முதலமைச்சர் ஸ்டாலின் வணங்கிய திருவள்ளுவர் சிலை விபூதி அணிந்திருந்ததா?

தமிழ்நாடு முதலமைச்சர் ஸ்டாலின் விபூதி அணிந்திருந்த திருவள்ளுவர் சிலையை வணங்கியதாக புகைப்படம் ஒன்று சமூக ஊடகங்களில் பரவி வருகின்றது.

Post Link

Post Link

Post Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: ‘பழைய இந்தியா பிரதமரும் பழைய சீனா அதிபரும்’ என்று பரவும் வீடியோவின் உண்மை பின்னணி!

Fact Check/Verification

முதலமைச்சர் ஸ்டாலின் வணங்கிய திருவள்ளுவர் சிலை விபூதி அணிந்திருந்ததாக புகைப்படம் ஒன்று சமூக ஊடகங்களில் பரவி வந்ததை தொடர்ந்து அப்படம் குறித்து தேடினோம்.

அத்தேடலில் தமிழ்நாடு முதலமைச்சர் அலுவலகத்தின் அதிகாரப்பூர்வ எக்ஸ் பக்கத்தில் “மாண்புமிகு முதலமைச்சர் @mkstalin அவர்கள் இலண்டன், கீழைத்தேயவியல் மற்றும் ஆப்பிரிக்கவியல் பல்கலைக்கழகத்தில் (SOAS) உள்ள அய்யன் திருவள்ளுவர் சிலைக்கு மரியாதை செலுத்தினார்” என்று குறிப்பிட்டு வைரலாகும் படம் பகிரப்பட்டிருப்பதை காண முடிந்தது. ஆனால் அப்படத்தில் காணப்பட்ட திருவள்ளுவர் சிலையின் நெற்றியில் விபூதி அணிந்திருக்கப்படவில்லை.

இதனையடுத்து தேடுகையில் முதலமைச்சர் ஸ்டாலினின் அதிகாரபூர்வ இன்ஸ்டாகிராம் பக்கத்திலும் கீழைத்தேயவியல் மற்றும் ஆப்பிரிக்கவியல் பல்கலைக்கழகத்தில் திருவள்ளுவர் சிலைக்கு மரியாதை செலுத்தியதாக கூறி இப்படம் பகிரப்பட்டிருப்பதை காண முடிந்தது. அப்படத்தில் காணப்பட்ட திருவள்ளுவர் சிலையின் நெற்றியிலும் விபூதி காணப்படவில்லை.

தொடர்ந்து தேடுகையில் இலண்டன் கீழைத்தேயவியல் மற்றும் ஆப்பிரிக்கவியல் பல்கலைக்கழகத்தின் அதிகாரப்பூர்வ எக்ஸ் பக்கத்தில் ஜூன் 5, 2025 அன்று வைரலாகும்  திருவள்ளுவர் சிலையின் படத்துடன் பதிவிடப்பட்டிருப்பதை காண முடிந்தது.

திருவள்ளுவர் சிலை மறுசீரமைக்கப்பட்டு மீண்டும் பல்கலைக்கழக வளாகத்தில் நிறுவப்பட்டதாக அப்பதிவில் தெரிவிக்கப்பட்டிருந்தது. அப்பதிவில் காணப்பட்ட திருவள்ளுவர் சிலையின் நெற்றியிலும் விபூதி காணப்படவில்லை.

கிடைத்த ஆதாரங்களின்படி பார்க்கையில் ஸ்டாலின் வணங்கிய திருவள்ளுவர் சிலை விபூதி அணிந்திருந்தாக பரவும் படம் எடிட் செய்யப்பட்டது என உறுதியாகின்றது. வாசகர்களின் புரிதலுக்காக உண்மையான படத்தையும் எடிட் செய்யப்பட்ட படத்தையும் கீழே ஒப்பிட்டு காட்டியுள்ளோம்.

Also Read: பிரதமர் மோடியை வழியனுப்பும் ரஷ்ய அதிபர் புதின் என்று பரவும் வீடியோ எஸ்சிஓ மாநாட்டில் எடுக்கப்பட்டதா?

Conclusion

முதலமைச்சர் ஸ்டாலின் வணங்கிய திருவள்ளுவர் சிலை விபூதி அணிந்திருந்ததாக பரவும் புகைப்படம் எடிட் செய்யப்பட்டு மாற்றப்பட்டதாகும். இலண்டனில் காணப்படும் உண்மையான திருவள்ளுவர் சிலையின் நெற்றியில் திருநீர் இடம்பெறவில்லை.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
X Post By CMO Tamil Nadu, Dated September 6, 2025
X Post By M.K.Stalin, Chief Minister of Tamil Nadu, Dated September 6, 2025
X Post By SOAS University of London, Dated June 5, 2024