தவெக தொண்டர்கள் கைகளில் 300 ரூபாய்க்கு சேர்ந்த கூட்டம் என்கிற பதாகை இடம்பெற்றிருந்ததா?

தவெக தொண்டர்கள் கைகளில் 300 ரூபாய்க்கு சேர்ந்த கூட்டம் என்கிற பதாகை இடம்பெற்றிருப்பதாக புகைப்படம் ஒன்று சமூக வலைத்தளங்களில் பரவி வருகிறது.

”அணில்களே… இன்று முதல் 300₹ அணில்ஸ் என்று அன்போடு அழைக்கப்படுவாய்” என்று இந்த புகைப்படம் பரவுகிறது.

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: ரசிகனிடம் பிளாக் டிக்கெட் விற்று சம்பாதித்தேன் என்று விஜய் கூறினாரா?

Fact Check/Verification

தவெக தொண்டர்கள் கைகளில் 300 ரூபாய்க்கு சேர்ந்த கூட்டம் என்கிற பதாகை இடம்பெற்றிருப்பதாக பரவும் புகைப்படம் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் புகைப்படத்தை ரிவர்ஸ் சர்ச் முறைக்கு உள்ளாக்கியபோது Thiruvarur TVK Official என்ற பக்கத்தில் இடம்பெற்றிருந்த உண்மையான புகைப்படம் நமக்குக் கிடைத்தது.

அப்போது அதில், “தானா சேர்ந்த கூட்டம் TVK” என்கிற வாசகங்களே இடம்பெற்றிருந்தது. மேலும், 200 என்கிற எண் அடிக்கப்பட்டிருந்தது. மற்றொரு கட்சி தொண்டர்களை கேலி செய்யும் வகையில் அந்த எண் அடிக்கப்பட்டிருந்தது.

குறிப்பிட்ட புகைப்படத்திலேயே 300க்கு சேர்ந்த கூட்டம் என்பதாக எடிட் செய்யப்பட்டுள்ளது என்பது நமக்கு உறுதியாகியது. தவெகவின் வேறு சில சமூக வலைத்தளப்பக்கங்களிலும் உண்மையான புகைப்படம் இடம்பெற்றுள்ளது குறிப்பிடத்தக்கது.

Also Read: நாகை தவெக பிரச்சாரத்தில் விஜய்-த்ரிஷா புகைப்படத்துடன் தவெக தொண்டர்கள் என்று பரவும் நியூஸ்கார்ட் உண்மையா?

Conclusion

தவெக தொண்டர்கள் கைகளில் 300 ரூபாய்க்கு சேர்ந்த கூட்டம் என்கிற பதாகை இடம்பெற்றிருப்பதாக பரவும் புகைப்படம் எடிட் செய்யப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Instagram Post By, thiruvarur_tvk_official, Dated September 21, 2025
X Post By, SureshRTvk, Dated September 22, 2025