எடப்பாடி பழனிசாமி ரோடு ஷோவில் பேசிக்கொண்டிருந்தபோது சின்ன மாப்ளே திரைப்படத்தில் வரும் ‘வெண்ணிலவு’ பாடல் ஒலிக்கப்பட்டதால் அவர் எரிச்சலடைந்ததாக வீடியோ ஒன்று சமூக ஊடகங்களில் பரவி வருகின்றது.
Also Read: திமுக ஆட்சியில் போடப்பட்ட தரமற்ற சாலை என்று பரவும் புகைப்படம் உண்மையா?
Fact Check/Verification
ரோடு ஷோவில் ஈபிஎஸ் பேசிக்கொண்டிருந்தபோது சினிமா பாடல் ஒலிக்கப்பட்டதாக வீடியோ ஒன்று பரவியதை தொடர்ந்து இதுக்குறித்து தேடினோம்.
அத்தேடலில் “தி.மு.கவை விமர்சித்து தீவிரமாக பேசிய EPS.. திடீரென வெடிக்கப்பட்ட பட்டாசுகள்.. இ.பி.எஸ் ரியாக்ஷன்..!” என்று தலைப்பிட்டு பாலிமர் நியூஸின் யூடியூப் பக்கத்தில் செய்தி வெளியிடப்பட்டிருந்ததை காண முடிந்தது.
அவ்வீடியோவில் ஈபிஎஸ் பேசிக்கொண்டிருந்தபோது தொடர்ந்து பட்டாசு வெடிக்கப்பட்டதால் அவர் எரிச்சலடைந்ததை காண முடிந்தது.
தொடர்ந்து தேடுகையில் ABP நாடு, தி டிபேட் உள்ளிட்ட யூடியூப் பக்கங்களிலும் மேற்கண்ட சம்பவம் குறித்து வீடியோ வெளியிட்டிருப்பதை காண முடிந்தது.
இதன்படி பார்க்கையில் ஈபிஎஸ் பேசும்போது பட்டாசு வெடித்ததாலேயே அவர் எரிச்சலடைந்துள்ளார் என்பதும், வைரலாகும் வீடியோவில் பட்டாசுக்கு பதிலாக சினிமா பாடல் மாற்றி எடிட் செய்யப்பட்டுள்ளது என்பதும் தெளிவாகின்றது.
இதனையடுத்து வைரலாகும் வீடியோவில் நியூஸ் தமிழின் லோகோ இடம்பெற்றிருந்ததால் அந்த ஊடகத்தில் இவ்வீடியோ குறித்து தேடினோம். அத்தேடலில் நியூஸ் தமிழ் வைரலாகும் வீடியோவை வெளியிட்டிருக்கவில்லை என அறிய முடிந்தது.
இதனை தொடர்ந்து நியூஸ் தமிழை சார்ந்த ராஜேஷை தொடர்புக்கொண்டு அவ்வீடியோ குறித்து விசாரித்தோம். அவர் “இவ்வீடியோ போலியானது; நியூஸ் தமிழ் இவ்வீடியோவை வெளியிடவில்லை” என்று பதிலளித்தார்.
Also Read: ‘Sorry வேண்டாம் – Sorry கேளு’… குழப்புமுறும் வகையில் பதாகை பிடித்திருந்தாரா விஜய்?
Conclusion
ரோடு ஷோவில் ஈபிஎஸ் பேசிக்கொண்டிருந்தபோது சினிமா பாடல் ஒலிக்கப்பட்டதாக பரவும் வீடியோ எடிட் செய்யப்பட்ட போலியான வீடியோவாகும்.
இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Sources
YouTube Video by Polimer News, dated July 16, 2025
YouTube Video by ABP Naadu, dated July 16, 2025
YouTube Video by The Debate, dated July 16, 2025
Phone Conversation With Rajesh, News Tamil 24×7
