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91-9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in. என்ற மின்னஞ்சல் முகவரிக்கோ உங்கள் கேள்விகளை அனுப்பலாம். மேலும், எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்.
