“தளபதி மு.க.ஸ்டாலினின் பழமொழிகள்” என்று பரவும் புத்தகப் புகைப்படம் உண்மையா?

“தளபதி மு.க.ஸ்டாலினின் பழமொழிகள்” என்று புத்தகம் ஒன்றின் புகைப்படம் சமூக வலைத்தளங்களில் பரவி வருகிறது.

”எதே ஸ்டாலின் பழமொழிகளா??? சங்கிலி பருப்பு தாலி அறுப்பு , பூனைமேல் மதில்மேல், கொல்முதல்நெல் நெல்முதல்கொள் போன்ற பழமொழிகள் அடங்கிய தொகுப்பு போல சரி, 2500 + 1500 = 5000 86 + 9 = 97 போன்ற கணக்கு பாட புத்தகம் எப்ப ரிலீஸ் பண்ணுவீங்க????” என்று இந்த புகைப்படம் பரவுகிறது.

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கோத்ரா ரயில் எரிப்பில் தொடர்புடைய ரஃபீக் உசேன் பதுக் என்று பரவும் புகைப்படம் உண்மையா?

Fact Check/Verification

“தளபதி மு.க.ஸ்டாலினின் பழமொழிகள்” என்று பரவும் புத்தகப் புகைப்படம் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் புகைப்படத்தை ரிவர்ஸ் சர்ச் முறைக்கு உள்ளாக்கியபோது கடந்த ஜூலை 30, 2020 அன்று இந்த புகைப்படம் சத்யா கருப்பையா என்கிற சமூக வலைத்தளப்பக்கத்தில் ஷேர் செய்யப்பட்டிருந்தது. அதில், “தளபதி மு.க.ஸ்டாலினின் எழுச்சிமிகு உரைகள்” என்றே தலைப்பு இடம்பெற்றிருந்தது.

ஆனால், தற்போது பரவுகின்ற புகைப்படத்தில் எழுச்சிமிகு உரைகள் என்கிற வார்த்தை எடிட் செய்யப்பட்டு பழமொழிகள் என்கிற வார்த்தை இணைக்கப்பட்டுள்ளது நமக்குத் தெளிவாகத் தெரிந்தது.

எனவே, வைரலாகும் புத்தக புகைப்படம் எடிட் செய்யப்பட்டது என்பது உறுதியாகிறது.

Also Read: கீழ்சாதியை சார்ந்தவர் கோவிலுக்குள் நுழைந்ததால் மேல்சாதியினரால் தாக்கப்பட்டாரா?

Conclusion

“தளபதி மு.க.ஸ்டாலினின் பழமொழிகள்” என்று பரவும் புத்தகப் புகைப்படம் எடிட் செய்யப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
X Post from, @Karu_Sathya, Dated July 30, 2020
Self Analysis