நாதகவை தடை செய்ய முதலமைச்சர் ஸ்டாலின் கோரிக்கை விடுத்தாரா?

Claim: நாதகவை தடை செய்ய வேண்டும் என்று முதலமைச்சர் ஸ்டாலின் கோரிக்கை விடுத்ததாக பரவும் நியூஸ்கார்டு.

Fact: நாதகவை தடை செய்ய வேண்டும் என்று அதிமுக ஒருங்கிணைப்பு குழுவின் புகழேந்தி தேர்தல் ஆணையத்தில் மனு அளித்திருந்தார். இதுக்குறித்து வெளியிடப்பட்ட நியூஸ்கார்டே எடிட் செய்யப்பட்டு இவ்வாறு பரப்பப்படுகின்றது.

“கலவரத்தை தூண்டும் வகையில் சீமான் செயல்படுவதால், நாதக கட்சியின் அங்கீகாரத்தை ரத்து செய்ய வேண்டும். திமுக ஒருங்கிணைப்புக்குழு சார்பில் ஸ்டாலின் மனு! தேர்தல் ஆணைய சட்ட விதிகளுக்கு எதிராக செயல்படுவதால் நாம் தமிழர் அங்கீகாரத்தை ரத்து செய்து, அக்கட்சியை தடை செய்ய வலியுறுத்தல்” என்று குறிப்பிட்டு நியூஸ்கார்டு ஒன்று சமூக ஊடகங்களில் பரவி வருகின்றது.

Post Link | Archive Link

Archive Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கலைஞரை கூட விமர்சியுங்கள்; பெரியாரை விமர்சிக்க வேண்டாம் என்றாரா முதலமைச்சர் மு.க.ஸ்டாலின்?

Fact Check/Verification

நாதகவை தடை செய்ய முதலமைச்சர் ஸ்டாலின் கோரிக்கை விடுத்ததாக பரவும் நியூஸ்கார்டில் திமுக, ஸ்டாலின் ஆகிய இரு வார்த்தைகள் மட்டும் வேறு எழுத்துருவில் (Font) இருப்பதை காண முடிந்தது. அதேபோல் முதலமைச்சர் ஸ்டாலினின் படமும் சரியாக இல்லை.

இவற்றையெல்லாம் வைத்து பார்க்கையில் வைரலாகும் நியூஸ்கார்டு எடிட் செய்யப்பட்டது என உணர முடிந்தது.

இதனையடுத்து வைரலாகும் இத்தகவல் சன் நியூஸின் நியூஸ்கார்டு டெம்ப்ளேட்டை பயன்படுத்தி உருவாக்கப்பட்டிருப்பதால் அந்நிறுவனம் வைரலாகும்  நியூஸ்கார்டை வெளியிட்டதா என தேடினோம்.

இத்தேடலில் சன் நியூஸ் வைரலாகும் நியூஸ்கார்டை வெளியிட்டிருக்கவில்லை. மாறாக நாதகவை தடை செய்ய வேண்டும் என்று அதிமுக ஒருங்கிணைப்பு குழுவின் சார்பில் புகழேந்தி தேர்தல் ஆணையத்தில் மனு அளித்ததாக நியூஸ்கார்டு ஒன்றை வெளியிட்டிருந்ததை காண முடிந்தது.

இந்த நியூஸ்கார்டை வைரலாகும் நியூஸ்கார்டுடன் ஒப்பிட்டு பார்க்கையில், இந்த கார்டை எடிட் செய்தே வைரலாகும் நியூஸ்கார்டு உருவாக்கப்பட்டுள்ளது என அறிய முடிந்தது.

இதனையடுத்து சன் நியூஸ் டிஜிட்டல் பொறுப்பாளர் மனோஜை தொடர்புக் கொண்டு வைரலாகும் நியூஸ்கார்டு குறித்து விசாரிக்கையில், வைரலாகும் நியூஸ்கார்டு போலியானது என்பதை அவரும் உறுதி செய்தார்.

Also Read: பட்ஜெட் தொடங்கும் முன்பே எதிர்க்கட்சி எம்.பி.க்கள் கேண்டீன் சென்றதாக பரவும் தகவல் உண்மையானதா?

Conclusion

நாதகவை தடை செய்ய முதலமைச்சர் ஸ்டாலின் கோரிக்கை விடுத்ததாக பரவும் நியூஸ்கார்டானது எடிட் செய்யப்பட்டதாகும். இந்த உண்மையானது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: Altered Photo

Our Sources
X post by Sun News, Dated January 31, 2025
Phone Conversation With Manoj Kumar, Digital Head, Sun News

உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்