திமுக பேச்சாளர் சிவாஜி கிருஷ்ணமூர்த்தி அமைச்சர் தர்மேந்திர பிரதானுக்கு கண்டனம் தெரிவித்ததாக நியூஸ்கார்ட் ஒன்று சமூக வலைத்தளங்களில் வைரலாகிறது.
“திமுகவினர் அநாகரீகமானவர்கள் என்று கூறிய மத்திய அமைச்சர் தர்மேந்திர பிரதானுக்கு திமுக தலைமை கழக பேச்சாளர் சிவாஜி கிருஷ்ணமூர்த்தி கண்டனம்!” என்று இந்த நியூஸ்கார்ட் பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: குடிப்பழக்கத்தை ஆதரித்து சன் டிவி விளம்பரம் என்று பரவும் வீடியோ தகவல் உண்மையா?
Fact Check/Verification
திமுக பேச்சாளர் சிவாஜி கிருஷ்ணமூர்த்தி அமைச்சர் தர்மேந்திர பிரதானுக்கு கண்டனம் என்று பரவும் நியூஸ்கார்ட் குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகிய நியூஸ்கார்ட் சன் நியூஸ் பெயரில் பரவிய நிலையில் அவர்களுடைய அதிகாரப்பூர்வ சமூக வலைத்தளப்பக்கத்தை ஆராய்ந்தோம். ஆனால், அதில் அப்படி எந்த நியூஸ்கார்டும் இடம்பெற்றிருக்கவில்லை.
தொடர்ந்து, சிவாஜி கிருஷ்ணமூர்த்தியின் அதிகாரப்பூர்வ சமூக வலைத்தளப்பக்கத்திலும் அவ்வாறு எந்த கருத்தும் இடம்பெற்றிருக்கவில்லை.
எனவே, இதுகுறித்து சன் நியூஸ் டிஜிட்டல் பிரிவு பொறுப்பாளர் மனோஜைத் தொடர்பு கொண்டு கேட்டபோது, “வைரலாகும் நியூஸ்கார்ட் போலியானது” என்று விளக்கமளித்தார்.
Also Read: ஆதவ் அர்ஜூனா தவெகவிலிருந்து இடைநீக்கம் செய்யப்பட்டுள்ளாரா?
Conclusion
திமுக பேச்சாளர் சிவாஜி கிருஷ்ணமூர்த்தி அமைச்சர் தர்மேந்திர பிரதானுக்கு கண்டனம் என்று பரவும் நியூஸ்கார்ட் போலியானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Sources
X Page, Sivaji Krishnamoorthy
Phone Conversation with, Manoj, Sun News Tamil, Dated March 19, 2025
